خَبْئني خَلف أجْنحتِك

2

توقعاتكم للاحداث تحفه بس القادم افضل😁

الكومنت ؛ 100 بارت جديد

~

~

~

بيني وبينكم مافكرت افتحه وافتح على نفسي ابواب مسكره
انا متعايش مع نفسي ومرتاح وماودي ادخل متاهات بحياتي
المسالمه والهاديه

ايه وش فيكم مستغربين حياتي هاديه؟

طلعت من المكتب بدون لا اقول للمدير وش صار وتوجهت للغرفه
وجلست فيها بعد ماطردت المزعجين منها عشان اجلس مع نفسي
شوي والملف قدامي

مر وقت وانا جالس وداخلي حيره محتاج احد يكون معي ويساعدني
ابي النصحيه من احد يفهمني وينور لي دربي المظلم!

رفعت راسي من سمعت صوت الباب ينفتح ويدخل براسه
وعلى وجهه ابتسامه لطيفه منتظر مني الاشاره عشان يدخل

رفعت يدي واشرت له يجي وهو ماصدق خبر دفع الباب وركض
جهتي وهو مبتسم وجلس قدامه ويناظرني ببرائه
وكتب على دفتره"نمار احس فيك شي قولي"

نسيت اقولكم هذا صاحبي الوحيد في الميتم او اقول نشبتي
لانه من وصل هنا وهو مناشبني ولا يتركني بحالي كأن احد
حاقد علي دعا لي بهالدعوه عشان اقابل هالانسان الصغير

مايتكلم ومركب سماعه في اذنه عشان الاصوات الخارجيه
واذا يبي شي يكتب على دفتره اللي هو جزء من حياته

اصغر مني بسنتين كل شي صغير فيه طوله وزنه حتى اطرافه
بس ملامحه بريئه بزياده مثل الطفل واللي يشوفه مايصدق انه عمره
١٣سنه

واسمه "ريان"

ريان قصته قصه اذا بقولها لكم لازم كتاب كامل عشان تفهمونها
على عيشته القشره الا انه دايماً مبتسم ويحسسك ان الدنيا بخير
والصراحه ودي اكون مثله بس م كل انسان مثل طبع الثاني!

ناظرته وقلت له
"عارف البير وغطاه ياريان وش تبيني اقولك"

هز راسه بتفهم وكتب هو الاخر
"بس انا شفت واحد يطلع من مكتب المدير وانت بعد من هذا"

ضحكت على لقافته الزايده وقلت
"وليش انت فضولي كذا"

ناظرني بكشره وكتب
"اكرهك لا تكلمني"

نزل السماعه من اذنه وصد عني زادت ضحكتي من كلامه وملامحه الزعوله وضميته بقوه لصدري ريان الوحيد اللي يقدر يطلعني من مودي ويقدر يسعدني من غير لا يحس