خَبْئني خَلف أجْنحتِك

34

قراءه ممتعه🤍

~

~

~

استغرب وهو يحط رجل على رجل
وقال:اوووف من هاللي في المقطع تعنف ريان

قالت امه بتعجب
:من؟

رفع حاجبه ولف الفيديو
وقال:هالمجهوله

شهقت امه من شافت الفيديو وسحبت الفيديو
وقالت:من .. من وين لك هالفيديو يلعن بليس

قال بسخريه
:من وين يعني بالسوشل ميديا حضرت جناب بنت اخوك مشهوره

بلعت ريقها
وهمست:قصّر حسك لا يسمع اخوك

قال زياد
:هو كذا ولا كذا بيشوفه وبيعرف

قالت امه
:في طريقه تمسحه تكفى ياولدي لا يخرب بيت بنت خالك

قال زياد
:شلون امسحه يمه المقطع انتشر خلاص ولا بمكان عام بعد

ضرب فخذها بقهر
وقالت:انت بس تتكلم سوو شي

قال زياد بقهر
:وشش اسوي بنت اخوك هي اللي جابتها لنفسها ولا وحده عاقله
تفضح نفسها بنفسها

وقف واخذ جواله
:تحمد ربها انها عند اهلها ولا كان تشهد على روحها هادي

شدت على يدها بقهر من كلام زياد واللي زاد قهرها ريان اللي
من وصل للبيت خرب كل شي

وقفت بدون تفكير وتوجهت للدور الاعلى وتوجهت لغرفة ريان
بالتحديد مستغله عدم وجود احد

فتحت الباب بقسوه
وصرخت:قوووم يالاصمخ

مارحمت خوفه منها وانه توه صحى من النوم مفجوع سحبته
من يده وطلعته من الغرفه بحقد كامن

قالت بغضب
:انت نحس علي مثلك امك

حاول يبعدها ريان بس قوته ماكانت بكفاية قوتها وهي غاضبه
:ارتحت من امك وبرتاح من قريب

فتحت الباب للحوش الخلفي ودفعته بقوه
وقالت:خيس هنا لين يجي ابوك

قفلت الباب ولفت ع الخدم
وقالت:والله ثم والله اللي يفتح الباب له لا يلاقي نفسه بالشارع

طلعت من المطبخ متجاهله دق ريان للباب ونفس الوقت الخدم
اللي مالهم لا حيله ولا قوه امام جبروت هالمرأه الطاغيه

ضرب الباب ريان وهو يحس بالقهر اعتراه هالمره مانزلت دمعه
من عينه ولا بكى وجُل همه يطلع من هالمكان

تذكر كلام نمار له
' اسمع ريان ترا الدنيا مايبي لها انسان خواف ويترك الكل يقسى
عليه لانهم ماراح يرحمونك وكل ماتركتهم استقوو زياده عليك '

نزلت دمعه من عينه م علشان اللي صار له ولا عشان المه بس تذكر
نمار اللي كان له الدرع والسند بس من راح انقلبت حياته