خَبْئني خَلف أجْنحتِك

1

البدايه : اتمنى تنال على اعجابكم🤍

الكومنت ؛ 100 بارت جديد

~

~

~

انا اسمي نمار او الاسم المفترض لي من وعيت على الدنيا وانا اسمعهم ينادوني فيه بالميتم عمري ١٧ تبقى لي سنه واطلع من الميتم لان القوانين تحتم علينا هالشي رغم ان علاماتي سيئه بالدراسه ومافي منحه راح تقبلني بس مايهمني كل اللي شاغل تفكيري من امي وابوي وانا بعمر ٥ سنوات افكر في هالشي

لما دخلت المدرسه؛
اشوف عيال فصلي مع ابائهم في يوم الاب وانا اكون لوحدي او معي كم ولد من الميتم ويكون معنا مديرنا يصطحبنا للمدرسه
ليوم المعلم كنت اتسائل دايماً عن السبب ولكن م القى الاجابه

بتتسائلون كيف لطفل عمره ٥ يعرف هالامور فيكم تقولون الدنيا علمتني دايماً اسمع عيال المدرسه يسمعوني كلا

مثل:
"طالعوا الولد هذا ماعنده اب"
"نمار انت ليش يتيم وين ابوك"
"صحيح نمار ابوك تخلى عنك! امي تقول اللي بالميتم امه وابوه
مايحبونه عشان كذا رموه وانت اهلك مايحبونك"

تتوقعون اسمع واسكت انا عكس باقي زملائي بالميتم اللي يسمعون
ويسكتون لان مافي احد يدافع عنهم ومكسورين الجناح وهذا اللي طمع عيال المدرسنا علينا

انا عن نفسي اخذ حقي بيدي ولا اسكت لدرجة ان طلاب المدرسه بتجنبوني بتسئلون ليش!

انا اقولكم:
مره ولد في صف سادس استهزء فيني وتشمت
ياليتيم ماعندك اهل اهلك رموك مثل الكلب مايبونك

في هاليوم بالذات تغيرت شخصيتي واصبحت عدواني وهجمت عليه
اطفي حرتي حق سنين تجاهلت الصرخات ودخلت يدي بعين الولد
بكل حقد وقوه بدون لا اهتم لصراخه وبكاه الحاد

في هذاك اليوم اصبح كارثه بالمدرسه وابو الولد لما سمع انجن وحلف الا يحطني بالاحداث ومارضا بالتنازل ابداً رغم ترجيات مدير الميتم ان اللي صار شطانة اطفال والبادي ولدك لكن ابى الا بعد تدخلات من اهله انه يسكت خلاص ويتنازل لانهم من عايله مرموقه وسمعتهم فوق كل شي!

كنت اتسائل وش يعني مرموقه الين مافهمت من مديري انهم عايله فوق اغنياء عندهم فلوس تغطي عين الشمس والمفروض احمد ربي انهم تنازلون ولا كان رحت فيها انا!

بعد خروجي من المدرسه هذاك اليوم رحت سريري وبكيت ايه بكيت
لما شفت ابو الولد شلون يدافع عنه ومستعد يسوي اي شي عشانه
تمنيت يكون لي اب يدافع عني واستند عليه وقت الشده بس مالقيت احد

كبرت وكبر همي معي اكثر وهو من اهلي ووين القاهم هل صحيح تخلوا عني مثل مايقولون زملائي بالميتم وانهم لقوني عند باب الميتم
بلفتك وانت توك رضيع طالع من الولاده!

صرت بالمتوسط وصرت انطوائي اكثر مالي اصحاب ولا اقدر اكون صحبه تفتكرون انهم خلاص نسوا لا بالمتوسط العن من الابتدائي اشوف الاستهزاء بوجيهم واسمع التنمر عليه بس كنت اتجاهل واحبس داخلي اذا ابي المركب يمشي على قولت المدير

م اعرف اهلي ولا شفتهم بحياتي بس كل يوم يزيد حقدي لهم وانتقامي يتضاعف داخلي هم السبب بسببهم انا وضعي كذا
بسبب تخليهم عني صرت مثير للشقفه للكل

الولد اللي تخلوا اهله عنه وتركوه لانهم مايبونه من بعد اخر مره بكيت فيها الدموع ماجات طريقي وصرت حتى البكاء م ابكي لدرجة شكيت اني وصلت لحالة تبلد بالمشاعر!

احاول على مر السنين اللي انا موجود فيها بالميتم اني اتجاهل الكلام والنغزات بحقي يمكن لاني تعودت وماصار يهمني ايش يقولون او ايش يفكرون بحقي...

يوم من الايام العاديه جا للمدير زاير وطلب وجودي اتفاجئت منه
من يكون ووش يبي انا انسان م اعرف احد بحياتي وحيد طول
عمري بس يمكن يكون ولي امر احد من طلاب مدرستي

دخلت عندهم وسملت وجلست وانا اناظر هالغريب وش يبي فيني
ومن يكون خصوصاً بعد نظراته لي شككتني بنفسي

لف للمدير وقال
"ممكن اكلمه على انفراد"

استغربت طلبه لا يكون هو وجهه جاي يهدد بعد يخسي هو ولده
اذا بخاف منه على باله الملاكم احمد

ناظرني بعد ماطلع المدير واخذ ملف كان جنبه
وقال"هذا الملف يخصك وكان معي من سنين طويله والحين جاي
ابري ذمتي واعطيك اياه"

تصمنت مكاني وانا اناظر الملف ولا جا على بالي امد يدي واخذه
وناظرته نظرت تساؤل وقلق ابيه يفهمني الموضوع اكثر

فهم هو من نظراتي له واسترسل
"هذا الملف اللي بغير حياتك وبتعرف وش مخبي لك ادري اللي
اسويه راح يسبب مشاكل كثير بس خلاص مافيني اخبي اكثر
واتمنى منك تسامحني"

كلامه زاد الشك داخلي وشعوري بهاللحظه ماينوصف خوف ورهبه
مع احساس غريب اول مره احس فيه وداخلي يقول ان هالملف راح يغير الكثير بحياتي ومنتظرتني مغامره جديده!

رفعت يدي من بعد تفكير واخذت الملف وانا اتنفس بسرعه وانظاري
على الغريب ونظراته المرتاحه من اخذي للملف

قال بهدوء
"اللي اطلبه منك تسامحني لاني والله مغصوب على هالشي من قبل
١٥سنه وماكان بيدي غير هالشي والحين ابريت ذمتي قدامك وقدام الخالق واطلب السماح"

قال كلامه اللي كان وقعه علي قوي وطلع من المكتب تاركني بحيرتي
ليش ومن هالانسان اللي طلع لي بعد هالسنين هذي كلها ويطلني
اسامحه!

~

~

~

توقعاتكم = تحمسني لاكمال الروايه

رايكم كـ بدايه✨