خَبْئني خَلف أجْنحتِك

7

الكومنت ؛ 100 بارت جديد🤍!

~

~

~

هدوء وسكون بالمكان ماغير صوت الساعه اللي موضوعه بالجدار
والهواء اللي ينبعث من النافذه الكبيره ليحرك الستاير بوتيره!

قطع الصمت الموحش بالمكان
:انا مافهمت من اللي قلته شي يامسفر

ناظره وعيونه كانت حمرا
وقال:ولا انا صدقت مثلك بالبدايه

قال الجد بهدوء
:طول هالسنين كان ميت شلون بيوم وليله يطلع حفيدي عايش

مسح على وجهه اخو مسفر بقلق
وقال:هالموضوع مشربك لازم نفهم اكثر مستحيل من رساله
بنصدق الكلام

قال مسفر بتعب
:وبعد بننتظر ليش مانتحرك ونبحث عن الموضوع

رد عليه اخو
:اصبر شوي لا تكون عجول بنعرف كل شي بأذن الله قريب

هز راسه مسفر بلا
ونطق:مستحيل اوقف مكاني ماراح تحس بالنار اللي بجوفي
من 17 سنه وانا كنت احسب ولدي تحت التراب

قال اخوه بواقعيه
:قلتها بنفسك 17 سنه بتصدق كذبه ارسلت لك بجوالك يامسفر
تكلم بالعقل

رد بعصبيه عليه مسفر
:يعني انا غبي يامطلق هااا؟

قاطعهم الجد بحده
:حلو والله لا عال بعد قوموا اضربوا بعض وقدامي ايه رايك انت
وياه؟؟؟

قال مطلق بخجل
:السموحه منك

قال الجد
:اللي صار صار ومابيدنا شي نسويه المهم الحين وفي هالوقت
مسفر اللي رسلك الرساله من يكون

بلع ريقه مسفر وحك راسه بتعب
وقال:والله مدري جات لي الرساله وبحثت عنها عشان اعرف المرسل
بس طلع الخط خارج النطاق والبطاقه مجهوله

قال مطلق بتركيز
:يعني اللي راسلها مضبط وضعه وجاهز لكل شي؟

سند جسده الجد بتعب وحالته من الخبر اللي سمعه
وقال:من هذا وايه يبي بعد هالسنوات جاي ينبش بالماضي

قال مسفر بدون مبالاه
:ماعلي منه ولا يهمني اللي يهمني الحين ولدي ياجماعه افهموا
ولدي عايش واكيد في مكان بالمدينه لازم الاقيه

قال مطلق بنرفزه
:وانت تظن بهالسهوله بتلاقيه واذا لقيته وش بيكون وضعنا
عند الناس مافكرت

وقف مسفر منهي النقاش وبحده قويه
:اخر همي اسمع من الناس وين هم لما كنت ارتجي شي يبرد
قلبي على ولدي اللي فقدته سنين ولا شاطرين بالكلام بس

قال الجد بهدوء
:مسفر اجلس نتفاهم الصراخ والشد مهب حلو

قال مسفر وهو طالع
:اعذرني يبه بس ولدك ماترك حل للنقاش