خَبْئني خَلف أجْنحتِك

17

قبل نبدا البارت حبيت اعطني تنويه صغير للجدد اللي
يقرون

البارتات تنزل كل م اكتمل العدد يعني انزل بارت جديد
اذا كملتوا شرط البارت واللي هو الكومنت فقط

اما الفوت
ماراح اجبركم عليه من اعجبته الاحداث يقدر يطق اعجاب🌚

الحين اتركم مع البارت☺️

الكومنت ؛ 130 بارت جديد🤍!

~

~

~

همس الجد بأذن مسفر
:مسفر م وقته قلت لك بس نخلص من العزايم بنلقى ليث تطمن

غمض عيونه مسفر وهو حده متنرفز من التوقيت الخطأ
وقال:يايبه الله يخليك كل شوي يطلع شي يأجل الموضوع

قال الجد بـ قلة حيله
:وكل امرك لله

رفع راسه مسفر لمطلق اللي يسولف مع واحد من المعازيم وللحين
اللي سواه حاز بخاطره

صد عنه وجواله جاته رساله من طالب
'مسفر ادري الوقت م مناسب بس لقينا مكان غسان'

زاد تنفسه بهاللحظه وحس ان الدنيا وقفت
ارسل 'وين مكان هالنذل عطني اياه'

وقف وطلع من المجلس بملامح غريبه وترك بكر يتبعه عشان لا
يسوي شي مجنون

لحقه بكر وشافه عن الزرع ويكلم بعصبيه توجهه له
وقال:مسفر وش صاير

لف عليه مسفر وجواله بيده
:عرفنا مكان الخسيس غسان هذا اللي صاير

كمل كلامه مع طالب
:الحين ترسلي موقعه سامع الحين

سحب بكر جواله منه
وقال:طالب لما نبي الموقع بنكلمك بس م الحين

قفل الخط وناظر مسفر اللي صرخ عليه
:ليش ياخي ليش

قال بكر بعقلانيه
:وش ليش افهم يابن الناس تشوف الوقت يسمح الحين اصبر
دخيلك اصبر فكر بعقلك م بعاطفتك يامسفر

حط الجوال بيد مسفر
وقال:قبل كل شي فكر وش بتسوي اذا رحت لـ غسان هالوقت وانت
معصب لا سمح الله ابتليت فيه ولا صار شي ولدك ليث بتنساه
ويمكن تدخل السجن افهم في امور ماتنحل بالعصبيه

سكت مسفر وناظر بكر بروح تايهه وهالشي المه
وقال:بتجتمع فيه يامسفر صدقني الله مايضيع حق عبده