خَبْئني خَلف أجْنحتِك

32

بعد هالبارت راح اضطر اغيب لفتره واتمنى تعذروني🙏

وقرائه ممتعه💕

الكومنت ؛ 200 بارت جديد🤍!

~

~

~

جالس بالسياره وجنبي ابوي وخلفنا فيراس ورام اللي استقعدوا
لي لين ماطلعت من المستشفى

طول قعدتي هناك اللي جاني ريان وهادي وأيسم والتميم
ورام وفيراس وجدتي

ابوي اللي كان ملازمني ليل نهار رغم رفضي لوجوده الا
انه تجاهله وظل معي لـ حتى طلعت

بس اللي موترني هو صمته وتفكيره لدرجة انه مايكون معنا اذا
احد قال له شي او وجه الكلام له!

عمي بكر طل علي ساعه ورجع لـ شغله وعمي لطيف مع انه
شايل مني موقف ولاحظت عليه من زيارته لي

بس تدرون شلون بالطقاق فيه وفيه ابوه هذا اخر همي افكر
اني احس او ازعل بسبب موقفه الغبي

اللي اخذت توكل فيني لين انتفخت وكل م اقولها شبعت تعارض
وتقول م اكلت شي الا بعد مالحست الطنجره كلها!!

ضحكت على كلامها وتفكيرها
:ياولدي لازم تاكل عشان تطلع من هنا بسرعه ولا بوزنك هذا
ماراح تطلع وبتكون هيكل عظمي

بفضلها يمكن اكون زدت عن وزني الطبيعي 3 او 4 كيلو

ظل فيراس ورام يثرثرون لين ماوصلنا للبيت وانا وابوي ملتزمين
الصمت

وقف مسفر قدام الباب
وقال:فيراس رام طلعوا وانا وليث بنلحقكم الحين

استغربت من كلامه وحسيت انه ناوي يقول شي بس متردد
وقلت:مالي حيل انتظرك اكثر تعبان وابي انام

تنهد مسفر وناظره وهو م عارف كيف يبدا معه الكلام
:ليث أسمعني للاخر ومابيك تقاطعني لين اخلص كلامي

ماتكلمت وانا اتقرب وش بيقول او وش من مصيبه ثانيه بتجي
على راسي

قال مسفر
:أسمع ابوي مستعد يعتذر منك وقدام العايله ويبوس راسك
بس شرطه انك تكون تحت أمره وشورك بيده

ظليت ثواني جامد اناظره بدون تعبير وهو متوتر منتظر ردي
:قول له يوفر أعتذاره لنفسه

والتفت بطلع بس مسكني ابوي ولفني له بهدوء
وقال:ليث لا تعند وتكبر المشكله ابوي تنازل وانت بعد لازم تتنازل

شديت على اسناني بقهر العالمين وتغيرت ملامحي سحبت يدي
وقلت:اتنازل على ايييش وش سويت عشان اتنازل انا ضربته على
عينه ولا انا نومته بالمستشفى الاعتذار واجب عليه يعتذر لي
بس اني اتنازل له نجوم السما اقرب لكم