قلبي الصغير

الجزء الثاني

#وجزء أخر ........
اتمنى ليكم قرأءة ممتعه..🤗

محمد لحقى في الشارع...
يابت انتي بالعه موتر 😅ماليك ماشى سريع كده .....
...انا مليت والله ..بعدين الكهرباء دي شكلا ما حتجي هسا احسن امش مادام مافي لا بحث لا غيرو😕
...  في غيرو😉معقوله تخلي اليوم دا يعدي كدا😅
....لا بالله ..عايزني أعمل شنو😏
...عارفيك زهجانه والله طيب رأيك شنو ارح معي سياحه عشان تفكي شويه ..اقول ليك ارح البحر قريب .
..لالا لكن الزمن ..
..زمن شنو يا بت الدنيا صباح🙄 بعدين عشان تعرفي شوارع الخرطوم دي 😅
..هههههههه ظريف😒 ..طيب ساعه واحده بس تمام ...
...ساعه دي حتعدي في الطريق بس ☹
...يا زول دا العندي 😕
...كويس يا مفتريه ..ارح👫
وبعد وصلو البحر ..اثنا ما هم ماشين في الكبري ..
محمد : كدي انتي ماليك اليوم داك احرجتي صحبي معتصم ..الزول دا أصلي يا بت😒
ميساء : انا ما قصدت شي بعدين رديت على حسب الكلام😏
محمد : هو بهظر معاك يا غبيه يا برلومه😅😅
ميساء : لا بالله وانت شنو 🙄ما برلوم زيي😅
وبعد نزلو من الكبري وقعدو في محل  جنب البحر ...
محمد: يا ميساء أنا أصلا دكيت تلاته سنه لو ما كده كنت خلصت زمااان ..عرفتي🙄
..كنت بتعمل في الشنو التلاته سنه دي🤔
..والله بس عواره مني ..قلت أحسن أشتغل اها واشتغلت وبعدين سافرت ولفيت ورجعت تاني ..وهسا شغال قرايه وشغل ..لكن كويس لانو نحن بنجي يومين وتلاته يوم بس ..عشان الزول يشتغل ...
ميساء : السنين دي جاريه والله هسا كده نحن قربن نخلص من السمستر دا ..بعد شويه نلقى نفسنا انتهينا خلاص ...
محمد سرحان بي عيونو وساكت ساي🙄🙄
..اها مالك تاني🤔🤨
..ولا حاجه 😅 كدي نشرب لينا حاجه ..
..لالا ما عايزة
..ماليك خجلانه مني ولا شنو 🙂🤔
البخجلني شنو ما دايرة بس😌
خلاص تعالي معي ساي😁
..لا قلت ليك..
خلاص راحتيك 😌ماشي اشرب برااي..
اها فات قعد مسافه كده وجا وجاب معاهو اتنين عصير 🍹🍹وقال ليها : عارفيك ما عايزة تتعبي نفسك عشان كده جبتو ليك😉😌
ميساء : 😅😅
واثنا ما هم بشربو في العصير وبتونسو ...
محمد : لا حول لاااااكشفي للدفعه داك عليك الله 😀😀
ميساء : ده مش ابراهيم 😳
..ااي والله😅😂
..ودي منو المعاهو دي🤔
ابراهيم دا طبعا البوص بتاع القاعه 😎..عامل فيه ناقشه وتفتيحه ومفلفل شعرو ولابس بنطلون سستم و والنظارات فوق.. وكل يوم مع وحده شكل🤩ومن شافهم قام جا عليهم ومعاو بت اسمى شذى لابسه اسكيرت كحلي وقميص ابيض واسبورت ابيض  وطرحه كحليه  ..بتقرأ هندسه في جامعه السودان ...
محمد من ابراهيم جا وقف قدامو وعايز يسلم لي ..قام قال بسم الله
ابراهيم : مالك قايلني عفريت يا دفعه 😂
محمد : ااي😁😁
ابراهيم : 😂🤣
وقامو قعدو الاربعه سوا وبتونسو ..
شذى : عليك الله ابراهيم دا قاعد يحضر محاضرات
ميساء : لالا ..بس الله يهدي😄
محمد : صحبيك دا ما قاعد يجي الكليه أساسا ..ما عارف قاعد يمشي وين😅😂
شذى : معقوله لكن يا ابراهيم ...
ابرهيم : انتي ما عارفاني مشغول ولا شنو يا قلب💜😉
شذى : خلاص بطل كذب 😏
وبعد اتونسو مسافه كده ..
ميساء : محمد انا ما عايزة اتأخر ..
ابراهيم : ما بدري يااخ ماليك ..
محمد : انا لسه ما حكيت ليك شي
ميساء : احكي لي بعدين خلاص ..
ابراهيم تمام يا زوله ..
محمد ساقه وطلعو ماشين ...وداها السوق العربي وركبها وفاتت وهو مشى 🚶‍♂️
وبعد وصلت البيت لقتو فاضي ..اها استحمت وخيرت هدومها بي ملابس البيت ..وجابت اكل وأكلت 😋😋
وهي رااقده في الاوضه ..ونست انو تقول ليه وصلت ..
بعد شويه اتصل ليها ..
محمد : اها وصلتي🙄
ميساء : ااي وصلت قبيييل 
..والله غريبه 🙄🤔
..شنو الغريب يعني ..
محمد : هي الحاج يوسف دي مش براا السودان على حسب علمي 😁😉
..ظريف😏
وبعد خلصت مكالمتها وقفلت ...
اتصلت على سارة ..
سارة : يا بت ..كيفيك ..
ميساء تمام والله ..وانتي المختفيه ..
سارة : والله كنت مشغوله عندنا مناسبه وكده 😁
..طيب اها بكرة جايه ..
ساره : أكيد ..كويس نتلاقى ..
وقفلت منها ..
وبعد شويه جات مواهب ام ميساء ومعاها مزن اخت ميساء الصغيره ...
جيتي متين انتي يا بت👀 ..
ميساء : جيت من قبيل ...
مواهب طيب ارح معي بيت ناس خالتك رقيه ..
ميساء : مالا خالتي عندها شنو...
مواهب : ولا حاجه بس طولت منها ..
..لكن اناعندي بحث عايزة اطلعو من النت واكتبو ...
اها ارح ما حنطول احسن من تقعدي في البيت براكي..
...رقيه ساكنه قريب منهم بس بيناتم محطه بركبو ليها زي نص ساعه كده ...
ميساء قامت لبست ليها عبايه وطرحه ومشت مع امها واختها ...
كانو قاعدين بنات خالته اتنين كبار وحده متزوجه عندها  اولاد وبنات ماشاءالله👩‍👧‍👦  واولاد خالته تلاته كبار ...
اها مشو غضوها ونسه وجبنه وضحك ..لحدي الزمن فات ...
وجو البيت المساء لقت ابوها عبدالله جا ..ومن الفتر ما قدرت تعمل حاجه ...بس رقدت ونامت😴😴 ...
وفي الصباح .....
قامت مخلوعه😳 ....

           #ما هو رأيكم بهذا الجزء .....
             رأيكم يهمني...🤗

                  #   يتبع..........