قلبي الصغير

الجزء الثالث

#اتمنى لكم قرأءة ممتعه🤗

ميساء قامت مخلوعه 😳عاينت للساعه لقتها ماشه لي سته وحاجه ..اتنفضت من السرير سريع ومشت استحمت كيف كيف كده وغيرت سريع لبست عبايه كحليه وطالعه...
مواهب : ماليك يا بت من قبييل انا بصحي فيك لكن ابيتي تقومي😐..
ميساء : واااي انا الليله أعمل شنو والبحث ما كتبتو كتمت معي وطلعت اتصلت لي ساره ..
ساره : يا بت وين انتي بتصل عليك من قبيل🤨
..انا ياداب مرقت انتي وين ..
ساره : الليله سجمنا انا في السوق تعالي سريع🙁
خلاص تمام ..
وبعد اتلاقو في السوق ومشو 👭 سوا ..والمحاضره بتبدا الساعه سبعه ونص ..

في الجامعه ...في القاعه فوق..
مروة طبعا عشان شخصيه خجوله عشان كده عمار دايماً بحب يشغلا لا..قام جا لقاها قاعده في القاعه وخاته يدها في الدرج وسرحانا🙄قام جا وقف قصاده وقال احم احم 🤭..مروة رفعت رأسها عاينت ليه وسكتت..
عمار : لقيتك قاعده براك قلت اجي اتونس معاك شويه😉..مروه معجبه به لكن ما قاعده تعبر لانو عمار شخصيته مختلفه عنها وبحب يتونس مع ااي زول وبعتبرها صديقه بس 💔💔
المهم جا قعد معاها ويتكلم وهي بترد ليه قام قال مدام مافي موضوع اغير امشي أشرب لي كبايه قهوه اتفضلي معي🤗..مروة ..لا شكرا ما قاعده اشربها مع الصباح لكن كولك زوق😊..
عمار قال ليها المحاضرة لو بدت اتصلي علي ..قالت ليه كويس..بعد شويه جات عبير وسلمت على مروة وقعدت تتكلم بالتلفون بعيد ..بعد شويه جا ابراهيم داخل ولابس ليك برضو سستم ومفلفل شعرو كتير ..
وقعد جنب مروة قدام ومركب السماعات ومنطرب 😎
عبير كشفو الجماعه الطيبين وصلو ..وجو داخلين محمد ومعتصم و سعد ورحاب و زينب🤗
ابراهيم قام على حيلو عشان يسلم على الاولاد.. اوووو يا دفعه كيفكم بالله😁..
معتصم : ما زيك والله شكلك مروق أخر رواق 😉
ابراهيم :والله الحمدلله ياااخ☺
سعد زول ما عندو شغله بي زول شايف نفسو بس قام سلم على الجماعه وفات قعد بعيد ومسك تلفونو وشغال تبيظ ...
محمد يا جماعه الليله الدكتور دا اتأخر شكلو ..لكن انا اتكلمت معاهو وقال تسليم البحث الليله 😶
ابراهيم اووو شت صحي الكلام دا💔😦
محمد : ااي😁
طبعا ميساء وساره ياداب جو داخلين الكليه ..ميساء قالت انا ماشى الاستراحه وجايه اذا الدكتور جوه اديني رنه ..
ساره : خلاص ما تتأخري لكن ..وهي طالعه على القاعه لاقها ابراهيم هو نازل 👀لاقاها في السلم قال ليها ماليك جاريه براحه عشان ما تقي ...
سارة : لالا ما حاقع 👀
ابراهيم : هو الوقع انواع لكن😉 اها دكتور حاتم زاتو ما جا لسع ...
ساره : ايوااا لالا تمام وطلعت سريع ما عايزة تزيد كلام معاهو👀 هي ما بتتفق معاهو لانه شايفه بتاع بنات ...
...اها بعد شويه جا دكتور حاتم واداهم المحاضره وقال ليهم الما سلم البحث ما يتعب روحو لانو ما بستلمو تاني اوكي وطلع🚶‍♂️
محمد جا لي ميساء وساره وهو بتبسم 😊🙂وسلم عليهم ..
ميساء سمعت الدكتور قال شنو☹..
محمد : ااي سمعتو ..ما انتي عامله فيه مستعجله وعنديك حاجات مهمه اها ماليك😕
ميساء : طيب وانت عملت شنو ..
محمد : انا كتبتو وسلمتو زاتو 😏
ساره : انا طلعتو من النت وكتبتو عايزة اسلمو🙂
ميساء : سجمي وانا أعمل شنو هسا😟
محمد : تسألي منو 😅😄
ميساء : كربت تبكي وانفعلت فيهو كلو منك انت دا لو ما كده كنت رجعت البيت بدري وكتبتو من الانترنت ياااخ وتضحك بي نفس كمان😠😠
ساره : يا بت ابردي لانو محمد كتبو ليك وسلمو مع حقو تمام قال لي كدا لمن كنتي براا😂😅
البت قربت تطير من الفرح وعاينت لي محمد وما باقي الا تبوسو 😚
محمد: ما كان توريه اصلاً كان تخليه كده على اعصابها عشان تستاهل 💔💔
ميساء : عليك الله كتبتو متين 😁
محمد : ما عارف😒
ميسا : وحياتك😊
كتبتو بعد رجعت وساهرت وانا بكتب فيهو وانت جايه تتلائمي لي في النهايه ..اها انا طالع وجاي ..
وبعد طلع🚶‍♂️
ساره : يا بت انتي تاني ما تجوطي ساي كويس افهمي اول ..ميساء خلاص انا ما كنت عارفه كويس بعدين عادي كنت بهظر😁..ساره .لابالله ما باين لكن ..
ميساء لالا باين ..

      *اتمنى ان يكون الجزء أعجبكم......

                 و  رأيكم 🤗   

                     #يتبع.........