قلبي الصغير

الجزء التاسع

وجزء جديد ...
والمرة دي كتبت جزئين لانو اتأخرت في الكتابه وتاني ان شاءالله بحاول أكتب سريع....
وبتمنى ليكم قرأءة ممتعه 🤗...

طيب للتذكير بس ...

..أكيد ما عرفتيني طبعاً..
ميساء ااي ما عرفتك 🤨
..والله شينه منك يااخ..لانك ما بتسألي مننا..
ميساء بصراحه انا ما عرفتك فوضح كلامك ووريني انت منو او افصلا مني...
..لسه اخلاقيك ضيقه زي زمان🙄
ميساء يا الله الصبر...
..طيب يا بت عبدالله معاكي معاذ اوكي  اها عرفتني ولا لا ..
ميساء فتحت خشما من الدهشه معااااذ ياخ دا انت بالله😲 كيفك عليك الله والاهل كلهم كيف😁...
معاذ..بطلي طلس يا بت😒
(معاذ دا ود عمتها اسمه نعمه وهي أخت عبدالله بت عمتو ساكنين في ولايه الجزيرة ..و معاذ وحياة اخت معاذ زاتو كانو أصحاب شديد وهي ديمه بتمشي في الاجازات ..لكن في الفترة الاخيرة من تالته ثانوي ما سافرت تاني وهي ما كان عندها رقم معاذ الزمن داك...)
..معاذ : نحن تمام الحمدلله بس اشتقنا لي شوفتكم بس شلت رقميك من حياة ..
حياة عمرها23في الزمن داك ومعاذ21سنه ..حياة اكبر من معاز وهي خلصت جامعه ..
اها معاذ اتونس معاها كتير بعد داك حفظت رقمو عشان تتواصل معاهو 🙂

بعد أسبوع كده.....

سارة حكت لي محمد عن ميساء وسر تغيرها المفاجئ بعد اصرار منو طبعاً وبعد ما حلفه كتير واترجاها  وما قدرت تكذب عليهو😕 ..وقالت ليه في النهايه انتهى الموضوع وميساء ما قدرت تكلمك عشان ما توترك في الفاضي ..والفات مات يا محمد ومافي داعي لذكر الماضي 💔

لكن محمد ما أتحمل الحكايه وغضب وزعل لانو ميساء ما كلمتو حاجه زي دي ..وحس بأحساس غريب كأنه اول مرة يعجز عن شيء...

وبي هناك👇
ميساء لبست ليها عبايه سوداء هي وسارة الاتنين سوا 👭واتلاقو كاالعادة ومشو الجامعه ..وهم داخلين على الكليه كده لمحو ليك ابراهيم الحلبي..
وكان قاعد مع وحده كده لابسه بنطلون جينز مع قميص وردي وطرحه خاتها في نص راسه و مطلعه ليها شعيرات لي برا ..وهو بعاين لي سارة ساي 👀 والبت اسمه رشه قعدت تعاين ليهم بطرف عينه من شافتهم😏..ميساء طبعا سلمت ليه من بعيد بس بالاشارات وفاتت هي وسارة ما أشتغلتو به..ودخلو الكليه..
ولقت مروة وروعه وسلمو ليهم بالاحضان🤗..ومعتصم وسعد وعلي كانو بتونسو ..ومحمد كان قاعد لكن بالو بعييد  سرحان براهو وكأنو ما معاهم 😐..
وطول اليوم ..ميساء كل ما تحاول تتكلم معاهو بتهرب منها وبتجنبها ..لانو كان مضايق منها شديد💔💔

حتى بعد كم يوم هو بسلم ليها بس وبمش ..ولو اتصلت بتكلم معاها عادي وبرد ليها حسب السؤال بس..
معتصم  بسألو الحاصل شنو هو بقول ليه مافي حاجه 🙁..وعدا كم يوم على الوضع دا
سارة قالت ليها الحصل وانها حكت ليه لانو حلفني وما قدرت ما أقول ليه واتأسفت 😢
ميساء ما مشكله يا سارة الحصل حصل  خلاص ..وانا كنت مفتكراهو حيقدر وضعي ..
سارة اها هسا حتعملي شنو ..
ميساء ..ولا حاجه استناه لمن يروق شويه اصلا زعلو دا ما بدوم كتير انا عارفه محمد💙