قلبي الصغير

الجزء السابع

* ورجعت ليكم تاني....

وبتمنى ليكم قراءة ممتعه🤗

ميساء كلمت امها انو عندهم طلعه مع سارة ..مواهب لكن تجي بدري قبل ابوك ما يجي ما عايزة تأخير👀
ميساء خلاص كويس وقامت لبست ليها فستان لحمي طويل مفستن مع طرحه قريبه ليهو وشبط بيجي وشنطه بيجيه😊💖وعملت روج كبدي ..
وبي هناك سارة طبعا كلمت نسرين امها وقالت ليها ما تتأخري عارفه  اخوك صح هي طبعا ابوها سافر بحكم طبيعه شغلو دايما بسافر....نسرين عارفه انو مشوارها عندو علاقه بي عادل لكن هي ما حبت تجادلا لانو سارة صريحه معاها وبتحكي ليها ااي شيء وفي نفس الوقت واثقه من اخلاق عادل ولانو ما غريب عليهم💜
سارة لبست فستان نمري طويل معاهو هاف جكت اسود وطرحه بنيه نفس تشكيله الفستان وعامله روج بني وكانت تجنن وشايله شنطه سوداء زايد شبط بني 👌👌
ميساء وسارة فاتو المحل المتفق عليهو وكان يلهوويييييييي(على قولت المصريين😅)من فخامته
ميساء قالت في سرها ..عدوله دا طلع راقي شديد😯
سارة ..أكيد😅..ميساء..ما قايلاك سمعتي😒😅
عادل كان لابس بنطلون اسود سستم وقميص اوف وايت اكمامه طويله واسبورت اوف وايت 🤗ولابس النضارات بس لمن شافهم طلع النضارة وجا سلم عليهم
..وبعد شويه جا محمد وكان لابس بنطلون اسود برضو وقميص كحلي اكمامه طويله واسبورت اسود ..
وكان ما شاء الله مع الابتسامه المشرقه المستديمه على وجهه البشوش والبتظهر وجنتو الشمال😉🙈..وبعد سلم  عليهم 🤗ومشو قعدو ليهم في طاوله في اربعه كراسي حجزة عادل ..ميسو وسرو جنب بعض وعادل ومحمد جنب بعض واي زول مواجه على حبيبتو😂
محمد بعد اتعرف على عادل وانبسط منو شديد لانو عادل شخص بحب الونسه والضحك ...محمد قال ليهو: سارة حكيت لي عنكم ..عادل عارف ما بتقصر هي😅...وقامو وفاتو طلبو البيتزا 🍕..وبعد جو ..
ساره اها يا جماعه قلت لي اموركم شنو ...
محمد امورنا تمام😶 ..
والقعده سمحه ومحمد طول الوقت يشيل ويشاغل في ميساء وضحك وهظار مع سرو وعادل😅🤣وكأنه بعرف عادل من زمان😂وطول الوقت تعليقات وهظار..
ميساء بس العاقله بيناتهم وما شليقه للدرجه ديك  وبتضحك بس في تصرفاتهم ..وصنت كدا وقالت ليهم طلبتو ياتو نوع😁..
محمد 👀كل الانواع والنوع البتحبي انتي برضو يا ام كرشه😜..
قعدت بتحمر ليه ساي...محمد ما قلت ليك زعليك حلو....
سارة ..احم احم نحن هنا يا فالح😉..ميساء ..هسا عادل دا يقول علينا مجانين والله
عادل.. انا قلتها وانتهيت 🤣...
ميساء ..👀الله يصبرني بس بدل مجانين اتنين هسا بقو تلاته😐..

وبعد انتهو من وجبتهم 🍕😋قررو يمشو المول وفعلا ركبو العربيه بتاعت عادل 🚘 ..
وميسو وسرو 👭كانو ورا ومحمد قدام مع عادل👬 ...
وبعد دخلو المول ..محمد اشترى ليهم شوكلاته وايس كريم وشبس🍫🍨🍧🍿🍿 وبعديها قطعو تذاكر ودخلو السينما 🎬وحضرو ليهم فلم..
وبعد داك طلعو ..
كان يوم حلو ومميز وغيرو شويه من الروتين بتاع الجامعه الممل ..
ورجعو مبسوطين بعد عادل وصلهم ..
........