قلبي الصغير

الجزء ١٣

جزء جديد ....

وبعد خلصت المحاضرة ..جا لقاها مزاجه كعب وكانت سرحانه بتفكر في الحصل 😐 ومتضايقه ..محمد جا قعد جنبها وكان ساكت ساي
ميساء : مالك ساكت ساي 👀كنت عايز تتكلم معي صح🙄
محمد : عايز اسمعك انتي ..اها كنت عايز اتكلم معاك في نفس الموضوع بتاع امس يا ميساء والله يا ميساء انا  م...وبدون ااي مقدمات قالت لي : انا موافقه على كلامك 🙈...
محمد :😳وبي اعلى صوتو قال ليها بالجد 💕..
ميساء :ااي😅😅..
محمد :اخيراً حنكون في بيت واحد انا ما مصدق والله 😀..امس مش كنتي معترضه شويه على الكلام دا اها الغير رأيك شنو  ..
ميساء : بس فكرت في كلامك كتير وشفته انو مافي غلط انو نرتبط رسمي وما عندي مانع في دا 💜
محمد :مسك ليها يدها وقال ليها صدقيني ما حتندمي على الكلام دا نهائي ..وبوعدك انك حتكوني اسعد انسانه في الدنيا 🤗..
ميساء : بدون شك😉..محمد اكتفى انو ينظر ليها نظرة كلها حب وامتنان بتعبر عن مدى فرحتو .وقال ليها.. بكلم اهلي في الموضوع وهم اصلاً ما حيكون في عندهم مانع😊 ..وهي كانت خجلانه ابت تعاين ليه🙈..
محمد : مافي داعي تخجلي مني يا حكايتي صدقيني انتي احلى حكايه بالنسبه لي 🙂...

وبعد المصارحه وكل الوعود الاتواعدوها ..
مشت البيت وكلها امل وكانت طول الوقت قاعده تتبسم 🙂وخايفه في نفس الوقت انو السعاده الحاسه بيها دي تخلص ولا تختفي ..
مواهب : مستغربه من تصرفا دا وقالت ليها : يابت انتي ماليك الليله مبسوطه كدا اها ربنا يبسطك كمان وكمان لكن وريني فرحيني معاك على الاقل🤔..
ميساء : خلاص يا امي لو حاجه حتعرفي قريب 😊
مواهب : دا جن شنو دا يا ربي ..ما تخليني اقوم اوديكي للشيخ هسا دا في الليل دا 🤨..
ميساء : فكت الضحكه من كلام امها 😂😂
مواهب : ااي اضحكي أصلاً قربتي تجني ..
ميساء : معقوله يا أمي ..
مواهب : معقوله ونص ..

في مكان اخر ...

كانت قاعدا بتتكلم معاهو ودخلت ليها في موضوع  ومتحمسه شديد بي وابتسامته ام وجنات الخلتو يتلبش وما يعرف راسو من رجليو 🙃 ..وهو قاعد جنبها بي مزاج خالف كراعو  وبشرب القهوة البريده زي عيونو☕وسرحان بعيد ...
مودة : معتصم انت سامعني 😠☹
معتصم : ااي يا عمري قلتي شنو😳..
موده : ولا حاجه 😒....
معتصم : احكي لي سامعك يا 💜..😁
موده : خلاص انسى ..اها ما عرفتني بي اصحابك الظراف ديل ..مش قلت لي انك حتعرفني بيهم ..
معتصم : ااي بكرة ان شاء الله ..
موده : كويس 😒
معتصم : ماليك تاني 🤨
موده : ولا حاجه 🙄
معتصم : موده ..
موده : نعم ..
معتصم : قومي امشي بيتكم ..
موده : ياااخ انا زاتي زهجت ارح وديني ..
معتصم : مجنونه 🙄

محمد كان راقد في نص الحوش ومستكين والبسمه ما فارقت وشو 🙂..وقرر انو يكلم اهلو ...
واثناء ما هو بخطط لي كدا ..جاتو رساله في تلفونو📲
من رقم غريب عليه ..كاتب فيه " انا اخوك في الله
"..محمد استغرب شديد لكن ما أشتغل بي ..
تاني رسل لي " وبحب الانسانه الانت بتحبها وهي برضو بتحبني شديد "
محمد : أسمع انا ما ناقص ااي تفاهات واطلع من دماغي ..ومفتكر انو حأصدقك بكل بساطه ..
المرسل : عارفك ما حتصدقني ببساطه لكن انا متأكد من كلامي دا وميساء ما بتحبك هي اتقربت منك عشان تنساني بس فهمت ..
محمد : انت واحد محتال وانا ما بكذبه هي واصدق واحد زيك ..عشان كدا ما تتعب نفسك وكلامك دا ما حيأثر فيني ..وطوالي حظرو وما أشتغل بي ..
هو عارف انو ميساء برئيه وما قاعده تكذب ولا بتعرف تستغل زول ومستحيل تلعب بي مشاعرو ..وانو الزول دا مجرد واحد كذاب ...