#سوف أعرفكم بالشخصيات الموجودة في الروايه اثناء ظهورها واذا نسيت شي بكتبو في ملاحظه......
اتمنى لكم قرأءة ممتعه🤗
ونبدأ......
بعد امتحانات الشهاده السودانيه ..والاطلاع على الدليل ..ما قدرت انو تلحق التقديم فاتها ..ميساء عمرها 18سنه متوسطه في الطول سمراء وجيهه في ملامحهها..شخصيتها هادئه الطبع ..وبعد انتها التقديم ...
استطاعت ان تجد واسطه لدخول احد الكليات ..
وتم تسجيلها لتدرس اقتصاد في تلك الكليه ..وهي ساكنه شرق النيل ..والكليه في امدرمان...
اها طبعا كان اول يوم ليها في الجامعه والجماعه كانو فايتنها بي تلاته اسابيع ..
وجات لابسه اسكيرت اسود وقميص اصفر وطرحه سوداء وشنطه سوداء..
وبعد دخلت القاعه وكانت المحاضرة شغاله ..وكل العيون عليها لانها أخر وحده دخلت 👀👀👀
وكانت متوتره شديد وخايفه 😥🤐وقعدت في أقرب مكان فاضي في أخر القاعه لانها كانت ملانه شديد....
..... و بعد المحاضره انتهت ..وهي قاعده براها😐
وما بتعرف زول ..
بعد شويه جا واحد اسمو مصطفى سلم عليها ومعاهو صحبو خالد وهم قاشرين اخر قشره كده وظاهرين ..( ما برااالمه😂) وقعدو يتعرفو عليها وهي من وين وكده المهم اتونسو وكانو ظرااف 😉
..بعد شويه الشيتات بتاعت الماده طلعت والناس القدام شالو...
وهي قامت من محلها عشان تشيل ماشه تشيل واحد..
معتصم ومحمد كانو قاعدين قداام يتونسوا....
معتصم : عليك الله مافي وحده عجبتك من البنات ديل ي صحبي ...
محمد : كشف لي ميساء وهي جايه واول مرة يشوفا ..وقال: الا لو الابسه أصفر دي عاجباني😊
معتصم : عشان ظااهرة ولا شنو😅😅
محمد : 😅😅لالا والله
ميساء شالت الشيت وماشه ..معتصم وشلاقتو قام ناداها...
قامت مشت عليه ..مرحبا وسلم عليها ..خير ان شاءالله..
معتصم : صحبي دا قال معجب بيك والله😁 ..
ميساء : وصحبك دا ..ما عندو لسان ما يتكلم براو ..انت المتحدث الرسمي 😏..(قالت جملته دي وفاتت)
محمد ..سكت ساي وما قدر يتكلم وعاين لي معتصم وضحك😅
والشله الجنبو يضحكو فيهو ..
عمار : احرجتك 😂🤣
معتصم : وشو بقى ما بتفسر ..اتحرج ود الناس😂
اها اليوم عده وميساء لقت شله ناس رحاب وعبير وزينب قعدو وفطرو سواا..واتعرفت عليهم ..رحاب ظريفه وعبير برضو وزينب ومروة مساكين...
..نهايه اليوم الشله كلها ساكنه قريب ..في القاعدين في الداخليه قريب والساكنين امبدا والثورات وكده..
وهي براها من شرق النيل ..ومشت براها ركبت المواصلات ومشت البيت....وهي كانت بتفكر براها وقالت في نفسه ( يا ربي لي انا رديت للولد كده ما كان في داعي من اول يوم اغرب وشي)
......
اها بعد أيام على والوضع ده ..وهي بقت متعودة على الجماعه لكن هم ما اتعودو ليها ..حتى لو طالعين ما بكلموها ..وما بسألو منها الا هي بس بتقعد معاهم ..لكن بطلت تقعد معاهم ..
وبعد مرور الايام...جات طالبه جديده كانت متأخرة يعني بعد شهر وحاجه كده اسمها سارة...
كانت ظريفه شديد وبتحب الهظار وبتخش في الناس سريع ..
واتعرفت على ميساء ومروة ...
وميساء عرفت انو سارة ساكنه شرق النيل الحاج يوسف وانبسطت لانو هتمشي معاها يومي..
وبقو يمشو ااي حته سوا بما انو سارة جديده وكده ..لكن اتعرفت على طلبه كتير ...
....وفي يوم كان عندهم بحث مهم ...وسارة ما جات الجامعه اليوم داك ....
ميساء صحت بدري وطلعت من البيت ومشت الكليه ..
و بعد وصلت دخلت المكتبه وبقت تفتش🤔🤔
وتفتش في الكتب لكن ما لقتو ...واثناء ما هي بتفتش في المكتب جا محمد يهو معاها في نفس التخصص صاحب معتصم...وسلم عليها...
قال ليها : انا من قبيل هنا فتشت في الكتب دي لكن م لقيت والله ..طيب رأيك شنو نمش الفرع التاني من الكليه احتمال نلقى هناك..
...لكن الفرع داك ما بعيد🤨
...لالا🙂وأثنا ما هم بتكلمو جو مروة ورحاب وعبير ..
محمد : ما تتعبو نفسكم البحث دا مافي هنا ارأحكم الفرع التاني ..
ردت لي رحاب خلاص كويس..
قامو مرقو ..من المكتبه وصلو الظلت ...ومحمد أشر على حافله وركبو كلهم ، طبعا اليوم داك حظهم كان كعب ..بعد دخلو الكليه لقو الكهربا قاطعه ..
ميساء : اصلو ما ممكن ياااخ😠
محمد : يا زوله انتي زاااتيك كج😅
ميساء قامت صرت ليه وشا وقالت ليه: كلو منك انت هسا مجرجرنا من هناك مالك ...
محمد : والله حظكم كده😅
مروة قالت لي عبير ..خلي نمش يا زوله ...
رحاب : يا جماعه استنو شويه مالكم ..الزمن لسه بدري واحتمال الكهربا تجي ..
محمد : تعالو كدي خلي نقعد في الكفتريا شويه ..
قالو كوييس ..وفاتو الكفتريا لقو ليهم خمس كراسي ..تلاته جنب بعد واتنين بعاد شويه ...
محمد قعد جنب مروة وعبير ..اما رحاب وميساء قاعدين بعيد بتكلمو ..وجات بنت لابسه اسكيرت ضيييق وخطوة طويله ..
رحاب شايفه البنات هنا بلبسو كيف ..شكلو مافي رقابه على اللبس ..
ميساء : ااي شكلو كده ...
محمد براقب ميساء من بعيد 💛💛
ميساء والله مليت خلاص ..
رحاب يا زوله اصبري..
ميساء لالا والله ..نستن لي متين ..وقامت يا جماعه انا ماشه خلاص ..
وطلعت الشارع ...واثناء ما هي ماشه ..
لحقى محمد....
يا بت انتي بالعه موتر😅 ماليك ماشه سريع كده...
#اسفه اذا وجتو بعض الاخطأء......
وأريد ان أعرف رأيكم في هذا الجزء البسيط......
رأيكم بهمني🤗
# يتبع.........
أنت تقرأ
قلبي الصغير
Romansaبقلم : اكرام عبدالكريم هذه القصه واقعيه.. ابطالها اشخاص موجودين فعلا ..فقط غيرت بعض الاسامي .. حدثت في احدى الجامعات ...
