بعد وصلت البيت ..وقعدت مسافه جاته مكالمه من معاذ😳..فتحت الخط واتكلمت معاهو.. معاذ ..وين يا ميوس ...ميساء بخير الحمدلله 🙂 معاذ كيف الجامعه معاك .ميساء.. تمااام كيف عمتو نعمه وحياة وباقي الجماعه 🤗 معاذ..كويسين فاقدنك بس اها جايانا متين .. ميساء ..والله ما بقدر أسافر قريب .. معاذ ..ايواا اذن نجوك نحنا ولا رأيك شنو ...ميساء تشرفو ااي وقت ..والونسه جرت من موضوع لي موضوع.. وهم بقو يدردشو على طول لانه معاذ ود عمته وهي بتعتبرو زي اخوها وصديقه والونسه بيناتهم عادي..
طبعا بعد امورها ظبطت مع حمودي 😚كانت مبسوطه وفرحتها ما بتتوصف ومعنوايتها مرتفعه على قول سارة😀..وشالت ليها أحلى لبسه من الدولاب وكان فستان عنابي بي طرحه تركوازيه وشنطه بيجيه وجزمه بيجيه وعملت ليها روج عنابي😅😅..ولاقت سارة كالعاده ..سارة وااااااو 😲 بيوتي فل..كدي بالجد كدا يا ميسو انتي حاسه بي شنو الليله حبيبتي .. ميساء ..خير لي شنو الغريب شنو يعني😒 سارة ..الغريب شنو🤔هو انتي كل يوم بتجي غبشه 😂الليله متجنصصه كدا وتقولي لي الغريب شنو🤣 ميساء ..شنو شنو سرو😒 غبشه انا قاعده أجي غبشه ... سارة ..عارفه دي صيغه مبااالغه🙄 لكن صراحه كنتي وهميه خصوصاً ايام الامتحانات عشان كدا ..لكن رجعتي ميسو ياداب😂 ميساء ..خلاص بطلي عولاق👀... وبعد وصلو ..كانو واقفين شله ناس رحاب بنات كيوت ..عبير كانت واقفه مع محمد بتتكلم معاو بعيد من الشله .. وسارة وميساء جو وسلمو لي باقي البنات ..وميساء شافت ليك عبير واقفه مع محمد ..والغيرة مسكتا وبقت تحمر لي ساي ..لمن رفع عيونو ولقاها لمن ابتسم براو من عميرا👀..وهي زحت عيونا سريع ومشت سلمت للبنات وتاني رجعت مع سارة تسلم لي عبير ومحمد بي برود نظام ما هاميه ... وعبير طوالي فاتت مع صحباتا ..ومحمد قبل لي ميساء اها اموريك شنو والابتسامه عريضه على وشو ..ميساء بي زعل كدا ما عارفه 🤨..وخلوهو ودخلو جو الجامعه ومحمد حصلهم وبقا ماشي معاهم وقال : البت دي مالا الليله ..وكشف ليها من فوق لي تحت وصفر صفارة طويله 😮وقال ليها : طالعه قرضه الليله .. ميساء ..وباقي الايام كنت شينه مش.. محمد ..لا يا ميسو يا حكايتي انتي دايماً عسل 🤗 ميساء ..عليك الله بطل طلس فهمت😏 محمد..ماليك قالبه وشك كدا يا بت خلاص قمتي في شواطينك 😅...سارة هي عندها شواطين يعني😂 ميساء ..لا بالله انت معاو في كلامه دا.. سارة ..لا والله ☹..ميساء لا بالله ..
في مكان آخر عمار كان قاعد مستكين كدا ومعاهو معتصم بشربو جبنه بي مزاج ..جات مروة ماشه قامت سلمت عليهم ..معتصم قال ليها اتفضلي جبنه 🤗 مروة ..شكراً لكن ما قاعده اشرب ..معتصم طبعاً بتاع تشغيلات وبحب يورط ..قام قال ليها : صحبي دا قال عازميك 😉 ..عمار حمر ليه بقعر عينو كدا👀 ..مروة بأبتسامه خجوله ..عمار ااي انتي انسانه ظريفه عشان كده حبيت أعزميك بما انو نحن اصحاب وكده😁 مروة كويس ..عمار كويس يا زوله ... مروة فاتت وهي مبسوطه لانو عمار عزمه 😊.. معتصم قام جاري قبل ما عمار يقوم ليه 🏃♂️ ..عمار كويس انا الا امقلبك يوم ..معتصم ما حتقدر😅😅 وهو ماشي اتلاقه مع محمد الكان طالع .. محمد مالك بتضحك 🙄 وشاف ليك عمار وهو مكشر .. قال ليه : معنى أكيد عملت فيو مقلب ..محمد والله انا نفسي اطبق فيك نظريه لكن دايماً بتذكر انو علاقتي بدت مع ميساء بسببك عشان كدا خليتك ..معتصم والله انا فاعل خير بس😆 ... وبعد داك جو سارة وميساء طالعين ..ومحمد كان مرافقهم وهو بتونس مع معتصم ... واثناء كلامو مع معتصم ميساء قاطعتو وقالت لي انا مسافرة الجزيرة👀..محمد متين الكلام دا🙄 ..ميساء عندي عرس بت عمتي بعد اسبوع هو كان ما مخطط ليه لكن حصل..محمد ما عايزا مرافق😅 ..ميساء اهلي ما بقبلو عرفت😏 ... ورجعو البيت ....
تاني يوم برضو ..لقت عبير قاعده بتراجع محاسبه مع محمد هي أصلا شاطرة وبتجيب امتياز وبتحب تعمل مكياج سارق ..وكانت بتراجع واحيانا تهظر معاو وتضحك🤣🤣 ..ميساء اتضايقت منها شديد حتى سارة 👀👀... ومصطفى ..برضو كان بعاين ليها وشايفه مزعوجه .. خالد : انت مدام بتحب البت دي لي ما بتعترف ليها يااخ🙄 مصطفى : لكن هي بتحب واحد تاني فهمت وبتعتبرني صديقه بس .. خالد : لكن انت بتعرفه قبل محمد دا وبتستحقها ..خليك فاهم يا صحبي.. مصطفى : عاين كدا وسكت ..
وبعد انتهو من المحاضرات... وميساء وسارة رجعو بعد انتهاء اليوم بدري ..ومحمد مشى بدري وفات محل شغلو بي هناك وقال ليها لمن تجهزي رني لي كويس قبل ما تسافري ..قالت لي كويس .. وجا البيت متأخر ما أتصل لي ميساء كان تعبان طوالي نام😴 .. ميساء اتصلت علي📞 ما برد واتصلت كذا مرة وما رد قنعت ..بعد ثواني اتصلت ليها هاله اختو وقالت ليها محمد نايم طيب دقايق اصحي ليك ..ميساء لالا ما تصحي نوم الهنا ما مشكله للصباح وتسلمي يا هاله 😊.. والصباح اتصل كان يوم جمعه المهم انشغل بي وم رجع ليها.... وهي كانت عايزا تسافر خلاص وجهزت امورها ... ..لانو حياة دي صحبتها وبت عمته في نفس الوقت كانت متطرة تمش ..عبدالله كان عيان عشان كدا مواهب ما قدرت تمش وقدمت ميساء ومزن براهم ودتهم لحدي الميناء وقالت ليها خلي باليك من نفسيك وسلمي لي عمتك واعماميك كلهم وقعدت توصي فيها وخايفه لانو ما حصل خلتا سافرت براها😥😣 ..ميساء ياأمي خلاص بطلي خوف انا ما صغيرة وبهتم بي نفسي انتي خلي باليك من ابوي😐 مواهب خلاص كويس ومشت بعد ما ركبو الباص🚍 .. وفجأة 😳اتذكرت انو ما كلمت محمد انو مفرض تتصل ليه محمد ...وعايزة تتصل كدا ..قالت انا اتصلت لي ميه مرة وما رده خلي يتصل هو يا زول ..ودخلت التلفون في الشنطه ونامت ....
لحدي ما وصلت ولايه الجزيره.....
ونزلت من الباص🚍وهي بتتذكرت ايام طفولته وكيف قضت احلى ايام حياتها في الجزيره وكانت بتجي لي حبوبته وجدها ام و ابو ابوها ..وكيف كانو بريدوها شديد ولمن كانو يسوقها معاهم الحواشه وجدها بزرع الفول والدخن وكان بزرع الجرير والبصل وبعلمه تزرعها كيف وحبوبتا تجيب ليهم الفطور والشاي حتى كانو عايزنها تقعد معاهم🤗❤و لكن الزمن داك لسه ما ولدو مزن عشان كدا قالو احسن تقعد مع امها💔 ..وبعدين هي بقت تجي في الاعياد والاجازات وفكرت انو دي كانت ايام حلوة ما بتتنسي 💖.. واخدت لي ليها حافله وصلته لحدي مكان القريه حقتهم ..وقصاد بيت العرس زاتو ....
*اتطلعو على قصتي الجديده 👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
