قلبي الصغير

الجزء الخامس

#جزء اخرء..........
قرأءة ممتعه🤗...

اها الاجازة كانت قصيرة نزلو طوالي السمتر زي بعد اسبوعين كده ...والنتيجه طلعت ..محمد جاب امتياز طبعا🤩 ميساء برضو نجحت والبقيه ناجحين كانو النجاح كتير ومعتصم وسارة وبقيه الدفعه في الشايلين مواد زي ابراهيم وعلا وزهل وسعد وكانت بدايه موفقه للجميع ...
..وبعد نزلو خلاص ...
والمعظم كانو متحمسين🤩 ..وقاشرين اخر قشرة لزوم السمستر الجديد وكدا😉😉
مصطفي كان بررا بتكلم مع خالد...خالد اها انت يا مصطفى قصتك شنو مع ميساء دي 😉 مصطفى قصه شنو يا مان ميساء دي صديقتي بس وهي انسانه لطيفه وبسيطه عشان كدا انا برتاح ليها ..خالد والله يعني ما بتحبها 🙄❤
مصطفى ..حب شنو يازول انت جنيت انا ما قاعد أحب لانو ما عندي وقت بس هي مجرد صديقه بس و ما بنكر اني معجب بيها بس مجرد أعجاب وكدا علاقتنه تمام🤗😀
خالد ..ايواا لالا تمام حبيت اتاكد بس ..طيب وعلا المكسره فيك دي ...مصطفى علا بتاع شنو كمان عليك الله اكسر الحنك اصلا هي عندها ٩٩حبيب وانا الميه😅😅
.....
ميساء كانت لابسه اسكيرت اخضر بترولي وقميص ابيض وطرحه اوف وايد مع اسبورت ابيض ظابط كده وميكب خفيف ومكوزة الطرحه...
ساره كانت لابسه اسكيرت زيتي مع بلوزة فيروزي وطرحه قريبه لاسكيرت واسبورت فيهو اسود وابيض كانت حلوة مع لون جسمه ..😊😊..
وسارة وميساء جو ماشين👭 شافو ابراهيم وجا سلم عليهم وعايزين يمشو قام قال لي ساره دقيقه بس عايزيك في كلمتين 🙂 سارة طيب اتكلم عادي ميساء صحبتي وما غريبه على فكره 🙄 ابراهيم ..ااي عارف
ميساء خلاص نتلاقى فوق ما مشكله .وطلعت سريع ...
ساره من متين في بيناتنا كلام كمان🤨 ابراهيم والله انتي عارفه انا من شفتك ارتحت ليك على فكره ومعجب بيك شديد ..ساره 😳..
.......
ميساء طلعت فوق لقت محمد كان لابس قميص ابيض برضو واسبورت ابيض لكن بنطلون رمادي ..ميساء 😲
محمد عاين لي نفسو وكشف ليها وقال ليها نفس الاحساس مش💖😅...ميساء ..ابتسمت ليه ..قال ليها حمدالله على السلامه🤗ميساء الله يقبل حمدك يااخ
اها كيف كانت الاجازة معاك ...محمد..مسيخه بدون شوفتك يا عسل 😚 ميساء : لا بالله ..محمد ..ااي عندك شك 🙄 ميساء ..لالا😁 محمد...اها سارة وين ..
ميساء ..خليتا تحت مع ابراهيم..محمد ..مخلوع مع منو😳
ميساء ..ابراهيم.. وبعدين مالك مخلوع كده😐..
محمد هي البوقفه معاو شنو كمان..ميساء ما عارفه الصراحه كان عايز يقول حاجه..
وبعد شويه جات سارة داخاله القاعه ..لقتهم ليك وقالت : اوووو😲انتو متفقين ولا شنو الطقيم العجيب دا .. لكن بصراحه طالعين هاي كلاس💜💖..محمد ..يا زوله 😆
سارة جد والله😅..ميساء صدفه بس ما أكتر....محمد ..لالا اعترفي انو نحن اتفقنا😉..ميساء نتفق على شنو يا بجم🙄..محمد ..انا بجم يا زفته انتي...سارة ابردو كدي عليك الله ..محمد ..انتي اطلعي منها البت دي اصلا حقارة وديرة دق🤨..سارة عفيت منك لكن معقوله انت تعمل كده ما بتجي منك 😌 ..
ميساء بتحمر ليه ساي👀😅محمد ..حتى زعلك حلو والنعمه😘😅سارة ..اووو مدام كده احسن أطير انا على الاسترحه😁..ساره طلعت وميساء قامت لاحقاها...محمد مسكه يا بت انتي طايرة وين تقول فاكينيك بي نبله ..وقعدت بعد هدت شويه ..محمد ..يا ميساء اسمعني لو سمحتي..ميساء اها اتفضل احكي سامعاك👀..محمد ..انا بحبك والله صدقيني بحبك❤❤
ميساء..ما عرفت تقول شنو بس قلبه بقا يدق سريع وهبطت في مكانه ..محمد وانتي ما تخليكي ساكته كدا وريني عشان لو ما عايزاني ما حعزبك تاني وحنكون اصحاب عادي بوعدك لانو دي حياتك بس انا وريتك بي مشاعري الحاسيه تجاهك من شفتك💘💘💘
وهي بقت تعاين زي العويرة لانو احاسيسها تجاهو ملخبطه هي حاسه انو مرتاحه معاهو شديد وقالت احتمال دا الحب💖محمد طيب افهم انو السكوت علامه الرضا ولا شنو...ميساء هزت ليه رأسها في خجل وبقت تضحك😊😄 محمد ..كنت قايلك طرشتي وما ساماعني😅😁 ميساء ..ظريف😏..
...اها اليوم عدا وكانو الاتنين مبسوطين وااي زول بعاين للتاني وببتسم محمد كان قريب ليها وقاعد مع معتصم وعمار💕..وسارة وميساء بعيدين حبه ..سارة ما تفهموني حاجه🙄
..وبعد المحاضرة خلصت ..
كالعاده جا مصطفى وشبكه ليك منضمه مع ميساء وهو متكيف المرة دي وبضحك وبهظر ..محمد اتضايق منو لكن ما أظهر ليه فقام سلم ليه وطلع 🚶‍♂️ميساء اول مرة تتضايق من مصطفى😕قامت قالت ليه خلاص نحن ما عندنا حاجه تاني انا حأمشي ..مصطفى يا زوله اها طيب رأيك شنو نحن عازمنيك معانا قعده في توتي  وصحبتيك دي معزومه معانا ..ميساء والله شكرا ليك لكن ما حأقدر امش معاكم ..قالت مع السلامه وطلعت مع سارة👭 ..
في الشارع.. سارة مصطفى دا عايز منك شنو ي ميساء..ميساء كيف يعني عايز مني شنو يا سارة دا صديقي وهو بعتبرني صديقتو زي ما انا بعتبرو كدا...سارة اهييييي انا منك وحدة غبيه خلاص..
ميساء ما أشتغلت بها وطلعت تلفونها واتصلت بي محمد ..محمد رد ليها انا في الحته الفلانيه تعالي وقفل...

اها بعد وصلو المكان كان عباره عن كفتريا كدا كبيرة ومقسمه وهم لي جوة شديد قامت اتصلت ليه جا طالع ليها...وبعد دخلو وعرفهم بي اختو اسمه هاله ممتحنه شهاده ياداب ..وهاله طلعت ظريفه شديد وطيبه🙂🤗وقالت ليها اخوي دا فقعنا بي سيرتك ياااخ دا قرب يخت جزمتو في التلاجه😂😅ساره... معقووول
هاله ..ااي😁محمد ..يا زوله بطلي طلس😒ميساء🤣😅 محمد غير الموضوع وقال: لي ساره
اها صحي ي ساره انتي ابراهيم قاليك شنو...
ساره اتفقعت من الضحك وقالت:  ااي صحي ما قلت ليكم طبعا قال لي معجب بي  انا قالت لي اني مخطوبه لي ود عمتي ..هو طبعا ملامحو اتغيرت وبقى كيف كيف وانا ما اشتغلت بيه وهو بقى عامل كده😳 هو الود دا انا ما هضمتو نهائي كمان احبو ..
محمد 😅😅كسرتي قلبو ياااخ ..ميساء دا قلبو ما بتكسر بي سهوله ...
وبعد ده طلعو وشالت رقم هاله عشان تتواصل معاها

           #اتمنى ان ينل اعجابكم

          وهل الجزء طويل ولا مناسب......

     وكتييييير حابه أعرف رأيكم في القصه😁
            
                   رأيكم بهمني😉🤗

                     # يتبع..........