سكريبت 💖
-اتفضلي ادخلي
قالها كريم وهو متضايق معرفش ليه ..دخلت بكسوف وانا بشد فستان الفرح...قلبي بيدق جامد عشان اخيرا اتجوزت الانسان الوحيد اللي حبيته ...يااه اخيرا ربنا قبل دعوتي ...انا اسمي كارمن عندي تمنتاشر سنة في كلية تربية علم نفس ...جمالي عادي جدا وكريم يبقي ابن عمي ...انا بحبه من انا وصغيرة ...رغم انه أكبر مني بعشر سنين ...كنت دايما بحب العب معاه وانا وصغيرة وهو كمان بس فجأة بعد عني ...لما سألته قال انه كبر ومينفعش يلعب معايا تاني كان وقتها عنده عشرين سنة وكان في تالتة كلية ...بعد عني تماما وبطل يهزر معايا زي الأول ...حتي بطل يكلمني هو كان صاحبي الوحيد ساعتها ...حاولت اتكلم معاه او اقرب منه بس رفض..وده كسر قلبي ...كبرت وكبر حبي ليه ...كان عندي خمستاشر سنة لما عرفت اني بحبه بس وقتها كان خلاص بعد خالص بحكم شغله وانا انشغلت في دراستي ...بعدها بفترة جالي خبر خطوبته ...ساعتها انهارت وبكيت ومحدش كان يعرف مالي الا ماما...ساعتها قررت انساه...انشغلت في دراستي وانا بحاول اتجنبه بقدر الإمكان...بس بعد ما ماما ماتت وهو فسخ خطوبته لقيت نفسي بقرب منه تاني لحد ما اتقدملي واهو اتجوزنا...بصلته وانا ببتسم وقربت منه وانا بقول :-
- انا بحب...
بس هو قاطعني بسرعة وقال :-
-دي هتبقي اوضتك يا كارمن وانا هكون في الأوضة اللي جمبك لو عوزتي حاجة .
بصيتله بصدمة وانا بقول :-مش فاهمة انت قصدك ايه ...احنا مش متجوزين !!
حط ايده في جيبه وقال :-
-جوازنا مش حقيقي يا كارمن ...دي لعبة مسرحية كده لحد ما تكملي واحد وعشرين سنة وتقدري تاخدي ورثك حسب وصية مامتك .
بصتله وانا مش فاهمة هز راسه وهو متضايق وقرب مني وهو بيشرح اكتر :
- انتي عارفة ان مامتك كانت من عيلة غنية...هي صحيح اتنازلت عن كل حاجة وسابت بيتهم عشان تتجوز ابوكي بس ابوها اداها حقها بالكامل ...نصيبها في الميراث كان عشرة مليون جنية ... بس وصيتها كانت انك لما تكملي واحد وعشرين سنة بس تاخديهم ...طبعا خالك مسكتش لما عرف ده قرر ياخد فلوسك واستغل بند في الوصية ان لو اتجوزتي قبل ما تكملي السن القانوني الفلوس هتبقي لجوزك وهو هيكون الوصي عليكي لحد ما تتمي الواحد وعشرين ...عشان كده كان عايز يجوزك ابنه واتقرب منك ...وعشان كده ابوكي طلب مني انا اتجوزك خصوصا بعد ما فسخت خطوبتي مع امل .
عينيا دمعت وانا ببص عليه وقلت:-
-يعني انت مبتحبنيش !
اتوتر شوية وقال :-
-طبعا بحبك يا كارمن انتي زي اختي الصغيرة ...هتعيشي هنا معززة مكرمة وبعد تلات سنين نتطلق وتتجوزي الانسان اللي هيسعدك وتحبيه
-بس انا بحبك انت يا كريم. قلتها وقربت منه وحضنته ...اتوتر وهو بيبعدني وقال :-
-بس انا لا ...انتي اختي بس يا كارمن ...وبعدين انا أكبر منك اووي ...اتجوزي واحد في سنك ..
مسح دموعي وقال بحنان :-
-ودلوقتي روحي ارتاحي ونامي.
......
كنت واقفة قدام مرايتي وانا ببكي ..كل حاجة طلعت كدب ...كريم اتجوزني عشان بس يحميني من شر خالي وابنه...هو قال كده ...هو مبيحبنيش ...اكيد لسه بيحب امل ...خطيبته اللي سابته...طبعا مش قادر ينساها ..مسحت دموعي وانا بقول :-
لا مش هستسلم...كريم بقا جوزي وامل من الماضي ....قدامي تلات سنين وانا في الفترة دي هخليه يحبني .
فتحت الدولاب وطلعت قميص النوم اللي كان مفروض البسه وانا خلاص بقرر اني ابدأ الخطوة الأولي.
كريم كان نايم علي السرير وبيفكر في كارمن ...ايه ذنبها عشان تتدبس في الجوازة دي ..ايه ذنبها انها تتجوز واحد أكبر منها بعشر سنين ...كارمن متستحقش كده متستحقش انه يكسر قلبها ....هي ميستحقش حبها مكانش قصده يكسر قلبها بس برضه ميقدرش يكمل معاها هي ...ميقدرش يظلمها بالشكل ده !!!كارمن صغيرة وحلوة والف واحد يتمناها ...ومن الالف دوول هو كمان ...هو كمان حب كارمن ...عشقها بجنون بس صغر سنها خلاه يبعد عنها بأي طريقة لدرجة انه خطب عشان بس ينساها بس مقدرش ...وبسببها كانت المشاكل بتكتر دايما بينه وبين امل لحد ما قررت تسبيه وتتجوز واحد تاني ...ساعتها ام كارمن ماتت وعرفوا بوصيتها وفي اليوم ده عمه طلبه .
....
كريم :-ايوة يا عمي طلبتني
جمال والد كارمن:-ايوة يا كريم ...تعالي اقعد عايزك في موضوع
قعد كريم جمبه وهو مستنيه يتكلم
جمال :كريم يا ابني انا عارف انك بتحب كارمن ...بتحبها اووى كمان وعشان كده انا عايزاك انت تتجوزها وتحميها من شر خالها وعياله .
كريم:-بس يا عمي انت غلطان انا مبحبش كارمن
قاطعه جمال وقال :-انت الوحيد اللي هتحميها يا كريم ...انت عارف اني عاجز ومقدرش علي شر خالها...اوعدني يا كريم ..اتجوزها لو حابب وطلقها بعدين بس احميها من شرهم!!
هز كريم راسه وقال :-حاضر يا عمي اوعدك
.....
خرج من أفكاره وهو شايف كارمن قدامه لابسة قميص نوم ومتوترة...قام كريم وقال بعصبية:-بتعملي ايه هنا .
قربت كارمن وحاولت تحضنه وقالت :- انا بحبك يا كريم ..بحبك اووي .
زقها كريم وهو بيزعق:-حب ايه وقرف ايه بس ...وايه اللي انتي عاملاه في نفسك ده شكلك زي بنات الليل....
كارمن ببكاء :- انا مش بنت ليل انا مراتك وبحبك ...وده حقي !.
كريم بغضب :- وانا مبحبكيش افهمي خلي عندك كرامة ...جوازنا مش حقيقي دي مسرحية وهنتطلق بس تاخدي فلوسك
كارمن بحقد :-كل ده عشانها صح...بترفضني عشان حبيبة القلب امل صح .
كريم بكذب:-ايوة يا كارمن انا بحب امل
عشان كده برفضكم واتفضلي اطلعي برة والموضوع ده ما يتكررش تاني والا هسيبلك البيت وامشي!
يتبع
