البارت التاني من الاسكريبت 💖💖
في الواقع لم تبالي بل ارتدت ثيابها وذهبت لوالدها للحصول علي الأجوبة
....
بعد قليل وصلت للمنزل وقابلت والدها
الاب بدهشة :رحمة انتي بتعملي ايه دلوقتي ...النهاردة ليلة دخلتك صح
رحمة بألم :جيت اسألك ليه عملت فيا كده ليه رخصتني بالشكل ده ....للدرجادي عايز تخلص مني
الاب بتوتر :ق قصدك ايه
رحمة بصراخ :انت فاهم كويس انا بتكلم ...ليه يا بابا ليه تخلي واحد زي جاسر يعايرني بأن ابويا هدده لو متجوزنيش ليه كده....انا مش عانس يا بابا ...انا كنت قادرة اتجوز وجالي اللي احسن من جاسر مليون مرة
الاب :بس انتي كنتي مستنية جاسر يا رحمة !...كنتي بتحبيه ونفسك تتجوزيه بس هو مكانش حاسس بيكي عشان كده ....
قاطعته رحمة:عشان كده رخصتني ...عشان كده عملت عقد انكم هتتتازل عن ديونه عشان يتجوزني ...عاملتني كأني مجرد أرض او بيت مش انسانة ليا مشاعر ....مين ادالكم الحق انكم تبيعوا وتشتروا فيا .....بس لا يا بابا انا المرادي مش للبيع ....انا هطلق من جاسر وناوية اسافر لماما امريكا اكمل دراستي هناك
ثم استدارت وذهبت وسط نداء والدها لها
..........
وقفت رحمة بسيارتها امام الملهي الليلي لتجده خارج الملهي ومعه تالين ....
خرجت من سيارتها واقتربت منه وقالت وهي تطالع تالين بقرف:
هي دي اللي ناوي تقضي ليلة الدخلة معاها !
جاسر بغضب :ايه اللي جابك هنا؟
رحمة بسخرية :انت نشرت صورتك علي الفيس وانت عارف اني هاجي ليه مستغرب بس متخافش مش ناوية اتخانق عشانك او اترجاك متروحش معاها مش هنولك المتعة دي
جاسر بتوتر :اومال انتي جاية ليه؟!
رحمة بتصميم :جاية ابشرك اننا خلاص هنتطلق .زي ما انت حابب ومتقلقش عشان الديون هي خلاص اتدفعت بابا مش هيتعرضلك تاني اعتبرهم تمن حريتي منك
جاسر بألم :حريتك ؟
رحمة:ايوة يا جاسر حريتي استني بس عليا شهرين اضبط نفسي عشان اسافر امريكا وبعدين طلق في الوقت ده براحتك اعمل اللي انت عايزه انا مش هعترض طريقك يعني اخرج مع البنت اللي انت عايزها ....اتجوز كمان لو حابب
جاسر بسخرية وغضب :وطبعا ده متاح ليكي انك تخرجي مع اللي انتي عايزاه
ضحكت رحمة وقال :ايه غيران ولا حاجة....لا متقلقش طالما شايلة اسمك انا هلتزم بحدودي مدام شايلة اسمك لا اخلاقي تربيتي تسمحلي اعمل كده اظن ان اتفقنا علي كل حاجة انا هروح البيت دلوقتي وانت...
نظرت لتالين بسخرية وقالت : enjoy مع حبيبتك الجديدة باي يا جاسر .
استدارت رحمة وذهبت
امسكت تالين كف جاسر وقالت :سيبك منها ويالا يا بيبي .
ابعدها جاسر واستقل سيارته دون أي حديث .....
.......
اوقف السيارة امام البحر ونزل ووقف امام البحر وهو يفكر برحمة ....هو أعجب بها بالفعل لكن حقيقة انه اجبر علي الزواج منها تجعله ينفر منها...قد ظن أنه بوجوده مع تالين سيجعلها تغار ولكن للاسف لم تغار وهذا جعله يجن ...ولكن هو لن يستسلم حتي يري نيران الغيرة تنهش روحها ....لن يستسلم حتي تتوسل هي حبه!
......
مر اسبوعين علي هذا اليوم ورحمة تجنبت جاسر نهائيا لا يجمعها به الا الطعام ونادرا ما تتكلم معه ..
دائما مشغولة بالهاتف لتنهي الإجراءات اللازمة كي تسافر !
رحمة :تمام يا يوسف مش عارفة اشكرك ازاي ...انت خلصت الورق بسرعة كبير اسرع ما كنت اتخيل وفرت عليا حاجات كتير ...لا لا مش دلوقتي نستني شهر كده وبعدين اسافر ...انت عارف لازم اتطلق الأول واوثق ورقة طلاقي عند المأذون...تمام يا جو ميرسي سلملي علي سها باي
أغلقت الهاتف ليقول جاسر من خلفها بصوت قاسي :مين ده يا هانم
نظرت إليه ببرود وقالت :ملكش فيه ...ثم كادت أن تذهب من أمامه ليمسك ذراعها ويدفعها حتي تقع علي الأرض:قلتلك مين ده اللي بتكلميه يا رحمة والا اقسم بالله اعدمك العافية
رحمة : لا راجل
جاسر :رحمة انطقي متعصبنيش
رحمة بعصبية :ده يوسف ابن عمي خلصلي اوراقي عشان اسافر امريكا وقلت استني شوية عشان لما نتطلق
جاسر بعصبية :مفيش طلاق
رحمة بتوتر:يعني ايه
جاسر ببرود:يعني انا مش هطلقك لا دلوقتي ولا بعدين انا قررت تبقي مراتي
رحمة بتصميم:لا هتطلقني يا جاسر مش تبقي بتخرج مع حبيبتك كل يوم وتكلمها قدامي وتحب فيها ومتوقع مني افضل معاك
جاسر بصدق :انا مقربتش من تالين من وقت فرحنا ...كنت بكلمها بس عشان اخليكي تغيري ومكنتش بطلع معاها حتي
رحمة بعناد:ميهمنيش الكلام ده انا عايزة اطلقك
جاسر :مش هطلقك
رحمة : يبقي هخلعك
جاسر :ده لو سبتك تطلعي من هنا
نظرت إليه بضيق وقالت :انت بتعمل كده ليه مش انت اللي كنت عايز تطلقني من الأول حصلك ايه
جاسر "حصلي اني من غير ما اعرف حبيتك !واكتشفت اني حبيتك من الأول بس كنت بكابر
رحمة بدموع :وانا بطلت احبك يا جاسر ...كرهتك وكرهت نفسي عشان علي ذمة واحد زيك ...انا هتطلق منك وهسافر واعلي ما في خيلك اركبه!
#عشقني_رغما_عنه
#سولييه_نصار
معلش والله عشان التأخير بس النت معايا وحش اووي عموما لو النت اتضبط النهاردة بإذن الله هنشر الجزء الاخير.
