سكريبت❤
-يعني أنت بطلت تحبني يا زياد.
قلتها وعيوني مدمعة مكنتش مصدقة أن زياد خلاص بطل يحبني وقدر يحب غيري.
بصلي وهو متضايق وقال :
-انتي اللي دمرتي حبنا يا نيرمين بشكك الزيادة خنقتيني ودمرتي حياتي... وأنا مبقتش قادر استحمل بصراحة.
-انت كداب يا زياد.... أنت هتسيبني عشان حبيتها... حبيت ريم صح
قام وزعق :(بقلم سولييه نصار )
-أيوة حبيتها يا نيرمين... حبيتها لأنها مش يتخنقني زيك.... مش عندها غيرة مرضية زيك.... ريم أحسن منك بمليون مرة.... سعادتي اللي انتهت معاكي لقيتها معاها هي وبس.... عرفتي ليه حبيتها... عموما أنا مخدعكيش أول ما لقيت مشاعري اتغيرت طلبت أننا نتطلق بدل المرة الف وانتي بتماطلي... اتقبلي الحقيقة يا نيرمين أنا مبقتش أحبك... خلاص خلينا نبعد بهدوء والحمد لله أننا مخلفناش عشان اولادنا كانوا هيتعذبوا....
-زياد أنا...
قام زياد وقال :
-أنا هطلع وهرجع بعد ساعة الاقيكي لميتي هدومك ومشيتي.... وورقة طلاقك وحقك هيوصلك لحد بيتك... أنا هتجوز أنا وريم في الشقة دي.
بعدين سابني ومشى..... دموعي نزلت وانا مصدومة.... معقولة ده زياد اللي حبيته أكتر من حياتي.... اللي فضلته علي العالم كله.... الإنسان اللي كنت مهووسة بيه يعمل معايا كده... أنا وزياد اتجوزنا من سنة عن حب... كنا بنحب بعضنا اووي... افتكرت أننا هنعيش مع بعض للأبد.... بس زياد متسحملنيش... أنا عارفة أن غيرتي أوفر كتير بس بعمل كده من حبي ليه... أنا حبيته اووي وخوفت لأحسن أي واحدة تاخده مني بس أهو أنا اللي بعدته بإيدي... طيب ليه مستحملش غيرتي... أنا بستحمل لا مبالاته.... نسي عيد ميلادي وعيد جوازنا واستحملت... كان بيشتغل طول الوقت واهملني وبرضه استحملت.... استحملت عيوب كتير.... ليه هو مستحملش عيبي... ليه... أسهل حاجة عنده أنه يتخلي عني ويحب غيري لا وهيتجوزها في بيتنا كمان .... أنا مش هسمح بكده ابدا
.......
-يعني خلاص هتطلقها!
مسك زياد ايدها وقال :
-أيوة يا حبيبتي خلاص نيرمين انتهت من حياتي للأبد وهي زمانها اصلا سابت البيت فاضل ابعتلها ورقة طلاقها وحقوقها عشان اقفل الموضوع ده خالص.
-أنا خايفة لأحسن تعملنا مشاكل يا زياد دي واحدة مجنونة وتعملها.
-لا يا حبيبتي خلاص متقدرش أنا فهمتها أنها انتهت بالنسبالي وده حقيقي أنا مبقتش أحب نيرمين ولا حتي بقت تهمني
مسك ايديها وقال بحب :
-أنا بحبك انتي يا ريم
ابتسمت ريم فقال زياد :
-يالا يا حبيبتي خلي مامتك تجهز عشان تشوفوا الشقة وتقرروا عايزين نعمل فيها ايه.
-حاضر يا حبيبي
قامت ريم بسرعة تقول لمامتها.
........
ام ريم بفرحة:يعني طلقها.
-لا يا ماما لسه بس مشاها من البيت
-جدع دلوقتي خليلك الجو.... العبي في دماغه لحد ما يكتب البيت بإسمك اوعي تطلعي من الجوازة دي من مولود بلا حمص!!
-متقلقيش يا ماما انا تربيتك برضه.. يالا عشان هو عايزنا نشوف الشقة عشان نقرر هنغير فيها ايه.
-ماشي يالا بس بقولك اختاري اغلي عفش ماشي متستخسريش... زياد ده عامل زي البنك المركزي.
-حاضر يا ماما
قالتها ريم وهي بتضحك وشدت أمها وطلعوا.
.........
-اتفضلي يا حماتي... اتفضلي يا ريم
قالها زياد وهو مبتسم بس ضحكته اتجمدت لما لقاني في وشه... كنت مصدومة ده جابهم بيتنا! .
-انتي لسه قاعدة هنا؟!
-أنت جايبهم بيتنا يا زياد
-ده مش بيتنا يا نيرمين... ده بيتي انا اللي جهزته!... واحنا مش اتفقنا علي الطلاق؟!
-وأنا مش عايزة اتطلق يا زياد... وأنا موافقة أنك تتجوز ريم ونعيش كلنا مع بعض.
-وأنا مش موافق يا نيرمين
وبعدين قرب مني ومسك أيدي وقال :
-يالا يا نيرمين أمشي مش عايز اهينك أكتر من كده.
خرجني ولسه هيقفل الباب في وشي قولتله الخبر اللي جمده مكانه
-زياد أنا حامل!!!
يتبع
#لا_أحبك
#سولييه_نصار
تفاعل حلو بقا❤❤
