الجزء التاني💖
في شركة آدم.
ولجت مها لمكتبه...ربعت يديها وهي تقول بجدية :-
- انا موافقة اتجوزك يا آدم!.ابتسم برضا وقال :-
- تمام كويس اووي الفرح هيكون بعد اسبوعين بالكتير هاجي النهاردة اطلبك من عمك .
-بس انا عندي شرط !
عقد آدم حاجبيه وقال :-
-ايه هو ؟
تنهدت وقالت :-
-تدفع الأول مصاريف عملية ماما ولما تعمل العملية واطمن عليها نتجوز !
اومأ وقال :-
- تمام هدفع فلوس العملية يا مها ...بس لو فكرتي تتراجعي عن الجواز بعد عملية امك وديني لاندمك علي اليوم اللي اتولدتي فيه !
....
في منزل مها
هوت كف عمها علي وجهها حتي سقطت أرضا...ثم امسك شعرها وهو يهزها بعنف ويقول من بين اسنانه :-
-نعم يا اختي فسخت الخطوبة !مش ده احمد اللي كنتي هتموتي عليه ...ده اللي رفضتي ابني بسببه وركبتِ دماغك !دلوقتي جاية ترفضيه ."هز رأسها حتي صرخت من الألم وقال بغلظة :-
-مين اللي لعب في عقلك يا بت انطقي.
بكت مها وقالت :-
-محدش لعب في عقلي .انا سيبته لأني لقيت فرصة احسن ...مديري اللي في الشركة عايز يتجوزني ...وهو غني جدا وهيعيشني عيشة محترمة .
ترك عمها رأسها بذهول وقال :-
-ادم رضوان عايز يتجوزك انتي !! مش ممكن .
ابتسمت مها وقالت بفخر :-
-لا ممكن اووي ده حتي حابب يأخد منك معاد عشان يتقدملي ..ده غير انه هيدفع فلوس عملية امي ...ايه أرفض!!
ابتسم عمها بطمع وقال :-
-تبقي حمارة طبعا ..كلميه يجي النهاردة.
- تمام هكلمه
.....
بعد أن تكلمت مها مع آدم خرجت من منزلها لتبتاع بعض الأشياء...شهقت بفزع وهي تري أحد ما يغلق فمها ثم يجرها لسطح المنزل ...دفعها احمد بحدة حتي سقطت علي الأرض.. .نظرت إليه مها برعب وهي تقول :-
- انت اتجننت يا أحمد..بتعمل ايه ؟!
ابتسم بشر وقال وهو يفتح ازرار قميصه:-
-هتعرفي دلوقتي ...انا هدمرك عشان بعد كده تعرفي ازاي تتجرأي وتخونيني مع مديرك المحترم!
صرخت مها وهي تقول يتوسل:-
- احمد ابوس ايدك لا ...لا .اخذت تدفعه بشده وهي تصرخ بإنهيار ليبتعد احمد فجأة وهو ينظر لها بقرف:-
-متقلقيش مش انا اللي المس واحدة زيك...انا انسان محترم وبتقي ربنا مش زيك داير علي حل شعري احب في ده واتجوز ده تلاقيكي لافيتي علي مديرك وخطفتيه من مراته ما انتي رخيصة ..
اخذت مها تبكي وهي تنظر إليه بذهول ثم نهضت وقالت بكبرياء جريح:-
- ما دام انا رخيصة للدرجادي ليه لحد دلوقتي بتجري ورايا !!ليه متسبنيش في حالي وتغور من وشي...بقولك خلاص كرهتك ...كرهتك يا أحمد.
صرخت عندما صفعها بعنف وقال بغل :-
- وانا كرهتك ومستحيل ارجع لواحدة رخيصة زيك ...خلي الحقير التاني يشبع بيكي وانا واثق انه هيرميكي رمية الكلاب بعد ما ياخد غرضه ...انا اصلا اللي غلطان اني سيبت بنت خالتي المحترمة وجريت ورا واحدة زيك مش متربية ."دفعها بقرف ثم خرج تاركا اياها تبكي .
........
-في منزل مها
-لا يا آدم بيه كلامي كان واضح من البداية مش هنتجوز قبل ما امي تعمل العملية واطمن عليها
- انتي تخرسي ومتتكلميش ..انا هتكلم "قالها عمها مزمجرا ليقاطعه آدم ويقول :-
-مفيش مشكلة يا مها نطمن علي مامتك الأول وبعدين نتجوز علطول
.....
مرت الأيام وأجرت والدة مها وأصبحت بخير ...بينما قرر احمد ان يتزوج ابنة خالتة انتقاما من مها .
...
خرج احمد من منزله مرتديا ملابسه الانيقة وبجواره والديه متجهان الي منزل نورا ابنة خالة احمد لكي يطلبوا يدها عندما توقفت اسراء امام احمد وهتفت بقلق:-
- احمد انا لازم اتكلم معاك ضروري .
نظر إليها احمد بضيق وقال :-
- لو هتتكلمي عن الرخيصة اللي كنت خاطبها فامشي احسن
- احمد لازم تعرف مها عملت كده ليه ...حرام عليك مها مظلومة وهتدمر حياتها وانت مش هامك الا كرامتك!!!
عقد حاجبيه بحيرة وقال :-
-قصدك ايه ؟
تنهدت وهي تقول :-
- انا هحكيلك علي كل حاجة !
.......
في اليوم التالي
-فرحنا النهاردة يا مها لازم تروحي وتجهزي
ابتسمت مها بيأس وقالت :-
-وهجهز ليه دي مجرد كتب كتاب بسيط لا انت فرحان ولا انا فرحانة فمفيش داعي نمثل .
-مها انا ...."قاطعته مها بإشارة من كفها وهي تقول :-
-مفيش داعي تتكلم يا آدم بيه كتر خيرك دفعت فلوس عملية امي واهي بقت كويسة وهتتجوزني وبعدين هتديني تلاتة مليون مقابل اني ابيع ابني ليك ..
ثم بدأت بالبكاء ..اراد آدم تهدئتها الا انه تراجع بحذر ...لن يشعر بالشفقة الان هو يريد طفل بأي ثمن ممكن ...انتفضا عندما سمعا ضجة بالخارج ..ثم فجأة فتح الباب بقوة ليظهر احمد !
-احمد.هتفت مها بصدمة ليقترب احمد بعنف ويمسك ذراعيها ويقول :-يالا نمشي من هنا يا مها اسراء حكتلي علي كل حاجة قالتلي ازاي الحقير ده استغلك
احمر وجه آدم وهو يقول :-
-انت جاي هنا تهيني ...فين البهايم اللي دخلوك" ثم اتصل بالأمن غاضبا ..
دخل رجل الأمن ليصرخ آدم:-
-خرجوا الحيوان ده بره ولو حصل ودخل الشركة تاني هطردك انت فاهم !!
هز الرجل راسه برعب وهو يقترب من احمد الا ان احمد افلت وهو يصرخ بمها:-
- مها متتجوزهوش ...اوعي تدمري حياتك بالشكل ده ...ده هيدمرك هياخد ابنك منك ويرميكي مقابل ملاليم .
ابتعدت مها ووقفت خلف آدم وهي تقول :-
-امشي يا أحمد لو سمحت انا خلاص قررت اتجوز آدم..انا مش عايزاك !
......
في المساء .
وقفت مها امام المرأة تطالع فستانها الاحمر الرائع والمحتشم ..ولكن وجهها كان يرسم عليه التعاسة بمهارة ...مسحت دموعها سريعا ثم خرجت للصالة كي يتم عقد قرانها...
تجمدت مكانها وهي تري احمد جالس محل آدم ويبتسم لها !!
ايه ده
ابتسم آدم وهو يقترب منها وقال:-
-ده عريسك يا عروسة ..
نظرت إليه مها بصدمة ليبتسم آدم ويقول :-
-النهاردة شفت الحب الكبير اللي مخبياه لأحمد وحسيت بتأنيب الضمير وانا بدمر حياتكم بسبب انانيتي...فكرت كتير ان ادوس علي ضميري واتجوزك وادمر حياتك بس مقدرتش خصوصا أن المعجزة حصلت وعرفت أن مراتي وحبيبتي رنيم حامل.ثم اقترب من رنيم وضمها إليه وهو يقول بحنان :-
-مفيش حد هيقف بينك وبين حبيبك يا مها احمد ليكي وانتي ليه وان كان علي شغلك فهو مستنيكي وهتفضلي دايما اختي الصغيرة .
وضعت مها كفها علي فمها وهي تبكي غير مصدقة ما يحدث ليقترب منها احمد ويضمها بقوة قائلا:-
- مش قولتلك عمري ما هتخلي عنك ..انا اسف يا حبيبتي علي كل كلمة غبية قولتلها واوعدك اني هسعدك دايما .
ابتعدت عنه وهي تنظر إليه بحب وقالت :-
وانا كمان هسعدك وعمري ما هتخلي عنك
تمت 💖
فوت وكومنت تشجيع ليا يا سكاكر ☉
