الجزء التاني من الاسكريبت .
مسحت كارمن دموعها وخرجت من اوضته بسرعة وهي حاسة ان كرامتها اتهانت علي ايد الانسان الوحيد اللي حبته.....دخلت علي اوضتها واترمت علي السرير وقعدت تعيط وقررت متحتكش بيه تاني ...كفاية كرامتها اللي اتبعترت علي ايديه...
....
قعد كريم علي السرير وهو منهار ...مكانش قصده يجرحها بالطريقة دي ..بس كده افضل احسن متبنيش امال عليه ...هي تستحق الافضل منه بكتير...بس افرض منستهوش ...افرض حطت امل انه هيحبها بعدين ...هو ساعتها هيعمل ايه ...ممكن يستسلم كده بسهولة!! لازم يتصرف وفعلا جات فكرة حلوة في دماغه ...خرج تليفونه واتصل بحد معين وقال :-
-عايز اقابلك بكرة بالليل ... مش دلوقتي لما نتقابل ...ايوة ماشي نتقابل علي الكورنيش ..
.......
تاني يوم ..
والد كريم :-ايه يا كريم مش ناوي تطلع هاني مون ولا ايه
كريم :- لا يا بابا انا وكارمن اتفقنا هنأجل الموضوع ده شوية عشان شغلي مش صح كده يا حبيبتي .قالها كريم وهو بيبرقلها عشان متعكش في الكلام بس كارمن بصتله بتحدي وقالت لعمها:-
لا يا عمو انا عايزة اسافر بصراحة ...كريم انسان دكتاتوري وماخدتش رايي ولا حاجة ..لكن انا نفسي اسافر شرم ...بصلها يوسف بغيظ بس هي تجاهلته تماما ...هي قررت متحتكش بيه صحيح بس مش هيضر لو عذبته شوية وعاندته ...
ابتسم والد كارمن لما فهم نية بنته وقال :-خلاص يا كريم خدها شرم دلوقتي واقعدوا اسبوع ...بلاش تكسر خاطرها .
هز كريم راسه وقال :-
-حاضر يا عمي....حاضر
......
بعد ما مشوا اهلهم ...قرب كريم منها ومسك دراعها وهو بيقول بغيظ :'
- انتي فاكرة نفسك مين ؟!فشاكرة بأسلوبك الطفولي ده هتجبريني اكمل معاكي....قلتلك مبحبكيش خلي عندك كرامة !...عينيها دمعت بس سيطرت علي نفسها مستحيل تخليه يشوفها وهي ضعيفة...زقته وهي بتقول :- انا مش عايزاك اصلا ومستنية بفارغ الصبر اليوم اللي هنتطلق فيه ...وحتي انت لو انت قررت عايز جوازنا يكمل فأنا لا ...بس انا عايزة اتفسح عشان كده لعبت اللعبة دي ...وديني شرم متقلقش هناك كل واحد هيتصرف براحته ..
كريم بغيظ :- ماشي يا كارمن ماشي !
......
بالليل .
كان واقف علي الكورنيش كل شوية يبص علي ساعته لما سمع صوتها:-
الف مبروك يا كريم سمعت انك اتجوزت امبارح .
بس كريم لأمل وقالها ببرود :-ازيك يا امل
قربت امل ولمست كتفه وقالت :-ها ليه طلبتني ...بعد ما سابني مراد حاولت كتير ارجعلك بس انت رفضت ليه اتصلت بيا دلوقتي
بصلها كريم وقال :- عايزة ترجعيلي
امل بصدمة :-بتقول ايه ؟!
كريم بنفاذ صبر :- بقولك عايزة ترجعيلي ونتجوز المرادي ..مش هكرر كلامي تاني
امل :-طب وكارمن
كريم :- انا هطلقها قريب
.
دخل كريم البيت وهو متوتر ميعرفش ان كان اللي عمله ده صح ولا غلط بس لازم يبعد كارمن عنه بأي طريقة ...وقف كريم مكانه بذهول وهو شايف كارمن مستنياه بإبتسامة رقيقة ومجهزة العشا
كريم :كارمن
ابتسمت كارمن وقالت :- انت فاكر عشان مشاكلنا هخليك تنام من غير عشا
قربت منه وشدته وقعدته علي الكرسي وقالت:- انت قبل ما تكون جوزي يا كريم انت ابن عمي وصاحبي ومشكلة زي دي مش هتخلينا اعداء...لمست ايديه بخجل وكملت :- انا مقدرة جدا وقوفك جنبي...انت اتجوزتني غصب عنك عشان بس تحميني وانا مفروض اشكرك مش اعاندك ...اوعدك اني هسمع كلامك بعد كده ولو حبيت ننفصل انا تحت امرك بس ...سكتت شوية وهي متوترة وغمضت عينيها وقالت :- بس ادي جوازنا فرصة تانية لو سمحت .
مسك كريم ايديها وقال بتوتر :مينفعش
كارمن :ليه مينفعش قولي !!
كريم :لأني رجعت لأمل يا كارمن ...انا هتجوزها بس اطلقك !.
......
تاني يوم .
كارمن كانت راكبة الاتوبيس وهي ساكتة خالص محاولتش تكلم كريم من امبارح رغم انه حاول كتير يكلمها بس تجاهلته ...وقررت بس ترجع من شرم تطلب من باباها يطلقها منه نار خالها ولا جنة كريم .
كريم :-كارمن ممكن تردي عليا عيب كده
كارمن مردتش
كريم:-كارمن بطلي تصرفاتك دي انا قولتلك الحقيقة من الأول
كارمن:-بص يا ابن عمي انت قلت كل حاجة امبارح ...انت قلت قرارك يبقي تسمع قراري .
كريم :وايه هو قرار حضرتك
كارمن :بعد ما نرجع من شرم تطلقني
يتبع
