الجزء الاخير ❤شكرا لتفاعلكم السكر ده❤❤
نهي.. نهي ابوس ايديك ايديك استني.
جريت وراها زي المجنونة بس هي قفلت دخلت اوضتها وقفلت الباب... خبطت علي الباب وأنا ببكي وبقول :
-اسمعيني والله ما عملت حاجة.... يا نهي متعمليش كده!!
بس نهي مردتش ترد عليا حتي... قلبي وجعني اووي... حسيت إني قرفانة من نفسي.... صحيح مليش ذنب بس نهي هتفتكرني خنتها.... جه حمايا وحماتي يشوفوا فيه ايه
-فيه ايه يا بسمة
قعدت أبكي وحكيت اللي حصل.... شوفت سيف جاي رحتله وأنا بزعق :
-عجبك كده انت ايه يا أخي معندكش دم... بتقول إني زي أختك وانك بتحب مراتك... أنت دمرت الدنيا
-انتي مراتي وده حقي
-لا مش حقك يا. سيف احنا بينا اتفاق جوازنا صوري بس... أنا مش بحبك ولا عمري هحبك.
بصيت لحمايا وأنا ببكي وبقول:
-عجبك كده لما دمرت حياة ابنك.... مبسوط أنك كسرت قلب مرات ابنك... أنت كنت فاكر إني أقدر ابعدك عن حفيدك... أنت للدرجادي شايف إني وحشة!! فاكر إني ممكن في يوم اتجوز غير صالح أو أحب غير صالح.... هو أنا كده يا عمي... كلكم عارفين أن في قلبي صالح بس ومش هيكون غيره.
-بس انا بحبك.
قالها سيف بحزن
ضحكت بسخرية وقولت :
-لا يا سيف أنت مبتحبنيش... أنت بس عايز توصلي... لأني رفضتك وكسرت غرورك... ولا أنا بحبك وانا اللي غلطت إني وافقت علي المسخرة دي ووافقت اكسر قلب نهي...
لسه هكمل سمعت نهي بتصرخ
اتخض سيف وقعد يخبط علي الباب بجنون لحد ما كسره... كلنا وقفنا مصدومين لما شوفنا نهي واقعة علي الأرض وبتنزف!!!
.......
-المدام كانت حامل وحصلها إجهاض!!
اتصدمنا لما الدكتور قال كده... سيف قعد في ركن بعيد يبكي وحمايا وحماتي انهاروا... قربت من سيف وأنا بقول :
-مش وقت انهيار يا سيف لازم تكون مع نهي دلوقتي.
-نهي بتكرهني... أنا السبب في ده كله
-لا هي بتحبك وغلطك اللي عملته اعمل المستحيل عشان تسامحك.... خليك جمبها دلوقتي عشان لو مبقتش جمبها في الوقت.. ده هي عمرها ما هتسامحك!
....
بعد اليوم ده سيف عرف مكان قلبه فين.... قلبه كان دايما مع نهي وده بان لما انهار يوم ما لقاها واقعة علي الأرض... وساعتها حاول يصلح غلطوا اتفقنا نطلق أنا وهو ويحاول يراضي نهي وبعد وقت سامحته ورجعت صداقتي معاها... سيبت بيت حمايا مع وعد أن مرحب بيهم في أي وقت يشوفوا حسام وقررت اتفرغ لتربية ابني... اتفرغت عشان اخليه ولد صالح زي أبوه بالضبط وبقيت مكتفية بحب صالح و أبني واهلي بس مش عايزة حاجة تانية
تمت
#جواز_بالإجبار
#سولييه_نصار
وبكده نكون خلصنا الاسكريبت نلتقي في سكريبت جديد بإسم مريم ❤
