سكريبت 💖
-بحبه اووي يا سها مش قادرة انساه ولا قادرة ابعد وهو تور ولا حاسس بيا شغال يجري ورا الصفرة اللي اسمها دعاء دي وانا هطق منه .
ضحكت سها وقالت :تور مرة واحدة انتي مصيبة يا ريم ..يا حبيبتي ما انا قلت الحب مبيجبش الا الوجع وانتي مسمعتيش الكلام عاجبك حالك دلوقتي..
ريم :طيب يا سها اعمل ايه دلوقتي ؟
فكرت سها شوية وقالت :تبعدي عنه وتقطعي علاقتك بيه ولو اتصل بيكي مترديش عليه وهو هيفهم
ريم :شكرا اووي يا سها انتي عندك حق مفروض ابعد عنه ...انا خلاص هبعد عنه خالص وعمري ما هفكر اني أكلمه او ارد علي تليفونه همسح اشرف من حياتي للأبد
رن تليفونها ومسكته وهي بتقول:ده اشرف
قالت سها بسرعة :مترديش يا ريم...اوعي
بصتلها ريم بقلق وقالت :شكله محتاج حاجة ضروري انا هرد
سها :اياكي يا ريم
بس ريم قامت وبعدت عنها وهي بترد علي التليفون
ابتسمت بهيام لما سمعت صوت اشرف بيقولها:ازيك يا ريم وحشتيني
ريم بكسوف:وانت كمان يا اشرف وحشتني اكتر
اشرف بسعادة :بقولك ايه يا ريم عايز منك خدمة
ريم :انت تأمر يا اشرف خدمة ايه
اشرف:انا النهاردة قررت اتقدم لدعاء وعايزك تيجي معايا نختار خاتم
حست ريم قلبها بيتقطع وعينيها دمعت بس محبتش تحسسه بحاجة وقالت:حاضر يا اشرف هاجي دلوقتي انت فين .
....
بعد ما قفلت معاه رجعت لسها المتعصبة ...بصتلها سها بغيظ وقالت:خير كان عايز ايه سبع البرومبة
ريم بدموع :عايزني اروح معاه عشان يجيب خاتم الخطوبة لدعاء
سها بصدمة:وهتروحي!
ريم بحزن:وعدته اروح
سها بآسف:يبقي تستاهلي اللي يجرالك .
وبعدين سها قامت وسابتها!
........
في محل الدهب
اشرف :ها يا ريم ايه رأيك في ده شيك وتقيل
ريم بصوت واطي :بس ده غالي
اشرف بحب ؛ميغلاش علي دعاء ..
مسك اشرف ايد ريم وقال :عقبالك يا ريم لما تتجوزي اللي يقدرك
ريم قالت في نفسها:معتقدش يا اشرف ...انت الانسان الوحيد اللي انا حبيته وخلاص بقيت لغيري!
اشتري اشرف الدهب وطلع هو وريم ..
فجأة اشرف اتصدم لما شاف دعاء ركبت عربية مع واحد غريب ...جري علي عربيته وساب ريم ومشي وراهم بالعربية .
......
وقف اشرف قدام عمارة شكلها وحش وغير مريحة لقي دعاء والرجل الغريب طلعوا فوق في العمارة ...خرج من عربيته وقرب من البواب وقاله :هي الانسة اللي طلعت مع الرجل طلعوا ليه
البواب :وانا ليه اقولك
طلع اشرف مية جنيه وادهاله وقال :كده هتقولي.
البواب بخبث :الأستاذ يوسف ...واحد غني ومتريش واخد شقة في العمارة دي وكل شوية يجبلنا واحدة شكل يقعدوا ساعة فوق وينزلوا
اشرف :يعني بيعملوا ايه مفهمتش
البواب بخبث :ما تفهم بقا يا باشمهندس اكيد لما يجيب مزة حلوة كده عشيقة يعني مبيلعبوش مع بعض كوتشينة بيقضوا وقت حلو
الدم فار في دماغ اشرف وادي البواب مية جنية تاني وقال :هما في انهي دور
البواب :الدور التالت شقة خمسة
طلع اشرف بسرعة ولقي الشقة وقعد يخبط جامد لحد ما فتحله يوسف بص وراه لقي دعاء بقميص نوم وفجأة ...
هجم عليها اشرف وهو بيضربها وبيقول :انتي انسانة حقيرة ورخيصة بعد اللي عملته بتخونيني !!
يوسف قرب منه وحاول يبعد عنه دعاء بس اشرف زقه بقوة ...بكت دعاء وهي بتقول :خلاص يا اشرف سامحني واسترني ابوس ايديك
اشرف :استرك ايه ده انا هشرب من دمك ...ده انا هفضحك وديني لأفضحك يا دعاء ....
طلعها اشرف وراه بعد ما لبسها الجاكيت وركبها العربية ومشي بيها ...
دعاء :ابوس ايديك يا اشرف بلاش تفضحني ابوس ايديك استر عليا
اشرف بصلها بشر ومتكلمش لحد ما وصل بيتهم ..خرج من العربية وجرها من شعرها وطلعها بيتهم خبط علي الباب ولما امها فتحت الباب زقها وقال :اتفضلي بنتك المحترمة لقيتها في شقة مفروشة مع واحد ...انا كنت ناوي اتقدملها النهاردة بس يظهر انها رخيصة متستحقش اني ادخلها بيتي وامنها علي عيالي ...من هنا ورايح يا دعاء مش عايز اشوف وشك وانا اللي بنهي ارتباطنا!
....
خرج اشرف من العمارة وهو متضايق ...البنت الوحيدة اللي حبها طلعت خاينة ومخادعة ...بس دي غلطته لانه بدل الماس بالتراب....كان عارف ان ريم بتحبه بس رغم كده مهتمش بيها ...جرحها وهو بيتكلم دايما عن حبه لدعاء ...دموعه نزلت لوحدها وقرر يروح يعتذرلها!!
......
كانت قاعدة جمبه وهي بتمسح دموعها بصلها اشرف وقال :عارف اني حقير...فضلت عليكي دعاء واهي طلعت خاينة وكدابة...لو انتي مش عايزة تسامحيني ده حقك واوعدك اني هختفي من حياتك للأبد.
مسحت ريم دموعها وقالت :انا مش زعلانة منك يا اشرف انت مش غلطان ومش مجبور انك تحبني ...الحب مش عافية وانا عارفة انك مبتحبنيش فمش هجبرك تحبني بالعكس احنا هنفضل اصحاب وأخوات وانا واثقة اني هلاقي الانسان اللي يقدرني
اشرف بحزن :بس انا بدأت احبك بجد اديني فرصة تانية
هزت ريم رأسها وقالت :فات الأوان...مقدرش يا اشرف احنا مننفعش مع بعض هفضل فاكرة انك اتجوزتني بس عشان اللي بتحبها خانتك وانا مسمحش احط نفسي في موقف زي ده .سلام .
قامت ريم وهي بتقرر لأول مرة بتصميم انها تنساه لأنها فعلا تستحق الافضل ...تستحق انسان يحبها لذاتها مش مجرد دوا لجرح كبير
تمت
بقلمي سولييه ☉
فوت وكومنت تشجيع 💖
.
