الجزء الاخير❤❤شكرا لتفاعلكم الحلو ده
-خلع يا ناتير... عايزة تخلعيني أنا؟!
كان عادل بيصرخ برة باب البيت وبيخبط جامد...
-عادل أمشي وإلا هجبلك البوليس فضحتنا وسط الجيران!!
-ولسه هكسر الباب عليكي واشرب من دمك.... أنا تعملي فيا كده وديني يا ناتير لأقتلك .. افتحي الباب بقولك
ابتسمت بخبث وأنا ماسكة السماعة وبكلم الضابط وقولت:
-شوفت يا باشا جاي لحد بيتي يهددني بالقتل... الحقوني ابوس أيديكم أنا خايفة علي ولادي ونفسي منه!..
قفلت التليفون بعد ما البوليس وعدني أنه جاي...
قربت من الباب وأنا بحاول استفزه واقول:
-روح لمراتك يا عادل بدل ما ترفع عليك هي مكان قضية خلع وبدل القضية يبقوا اتنين.
ضرب علي الباب جامد وقال :
-افتحي الزفت ده والا هكسره علي دماغ اللي جابوكي... افتحي يا زفتة..
-مش هفتح واعلي ما خيلك اركبه يا عادل.
-طيب أنا هكسر الباب دلوقتي.
حاول يكسر الباب.... مسكت اولادي ووصيتهم أنهم يدخلوا الأوضة ويقفلوا عليهم من جوا ومهما حصل ميطلعوش...
بعد ما دخلتهم واطمنت أنهم قفلوا الباب... عادل كسر الباب... مسكني من شعري وهو بيقول :
-أنا تعملي فيا كده... تبهدليني بالشكل ده ليه... كل ده عشان ايه... أنا مغلطتش خالص ... ده شرع ربنا... حقي اتجوز وانتي تحطي جزمة في بوقك ومتعترضيش.
-لا حقي اعترض.. حقي اعرف أن جوزي رايح يتجوز وانا أقرر ساعتها اكمل معاك ولا لا... بس انت كدبت ولفيت من ورايا عارف ليه عشان انت جبان وهتفضل طول عمرك جبان.
وشه أحمر وخنقني جامد.... حاولت ابعده بس مقدرتش... نفسي قصر وحسيت نفسي هموت فجأة البوليس وصل وبعدوه عني...
.....
وكل حاجة خططتلها حصلت... خلعت عادل واخدت تعويض كبير عشان اتنازل عن قضية التعدي عليا في بيتي.... حتي مراته التانية طلبت الطلاق... وهو حاله اتدهور... بعدها حاول كتير يرجعلي... بعتلي قرايبه وقرايبي واتحايل كتير بس أنا رفضت نهائي... اللي يكذب مرة هيكذب ألف واللي يخون ثقتي مرة عمري ما هثق فيه تاني... أنا حاليا عايشة لولادي وبس..هماأهم حاجة عندي... ومش مهم أي حاجة تاني... بالنسبة للحب فممكن بعدين ألاقي الإنسان اللي يقدرني ولو ملقتهوش مش هزعل لأن الحب مش كل حاجة!
تمت
#ناتير
#سولييه_نصار
شكرا لتفاعلكم الجميل طبعا ونلتقي في سكريبت القادم بإسم بسمة❤❤
