٩)وعد النمر الكاتبة صفاء حسنى

الحلقة ٤٣

وعد النمر

لوح هيثم بيده وقال

حلها انت يا حضرة الضابط ادهم اعتبره اختبار، ونشوف كفاءتك فى اتخاذ القرار

وخرج وترك ادهم وهو فى حيرة

واجب لازم يعمله وكمان يكون فى صمت والعمل جاية فى وقت صعب فقدان أولاده الام

ومرض وعد

نفض أفكاره وخرج

وذهب الى المنزل

علشان وعد وعد لم تخرج تشوفهم قدامها

اول ما فتح الباب ودخل جري عساف على حضنه وقال

بابا ادهم ممكن توديني عند ماما

جريت عيون وهى بتدفع عساف وبتقول

دا ابويا انا مش ابوك انت فاهم

رد عساف وقال

لا ابويا انا ابلة ميادة قالت لي ان ماما هتتجوز من بابا ادهم وهو ابوي

قربت عيون علشان تضرب عساف وكل

دا تحت عيون ادهم

سحب عيون وقالها تعالي معايا يا بنتى عاوز اتكلم معك

الام كانت خايفة ل ادهم يعاقب عيون وهى طفلة الغيرة مسيطر عليها وقالت

ادهم البنت صغيرة ومش مستوعب الي بيحصل

رد ادهم وهو متفاهم وقال

متقلقيش يا امى عيون بنت جدعة وشاطرة و هتفهمنى

وفعلا دخلت عيون مع ابوه وقال.

اتكلمى يا عيون قولى، كل الي جواكى لكن ليا انا ومتجرحيش عساف ممكن

نزلت دموع من عيون وقالت

ابله شهد قالت إن امه السبب فى موت امى علشان تاخد مكانها
كتم ادهم غيظه وضمها الى حضنه وقال

يا حبيبتى ماما ماتت فى حادثة هى وعمو مروان، وعساف وطنط عيون كانو عايشين مع عمو مروان، وقبل ما يموت طلب منى ارجعهم على مصر واخد بالى منهم مش اكتر من كدة
ابتسمت عيون وقالت
يعنى طنط عيون مش مراتك
كان ادهم متغاظ جدا من شهد والا عبيته فى دماغ عيون لكن رد
لا هى مراتى يا عيون
حزنت عيون وقالت
يعنى انت حبيت واحدة غير امى واتجوزتها .
ضمها لحضنه وقال.
فى حاجات كتيرة اوى يجى يوم ولازم تعرفيها لكن فى سر خطير عايز اقولك عليه ويكون بين وبينك
ابتسمت عيون وقالت
سر ليا انا وبس ومحدش يعرفه غيري
رد ادهم وهو يضحك وقال
اه وهشوفك كبرتى ولا لسه صغيرة
وقال
عساف بيكون اخوكى الصغير
مفهمتش عيون وكشرت وقالت
ده مش سر ما تيته قالت كدة انكم اخوات ولازم تبقوا حلوين مع بعض
بدا يحاول يفسر بطريقة بسيطة لكن تراجع صعب ابلغها بحاجات معقدة من دلوقتى وبلع ريقه وقال
احنا هنبقي اسرة واحدة ،انا وانتى وعساف وطنط عيون تعبانة اوى فى المستشفى ولحد ما تخف وتخرج بالسلامة ،انتى هتكوني الاخت الكبيرة ل عساف ،هتكوني الحماية ليه وتراعيه ،عساف امانه فى رقبتك يا عيون ويكون واخوك الصغير ، اوعى تسمعي كلام من حد او تصديقه مفهوم يا قلبي
هزت عيون راسها ببراءة وقالت
حاضر يا بابا ، هى يعنى هتروح هى كمان عند ماما
تنهد ادهم وقال
قولى يارب تخف وتكون كويسة ،وانتى اكيد بتحبى طنط عيون، ونفسك ترجع صح
ابتسمت عيون وقالت
اه يا بابا بحبها اوى واسمها زى اسمى وكمان هى بتلعب معايا ،وبتغنى ودايما بتخاف عليا
ابتسم ادهم وقال
يعنى مش وحشه زى ما قالت طنط شهد صح
ردت عيون
ما تيتة زعقت ليها وقالت ايه الكلام الفارغ دا وخرجتها من البيت
وقالت ان طنط عيون طيبة جدا وبتحبنى اوى
ابتسم إدهم وقال
هى فعلا بتحبك جدا انتى وعساف وايساف وطلبت منى تيجوا معايا علي المستشفى
علشان تشوفكم
ردت عيون ببراءة وقالت
بجد يا بابا هى وحشتنى اوى اوى انا هروح البس بسرعة
ابتسم ادهم على براءتها وقال
وساعدي اخوكى الصغير فى اللبس
ردت ببراءة وهى بتجرى حاضر يا بابا
فى المستشفى
كانت ميادة متوترة جدا فى الخارج على وعد مش عارفة ان كانت بخير او لا
اما وعد قبل دخول العملية سالت الدكتور وقالت لو طلع الورم سرطان أيامى فى الدنيا هتكون قد اى
ابتسم الدكتور وقال
مش بتتحسب كده وقولى انشاء الله خير
ردت الابتسامة وقالت
خير انشاء الله ،طيب ممكن حضرتك تشرح لي التبعات الا ممكن تحصل لي
رد الدكتور وقال
انا مش هخبى عليكي وبدا يشرح ويتكلم بأسلوب علمي ،ان علاج سرطان الدماغ يمثل، في العادة، عملية مركبة. معظم برامج العلاج تتطلب التشاور مع عدد من الأطباء.