ياسمين:شعوري بهذا اليوم مااكدر اعبر عنه فرحتي متوصف اكو اغنية( الام كلثوم) [[انت عمري اللى ابتدي بنورك صباحه
يا أغلى من ايامي
يا أحلى من أحلامي
خدني لحنانك خدني
من الوجود وابعدني
بعيد بعيد أنا وانت
بعيد بعيد وحدينا
ع الحب تصحى ايامنا
ع الشوق تنام ليالينا
صالحت بيك ايامي
سامحت بيك الزمن
نستني بيك آلامي
ونسيت معاك الشجن]]
عسل:ماما دااتصل علئ ياسمين مدااجاوب ضل بالي
ام ياسمين:وليش تتصلين ماتستحين اليوم ليلة دخلتها كافي عوفي التلفون ونامي
عسل:هههههه ماما جنتي متوقعة يجي هل يوم
ام ياسمين:لاوالله بس الف الحمدالله اجئ لج شفتيها شلون طالعة عبالك لعابة فدوة اروحلها حبيبتي
ابو ياسمين:شلونه العرس احجولي
ام ياسمين:يخبل يخبل يوم من العمر يمكن اذا اكلك فرحانه بي اكثر من يوم عرسي تكول تبالغ عسل شوفي الڤيديوهات الابوج
عسل:بس بدون دموع وبجي واهات فال محلوو ماصدكت سكتت مرتك
ابوياسمين:يوم الالج ووعد ماانزل عليج دمعة اخلص من هل لسان شطوله
ام ياسمين :بس حجي جذابه شبعت بجي حاضنتها وتبجي
ابوياسمين:حبيبتي طالعة تخبل
ام ياسمين:اما فاتن وجهه لو اشوفه علي ههههه تريد تنفجر
ابوياسمين:ماصار احراجات مواقف بايخه ياستي شلوون جان مزاجها
ام ياسمين:لاالحمدالله فدوة لكلبه عمر مامخلي شي ماحاسبه بلمليم ،لا جانت طايرة من الفرح الف الحمدالله
ابوعمر:يله تعالي انام تعبنا اليوم بس الحمدالله تعب بفرح وراحة
ام عمر:راحه هئ قصدك قهر تعب صدمة انت ماشفت المعازيم شلون جانو يباوعون من جوه ليجوه هاي غير التبسمر حجاية منا حجاية منا نام وارتاح انت حبيبي مو كسرتوني وذليتوني وفشلتوني كدام العالم نامو وارتاحو انت والعريس المكيفلي بهل...)$&$$..؛)((
ابو عمر:راسي صاير بكبر البيت احسه وفرحان باابني البطل الي اكيد هسه نايم بل ياسمين والعسل لان انتي الحجي وياج مثل الي يترس مي بمنخل ،اها والعالم كلها جانت فرحانه وتركص ومتونسه بس كل واحد يشوف الناس بعين طبعه تصبحين علئ خير عمه فاتن 😂😂😂😂
ام عمر:نام نام احسن مااحرك البيت علئ رووسكم
مينا:شكد حلو جان العرس يالله تمنيته ميخلص والله
علي:اي والله حلو الحمدالله الله تتمم الهم علئ خير بس الله اليستر من الجاي مينا امي الله اليعلم شراح اسوي بهل مسكينة
مينا:ماطول عمر وياها لاتخاف ومن هسه اكلك مستحيل اوكف ويه امك بشي ضد ياسمين وانت هم ديربالك البنت مؤدبة وخلوقة ومريضة الله وياها وساندها حوبتها ادمر للي يأذيها
علي:ان شاء الله حبيبتي بمانو اليوم عرس تعالي نذكر عرسنا احنا هم وانصير عرسان مثلهم
مينا:علي ههههههه
ياسمين: الف الحمدالله الي عشته البارحة حقيقة شكد حلو شكله وهو نايم كمت غسلت ورتبت شكلي لبست دشداشة بيضة قصيرة فوك الركبه وماسكارا وحمره خفيفة وردي وعطر
عمر:صباح الخير والورد حبيبي
ياسمين:احضني من وراء واني واكفة علئ المرايه صباح النور عمري انتبهت علئ ايدي فوك ايده بلمرايا وشفت لمعة حلقاتنا الف الحمدالله بعدها نزلنا تريكنا وبصراحة اكلت بشهية مفتوحة لانو من القلق والتوتر البارحة انسدت نفسي فحسيت دااعوض نفسي ومااعرف مااجاني احساس الخجل والمستحئ من عمر ابداً
عمر:حبيبتي اطلبلج شي بعد
ياسمين:الحمدالله تسلم شبعت
عمر:الف عافية
ام عمر:سبحانك ربي هل يوم طاقتي كلش محلوة بعدها مااجتي ولاعتبت باب البيت متشائمة من وجودها
ابوعمر:فاتن حاولي تحبين وتحترمين البنية وتقدرين وضعها وبدون سوالفج رجاءا رجاءا او اكلج لاتحبيها بس لخاطر عمر اعتبريها اعتذار صلح بداية جديدة ويه ابنج الي دمرتيه
ام عمر:اهو اهو انت ليش لازم تحجي واذكرني بهل قوانه كل مرة ليش محسسني بذنب نورا جانت اكبر غلطة بحياة عمر وخلصته منها لازم يشكرني ويحمد ربه علئ سويته بس بمكان مايقدر موقفي صحح غلطته بمصيبة سودة وكعت علئ راسنا كلنا
ابوعمر:هي هاي مشكلتج الصح والغلط تاخذيهم بنظرج انتي مو اذا جانو صح وغلط فعلا شوفي ولد البقيه شوفيهم مرتاحين ويه زوجاتهم علي ومينا عبالك غرب كل واحد بعالم ثاني اسر ومياسه زواج علئ الورق وابنج سفراته وطلعاته كثرن والله اليستر شنو وراهن ولعلمج لازم ينحط حد لهذا الوضع وديربالج تدخلين فاتن صدكيني اتصرف وياج تصرف نهائياً ميعجبج
ام ياسمين :اتصل لولا شتكول علي
ابوياسمين:اتصلي شوفي اذا جاوبتج واذا لا لاتتصلين وازعجيهم مرة ثانية
عمر:اذا كملتي نكوم حبيبتي
ياسمين:تمام كملت الحمدالله
ياسمين:جانت اكو نظرات كم شخص نظرة تسأل حسيتهم يكولون شلون معقولة بس مااهتميت الي بداخلي اكبر والتوقع اسوء اني وفاتن بيت واحد
عمر:ياسمين والله مااعرف شلون ابدي بس اعرف كلش اعرف العيشة ويه امي صعبة واعرف امي مو مهتمه او مقتنعة برغبتي وزواجي حاولي لخاطرنا ولخاطر زواجنا تتجنبين امي والمواجهة وياها هي بمرور الوقت اكيد راح تقنع وتحبج وتتاكد انو خياري صح ابويه شخص مسالم وراح تتفقون سوه متأكد علا تحبج وراح دائما اساعدج بأي شي تحتاجينه
مياسه هي شخص مو سيء بس تحاول تجفئ شر امي فراح اشوفيها متأملقة ومتلونة الحذر منها واجب اسر طيب ويشاقئ ويضحك راح يكون اخ الج علئ ومينا اغلب وقتهم مسافرين وهم مساندين النا والبقيه راح تعرفيهم بوقتهم اني راح اسبح وابدل شوفي غراضنا كامله حتئ نطلع ماشي عمري
ياسمين: شعوري جان واحد دايجهز ويتحضر للجبهة ماكو اي دلالة لبداية حلوة يارب يارب
فاتن:ماري ماري
ماري:نعم نعم ست فاتن
فاتن:كولي لمياسه ومينا وعلا خلي ينزلولي هسه ضغطي صاعد ومااريد اصيح
ماري: هسه هسه تدللين
ماري:صباح الخير علا امج جوه والله اليستر
ماري:صباح الخير مينا ست فاتن تريدج
ماري:صباح الخير ست مياسه ست فاتن تريدج
ماري:صحتهم ست هسه ينزلون
علا:شكو شصاير اشبيها ماما
مينا:مثل كل مرة مسويتلنا قائمة ممنوعات تخص ياسمين اكيد
مياسه:يله خلي ننزل هسه اطلع حركتها بينا
صباح الخير خالة،ماما ،خالة
ام عمر: اسمعني زين لان راسي يوجعني ومابيه حيل اعيد الحجي،بماانو اليوم راح تجي ياسمين وتعيش ويانا فااكو امور لازم تعرفنها
اولا:كلاص المي محد يجيبه الها ولايساعدها باامورها الشخصية
ثانيا:حالها حال اي چنة بيت عيالها عليها واجبات ومسوؤليات مو هي الي رادت هل زواج يكمل تتحمل عواقبه
ثالثا:شيصير بالبيت مايوصل للولد وابوهم واضح وخصوصاً عمر
رابعاً:علاقتجن رسمية وماكو داعي للميانة الزايدة وياها
واضح الحجي لو يحتاج اعيد
البنات:واضح
ام ياسمين:صباح الخير حبيبتي صباحية مباركة ياروحي الله يجعله زواج الدهر يارب،شلونج حبيبتي
ياسمين:صباح النور ماما تسلميلي اللهم امين الحمدالله،شلونج بابا عسولة مشتاقتلكم كلش
ام ياسمين:حبيبتي بخير كلنا الحمدالله عمر شلونه عريسنا اذا يمج انطينياه اسلم عليه
ياسمين:لا مويمي هسه هو ماما بعدين نخابركم لان راح نطلع من الفندق
أنت تقرأ
ياسه|YASA
Romanceهذه الراوية مستوحاة من قصة حقيقية لفتاة من ذوي الاحتياجات الخاصة وكيفية زواجها من الشخص الذي احبته ورفض امه وكرهها لها لتبدأ رحلتها في حياتها الجديدة.
