ياسه|YASA

الفصل السادس

عمر:ماشي
عمر:ياجماعة خابروني من البيت ماما ناسيته علئ الميز مالتها احنا اسفين علئ الصار ارجو المعذرة
ياسمين:صدك تحجي عمر
عمر:اي حبيبي اسف علئ الصار
ياسمين:يالله الحمدالله مو مهم
ام عمر:لا
عمر:اشش كلمه وحده اعوفلج البيت واطلع عديها علئ خير
ام عمر:اطلع اسمي مو فاتن اذا خليت هل الزواج يصير
عمر: اعتذري وخلينا ننهي المهزلة الي صارت
ام عمر: لو تموت
عمر:ماشي ياجماعة ماما تريد تعتذر عن سوء الفهم الصار
ام عمر:اني اسفه اظاهر ناسيته فعلاً
ام ياسمين:عادي مصار شي
ياسمين:الحمدالله خاله
ام عمر:شكرا
عمر:جريت نفس وحضنت ياسمين حبيبي اسف علئ هذا الموقف
ياسمين:ماصار شي حبيبي عادي انت لاتضوج بسيطة
عمر:ياروحي اروح فدوة لمرتي الحلوة،صح قاطعونا بس بعد عدنا وقت هواي😉
ياسمين:خجلت وابتسمت ابتسامة خفيفة كتله تسلملي حبيبي
عمر:يله حبيبي راح اروح هسه وباجر نشاوف
ياسمين:ماشي حياتي انتظرك
ابوياسمين:نسيبي الجديد ديربالك عليها انطيتك روحي من الدنيا
عمر:اكيد عمو ياسمينا صارت مرتي وروحي وامانة عندي صارت مريتي بتعب العمر مو بشي سهل
ياسمين:رغم اني بحضنه واكفه وهو دايشم بشعري ويبوس بي بس اني ارجف
ام عمر: ياسمينا تعالي نسولف اني وياج جنتي
ياسمين:اي عمه صار مشيت وراها وهي تباوعلي بنظرات الف معنئ بيها كدامهم تبين فرح بس اعرف القصد زين عمر يراقب بقئ وعيونه واذانه تحاول توصل لاشي من حجينا رغم يسولف ويه بابا وعمو
ام عمر:اكعدي ياسمين اكعدي ياچنتي المجبورة عليها
ياسمين :عمه بس اني يعني
ام عمر:اش اش افتحي اذانج واسمعيني كولش زين ودير بالج تقاطعيني
ياسمين:تفضلي اسمعج
ام عمر:لاتتوقعين اوتتخلين ولو لحظه وحده انتي چنتي لو اني مقتنعة بيج واذا صارت الخطبة وعبالج الامور حتمشي مثل الي بالج غلطانة حبيبتي هذا الزواج مراح يصير فهمتي ولاتبنين احلام وطموحات علئ ابني لان راح اهده علئ راسج وراس الخلفوج جان غيرج اشطر لحد الان ماعاملتج الا بلحسنئ واكول معاقة وخليها تعيش هلحلم بس اذكري حلم ياسمين حلم وعمره ماراح يصير واقع
ياسمين:خلصتي
ام عمر شنو
ياسمين:خلصتي حجيج عمتي الجديدة
ام عمر: اي عندج شي
ياسمين:اولا ابنج الي صار زوجي شرعاً صارله اشهر يركض وراي واني الي جنت مااريده ثانيا ماكو واحد ينجبر علئ شي ميريده ثالثا كولش قسمة ونصيب وراح احلم ويتحول حقيقة بوجودكم ان شاء الله
ام عمر:ماشاء الله صلفه وماتخجلين
ياسمين:اليدك الباب يسمع الجواب والكلام اخذ وعطا مثل ميكولون وابتسمت الها ابتسامة خفيفة
ام عمر:يعني تتحديني ماشي يصير خير لعد
ياسمين:لاتحدي ولا قلة ادب بس داحاول افتح ويه حضرتج صفحة جديدة اني داخلة ازوج مو احارب ولازم تعرفين اني عندي مشاعر واحاسيس وكبرياء ومن اول مره شفتج بيها دااسحگين بيهن بدون وجه حق
ام عمر:ههههههه ماشي اسفة ماجنت ادري بيج شفافة
علا:يالله ماما داينظرونا بلباب اوبس اسفه قاطعت حديثكم
ام عمر:لاحبيبتي ماعندنا شي بس جنت داسلم علئ ياسمين
ياسمين :ابتسمت وكتلها شگد اني محظوظة يالله عندي عمة وحماة يخبلن
علا:والله انتي التخبلين واحنا المحظوظين بيج اني كولش مقهورة اليوم ماصارت فرصة نتعرف علئ بعض
ياسمين :ولاتهتمين حبيبي بعد الايام الجايه هواي وراح نتعرف ونأكل ونسولف وكولشي انسوي
ام عمر:اي اكيد
ياسمين :تقربت باستني وشاورتني ايامج معدوده صدگي احفظي هل ايام بذاكرتج باجر عگبه راح تحجين للعالم اجه واحد يسوئ عشيرتي خطبني وراح تكولين ذكريات حلوة چانت
ام عمر:يله ياسمينا مع السلامة
علا:اريد احضنج ميخالف
ياسمين:اكيد ميخالف هههههه
علا:والله انتي وعمر احلئ عرسان واحس طايرة اليوم من الفرح بيكم واخيرا حيصير عندي اخت😍
ياسمين:ياروحي يوم الالج ونفرح بيج واني هم حصير عندي اخت ثانية
عمر:حبيبتي
ياسمين:روحي
علا:يله اني اطلع اخذو راحتكم
عمر:اني اسف علئ الصار اليوم اعرف الموقف محرج ومحلوو وجارح
ياسمين:الحمدالله عدت علئ خير خلينا نكول اظاهر هذا العنصر التشوقي ههههه بعدنا مداخلين بلعمق
عمر:ههههههه لاتخافين اني سندج ونسمة متمسج انسي خلينا نفكر باايجابيه
ياسمين:الله يحفظك الي يارب ان شاء الله
عمر:يله راح اروح
ياسمين:الله وياك
عمر:راح اروح مناسية شي
ياسمين:هههههه لامناسيه الله وياك سلملي علئ ماما
عمر:بس بوسه تصبيرة منا للاحد
ياسمين:ههههه
ابو عمر: يله عمر تعال
عمر:اجيت يله ولج
ياسمين:راح اوكع يله اهلك حيطلعون روح
عمر:شوفي شكد ضيعتي وقت جان ....
ياسمين اششش يله باي
عمر:ماشي الايام الجايه هههههههه
ياسمين:ههههههه باي وسويتله بوسه بلهوه
ام ياسمين: عسل سوي چاي
عسل:بس اريد اعرف اميرة الحرباية شعدها لحد الان كاعده
ام ياسمين:مااعرف داسوي چاي خليها تولي هي بناتها تكول راسها وجعها وتريد چاي
عسل:لابله ترئ احنا اصحاب الحفلة يعني احنا الراسنا دايخ واريد نرتاح امة محمد كلها راحت بس هي بقت
ام ياسمين:عسل دوختيني ترئ سوي چاي واسكتي ساعة السوده الصخرتج بيها
عسل:اي اي بس تريدين تحجين عليه ابتلي احجي حجاية اني
محمد:ام قمر يله عيني اتحضرو انتي والبنات يله خلي الجماعة يرتاحون
اميرة:ابو قمر سووو چاي نشرب وروح وبعدين الجماعة شايلينا علئ رووسهم قابل
ام ياسمين:دااكعد ياعيني بعد وقت
محمد:دايمه ام ياسمين بس والله تعبان وچاي مو باچة يتحضر بدقايق يله عيني
عسل:يالله شكد احبك عمو محمد بس لو السعلوة مرتك  گلعه
محمد:ياسمينتي ووردتي الف مبروك حبيبة عمو شايفة كل الخير ياروحي
ياسمين:حبيبي عمو تسلملي الله يديمك الي انت وبابا ذخر وسند ويحفظلك عمة والبنات ياربي
محمد:اللهم امين يله عيني اودعناكم
ام ياسمين :الله وياكم
ابوياسمين:طالع اني وياكم
ياسمين:شربت چاي واخذت مسكن مال وجع راس ودخلت لغرفتي مسحت المكياج ونزعت البدلة واخذت البرنص والمنشفه ودخلت للحمام سبحت بس جان جسمي كوله يرجف وشبعت بچي بقيت صافنه وحجي امه بالي مااكدر انسئ حياتي راح اصير جحيم لااكدر اتراجع ومرعوبة من الاستمرار والتفكير بلحياة الچايه طلعت نشفت شعري وصليت وماما صبت عشاء النا
ام ياسمين:اني اليوم مااعرف الله سبحانه وتعالئ انطاني قدرة وسكتت علئ سواية امه
ابو ياسمين:والله مااعرف بس هل مره يوم بعد يوم تثبتلي هي بدون اخلاق استغفر الله ربي
عسل:والله اني جان بودي الزمها من كفشتها الصفرة وامسح بيها الكاع
ياسمين:اني اسفه كل هذا صار بسببي لوما اني جان مامريتو بهل موقف المحرج
ابو ياسمين:لاحبيبتي لاباباتي لاتتأسفين ولاشي كلمن يتصرفه بااصله
عمر:بس سؤال واحد شنو هل فضيحة الي سويتها اليوم شنو غايتج منها بس فهميني ليش هيج سويتي
ام عمر:صوتك لاتعلي افتهمت لولا
عمر:اخذت نفس عميق ماشي ليش هيج سويتي
ام عمر:لان صدك محبسي ضاع او الاصح انباك بيتهم انسابتك الجدد حرامية مبررووك ياغبي
عمر:انتي كولش زين تعرفين المحبس ماانباك وانتي الي اتبليتي عليهم
ام عمر:لك فهمني شمسويتلك غاسلة عقلك لهل درجة دور البيت كله اذا لكيت المحبس اني اروح وابوس ايديها لست الحسن والجمال  وحتئ اذكرك بي المحبس الجابلياه ابوك هديه بعيد زواجنا الفات
ابوعمر:كافي عمر كافي فاتن هذا الموضوع انسد والمحبس انسي موضوعه الله يعوض علينا الناس اوادم اوطيبين ومااريد نخسرهم
عمر:هاي بعدنا بلخطوبة لعد مااجيبها يمج شلووون
ام عمر:هههههههه خيالك واسع صدكني مراح تتعدئ  فترة الخطوبة
عمر:ماشيي انشوف
عمر:طلعت من البيت مختنك والدم يفور بجسمي مااعرف شسوي عشت بجبهة بين يوم وليلة
عمر:الو اكمل عندك مجال احجي وياك
اكمل:الف مبرووك ياعريس اي اكيد خير عمر صوتك مو طبيعي
عمر:اني اسف والله اعرف فرق التوقيت وهسه انت مشغول بس حيل محتاج احجي
اكمل:يمعود احجي شكو
عمر:امي سوتلها فعالية بيت ياسمين
اكمل: لاتكولها اووف منج فاتن شسوت
عمر:تخيل تهمت اهل البنية حرامية وبايكين المحبس مالتها
اكمل:لابربك وشسويت
عمر:عرفتها راح اسويلها مشكله علا خليتها مثل ضلها بس هي ماانتبهت اصور نزعت المحبس وضمته بلتخم مال اهل البنية وصاحت ضاع
اكمل:لك عمر لاتوگف عقلي معقولة خاله فاتن عدها هيج قابلية لهل افكار الشيطانية
عمر:المحبس جابتلياه علا مو هي التهت بتمثلية مالتها ولحد الان بجيبي المحبس
اكمل:وشلون صفت
عمر:هددتها وخليتها تعتذر والناس اتفهمو الموضوع وعدئ علئ خير
اكمل:والله انقهرت علئ العروس علئ هل موقف المحرج
عمر:انت انقهرت اني لعد شكول لك مرات اصفن معقولة اكو هيج ام
اكمل:والله خالة تحبك بس مشكلتها متعرف تظهر هل حب
عمر:لاتحبني ولاشي بس خل تكفيني شرها ومشكورة فهمني شلون اكدر انسي ياسمين هل موقف شلون اكدر اغفر لامي حولت اهم يوم بحياتي لنقطة سوده مااكدر امسحها
اكمل:لاتهتم بس ديربالك علئ روحك وعلئ ياسمين وداريها وان شاء الله تعوضون وايامكم تحلئ انت وين
عمر:تسلم اكيد طلعت من البيت لان لوباقي جان ارتكبتلي جريمة
اكمل :ارجع وصفي بالك وارتاح والله يحلها
عمر:ان شااء الله تسلم دوختك وياي
اكمل:انت اخويه عيب عليك يله باي
عمر:باي
ام ياسمين:علي مامرتاحة ابد لهل زواج
ابو ياسمين:ولااني بس صارت القسمة بعد
ام ياسمين:امه مو مريحة ابدا وراح تأذي ياسمينتي
ابوياسمين:لاتخافين عدها رجال اسد وحوك وعمها خوش رجال راح يحطوها بعيونهم متأكد اني
ام ياسمين:هي هاي المسمومة حتبقئ يمها قابل همه يمها دائما
ابو ياسمين:الله سبحانه وتعالئ يمها دائما ويعرف ياسمينا
ام ياسمين :ونعم بالله تصبح علئ خير
ابو ياسمين : وانتي من اهله
ياسمين:بقيت افكر بحجي امه مدايروح من بالي مااعرف شلون نمت يوم السبت خلصته قرايه لانو الاحد امتحان
اميرة:محمد والله فاتتك الفضيحة السوتها عمة ياسمين
محمد:ولج ماتستحين ماتخجلين مرة شكبرج شكدج خاله عقلج ويه طفله وهم معاقه خطيه
اميرة:هاي اشبيك محمد شحجيت عشتو والله شكلت
محمد:تعرفين كلش زين شنو قصدج
ياسمين :كشخت يوم الاحد وتمكيجت عرفو انخطبت بس ماعرفو مو خطبي
لبست كوت وردي وجواه فستان بيج وبوت مطعم وردي وبيج ومكياج  لدرجة انني انعجبت بنفسي دخلت للقسم جان اصيحني غسق
غسق:لج انتي شلون صديقة معقولة اني طول هل فترة مخدوعة بيج عبالج معرفت من خطيبج شلون كدرتي لج اني صديقتج صار4سنوات وتعرفيني عيني عليه حتئ متعزميني علئ خطوبة عبالج مااعرف
ياسمين:والله ماوافقت عليه الا بعد ماكلتي كرايبي تقدملي وانتي هم خطوبتج الجمعة
غسق: اش كافي جذب صارلج فترة انتي وياه وتريدين تجذبين وتكولين صارت بسرعة بس للاسف كل واحد واصله وانتي اصلج بين
ياسمين:غسق عافتني وراحت متت من البجي
عمر:صباح الخير حبيبتي
ياسمين:عمر غسق زعلت عرفت كلشي
عمر: مكياجج راح يسيح وتصخمين اش اهدي
ياسمين:اني صدك وحدة خاينة ومااستاهل شي
عمر :ليش محسستني انتي ماخذه زوجها
ياسمين:كتلك من البداية ازوجها جان مصارت كل هاي المشاكل
عمر:لاوالله طلعت هسه اني الغلطان حبي انسي وركزي بل الامتحان لخاطري وبعدين نفكر بغسق
ياسمين:مراح اكدر اجاوب
عمر:ياسمين لااطلعيني من طوري قسماً بالله دااتحمل فوك طاقتي روحي علئ شعبتج عندي امتحان اني وياويلج مجاوبين قهري اطلعه بيج راح احسب لل3    1.2.3   مااشوفج كدامي
ياسمين:😭😭.