ياسه|YASA

الفصل الرابع عشر

ياسمين:فتحت عيني بثگل وارجع اغمض كابوس الصار كابوس موحقيقة هدوء فضيع بس الشمس ضوها متخلخل للغرفه داحاول اگلب علئ الجهة الثانية صداع قوي گوه رفعت نفسي جريت التلفون الساعة عاگبه ال١١ اخذت البرنص ودخلت للحمام سبحت طلعت احاول اذكر شصار او بمعنئ ثاني الي صار كابوس لو حقيقة طلعت ادور علئ ليان ويمان والخوف ماكلني دااتصل بعمر
عمر:صباح الخير ادخلو بابا
ياسمين:وين چنتو متت من الخوف
عمر:جنتي نايمة فااخذت الجهال لااهلي
ياسمين:ليش ماكعدتني الوقت متأخر عندي كومه شغل واني دااحجي انتبهت علئ علاگه الزبل مليانه زجاج ،رجعتلي ذاكرتي بسرعة اذن الصار البارحة كله حقيقي بديت استوعب واول جملة اجتي بالي'' كلها تعذرني كلها تعرف بوضعج ومن حقي ازوج اي واحد تكليله يكلج حقه
اهم شي لامسوي شي عيب ولاحرام''
رجعت ليوره وفزيت
عمر:اني راجع لبيت اهلي لاتحسبين حسابي علئ الغداء
ياسمين:بداخلي تاكل سم وزهر،هو طلع بس بس اني مااكدر نار اشتعلت بيه لااكدر ابچي ولااكدر احجي الاحد،كمت بدلت لجهال ووكلتهم وسويت اكل اليه نيمت الجهال ورجعت نمت ،كعدت الغرفه ظلمة الدنيا صايرة غروب
عمر:اي حبيبتي لا بعدها مصدومة ماحجت شي رجعت لكيتها نايمه ،المهم ديربالج علئ نفسج انتي ،راح اروح اني خاف تكعد بأي لحظه احبج يله باي
ياسمين:سمعته بأذني بدون مااحس طلعت شهگه مني خليت ايدي علئ حلگي ومشيت للحمام غسلت واتوضيت وبقيت ابجئ لحد ماتعبت
عمر:ياسمين ياسمين بيج شي
ياسمين:لا طلعت
عمر:اسويلج شي انتي مااكلتي
ياسمين:اطلع بره مااريد اشوفك اطلع بره
عمر:ماشي ماشي بس اهدئي راح اروح
ياسمين:راح اصلي اكمل مااريد اشوفك
عمر:ماشي
ياسمين:اصلي وجسمي كله يرجف ودموعي تجري كملت فرض شفته دخل للحمام رحت للتلفون اشوفه يدك ومكتوب(My Love)❤️❤️
جاوبت بسرعة انسد الخط بوجهي رجعت كملت صلاة وكمت اقرأ قران
عمر:ياسمين مااكدر اروح واعوفج
ياسمين:واني خانگتني العبرة السنيورة مالتك اتصلت
عمر:اشربي مي ياسمين راح اصبلج واسويلج اكل وباجر نحجي هسه اثنينا تعبانين
ياسمين:حنين مو بيدك اني مدااكدر اسمع صوتك ولك انت شنو من بشر شنحجي شنحجي كاتبها (My Love)بكل صلافة واحبج حبك عزرائيل
عمر:مواحسن مااچذب عليج واستغفلج
ياسمين:شوف جسمي منهار وگلبي مكسور فااطلع بره احسنلك لان يجور ارتكب بيك جريمة والله
عمر:شلون امن عليج وعلئ الجهال واطلع وانتي بهل حالة
ياسمين:عمر لاتستفزني الخاطر الله اطلع داكلك
عمر:اتصلي بااحد يجي يمج واروح والله بس هيج مااكدر اعوفج
ياسمين:شلون يفور بدمي خايف خايف يانذل ياسافل،ماشي وين التلفون
ياسمين:الو مينا شلوونج حبيبي اكلج تعالي يمي مالي خلك شويه، عمر عمر ماموجود يم اهله عمي تعبان شويه
مينا:حبيبتي سلامتج ياروحي جايتج هسه بس مسافة الطريق اجيبلج دواء شي وياي
ياسمين:لا لا حبيبي مامحتاجه شي منتظرتج
عمر:خلي توصل واطلع
ياسمين:كمت من يمه تعبت من العياط والبچي رحت الغرفتي وسديت الباب
عمر:ياس....
ياسمين:بس فتح الباب يمي ڤازه ركعتها براسه اجتي
عمر:خرب هاي شسويتي تخبلتي ولج
ياسمين :بهاي الاثناء ليان ويمان اجوي وشافو الدم ومغرك ملابسه نطو من البجي صحيت علئ نفسي ورحتلهم اخذتهم للاستقبال وسديت الباب احاول اسكت بيهم واني هم ابجي سمعت الجرس دك
مينا:😳😳😳 عمر اشبيك شنو هلدم خير شصاير ياسمين بيها شي الجهال
عمر:ماكو شي جرح بسيط لاتخافيين بس ديري بالج علئ ياسمين والجهال واكو زجاج مكسر لاينجرح احد اني راح اروح للمضمد هسه ديربالج مااوصيج
مينا:شكو غير تفهمني ياسمين وين عمر شصاير
عمر:بالاستقبال هي والاطفال هي تفهمج
مينا:ياسمين ياسمين
ياسمين:اني هنا
مينا:ولج كلبي انخلع شصاير عمر مدمي دمايه واكو زجاج شكو
ياسمين:اااا😭😭😭
مينا:لج شكو ياسه انتي تبجين والجهال يبجون يالله شسوي هسه انطيني الجهال اسكتهم
ياسمين:اخذت الجهال وسكتو بحضنها نيمتهم واجتني
مينا:لج هاي رجليج تجري دم مامنتتبهتلها انتي اوكفي لاتتحركين وين الگطن والديتول
ياسمين:كعدت اضمد برجليه واني بس اشهك واشهك
مينا:ياسمين شكو شنو هلمذبحة الصايرة
ياسمين:اريد انام راسي راح ينفجر من الالم
مينا:اوكفي مااخليج تنامين هيج راح اسويلج شوربة علئ السريع دقايق مااطول
ياسمين:سوتلي شوربه حمره اكلتها وراها اخذت براسيتول بدأ يهدئ الالم
بهل اثناء كامت خطية تنظف بلبيت لمت الكزاز ومسحت الارضيه ونيمت الجهال بمكانهم واجتني
مينا:شلون صرتي هم عندج الم شي
ياسمين:الحمدالله بدأ يخف
مينا:خير ياسمين شصاير شكو بينج وبين عمر
ياسمين:سديت اذاني باايدي ورجعتلي نوبه البچي بس سمعت اسمه
مينا:ياروحي اشبيج ياسمينا دخيلك ربي بسم الله الرحمن الرحيم بديت اقرا ايات
ياسمين:عمر عم 😭😭اه اه يريد يتزوج مينا
مينا: مستحيل عمر ليش ومنو وشلون عرفتي
ياسمين:البارحة عيد زواجنا وانتي تعرفين شكد حضرت وسويت شغلات عود دااحتفل ولابستلي سيت مال نوم ههههههه ولج ولج مينا بكل هدوء وصلافه يكلي اريد ازوج وهذا حقي الشرعي
مينا:وحبكم وتضحياتكم وجهالكم معقولة عمر الا تخبل
ياسمين:ولج كاتبها حبي بتلفونه ويسولف وياها وفوكاها ذبحني يكلي كلها راح تعذرني لان تعرف وضعج
مينا:والله عقلي مدايستوعب هذا عمر لوغيره منين جاب كل هل اذيه
ياسمين:لزمت ايدها واني ابچي واشهك مينا الله عليج اني مقصرة بشي
مينا:لا ل ا
ياسمين:فديوم اجيتيني ولگيتي البيت وصخ ،زين عوفج من هاي اطفالي مامرتبين ملابسهم وصخه زين اكل ماامسويه اها اوكفي تعالي وياي تعالي
مينا:ياسمين والله انتي ماكو منج
ياسمين:اخذتها للمنزع وغرفتنا شوفي هاي ملابسي مال النوم وهاي ملابسي العاديه دقيقة امشي علئ كيفي واشهك فتحت جرارة هاي تعالي شوفي هاي العطور مال الجسم والشعر وهاي العناية بلبشرة وهاي العطور العادية ووو شوفي شوفي ترتيب قمصانه حسب درجة اللون والقوط مالته وعطوره وملابسه شوفي حتئ ملابسه الدخليه اصفطها اله وحتئ جواريبه شوفي شوفي الحمامات شلون نظيفه شوفي فراش الچربايه بين يوم ويوم يتغير تعالي تعالي فتحت باب مكتبه وايدي ترجف المفتاح وكع من ايدي
مينا:سوده عليه ياسه بس اهدئي والله اعرف بدون ماتشوفيني هاج اخذي
ياسمين:شوفي المكتب اكو نقطة تراب شوفي الكتب مالته مرتبتهم حسب السنة واسم المؤلف دااشمين العطر يختلف حتئ اسويله جو يختلف ابن فاتن النذذل شوفي الارضيه اقفل الغرفة بلمفتاح خاف الجهال يوصلوله ويوصخونه تعالي تعالي فتحت الها الثلاجة هاي الاكلات الاسويها اله يتسممها لان حضرته يلعب رياضه وروتين معين اله،عليمن الناس تعذره وحقه ها عليمن شيكلهم اها اذكرت مقصره وياي بلحقوق الشرعية مثلا چذاب مافديوم رفضت اله لو تعبانة من صدك لو مريضه،ولج العالم تحلم بربع الي عنده بيت، وظيفه،تؤام ولج رغم مرضي وعجزي مرات بس والله اقصر علئ روحي ومااقصر لاوياه ولاويه ولده بحيث العالم من تجي للبيت وتشوف عندي تؤام يوگف عقلهم ،حبيبة وام وزوجه وقايمه بواجبه من كافة النواحي شصير بعد بلعت ريكئ وغمضت عيوني لولو قصده لان ماامشي لعد هو ليش ازوجني من البداية ليش ها ليش ليش معافني لااهلي ولاكسرني هل كسره هاي ولج المفروض عمر يسويلي تمثال سكتت عن امه ومصايبها لافديوم رحت وشكيتله شحجي بعد اه گلبي راح اموت
مينا:ياسمين كل الگلتي اعرفه والله بدون ماتكولينه،عمر غلطان بس هسه اهدئي ونامي اطفالج منو الهم اذا صار عليج لاسامح الله شي سلمي امرج لربج وتوكلي عليه
ياسمين:خلصتها نوم اليوم شسوي مدداكدر استوعب الصار الله لايوفقك الله لايوفقك ياعمر
مينا:يله عمري نامي هسه لخاطري
ياسمين:كعدت جسمي متكسر عبالك طالعة من حرب شميت ريحه الچاي طيبه مشيت غسلت ودخلت للمطبخ لگيت مينا خطيه مسويه الريوك ومياسه جايه جايبه معجنات وياها وكاعد تبدل للجهال
ياسمين:صباح الخير
مياسه:صباح الخير حبيبتي تعالي
ياسمين:حضنتها وشبعت بچي ،داتفهمين الدامر انتي الوحيدة
مينا:اني زعلت لعد واني
ياسمين:والله لو مو انتو جان البارحة لو متخبله لو كاتلته
مياسه:جرحج بعده جديد بس مرور الوقت راح ترتاحين وتشوفين الموضوع من زاوية ثانية وراح تهتمين بس بااطفالج وبنفسج وتضحكين علئ هاي الايام
ياسمين:تتوقعون منو هي
مياسه:حسب خبرتي ويه العائلة القذرة هاي (نورا) ماكو غيرها
مينا:مياسه غمزتلها
ياسمين:اوكفي مينا منو نورا هاي تعرفيها
مياسه:والله مااعرفها بس حسب تجربتي ويه الحيوان العندي رجع لحبيبته ونورا جانت حبيبة عمر باايام الكلية وطفشتها فاتن مثل ماسوت وياج وازيد لاانتي يمها جانت تموت عليج راد يزوجها وره تخرجه وراحت وماخطبتها وبعد فترة البنية تهجرو من بيتهم وسمعتها جانت مو تمام بثو عليها اشاعه بعد مدة طلعت متزوجة ومسافرة يعني
مينا:حرام عليج يجوز تهمتي البنت باطل،بمكان ماتهدين تهدمين
مياسه:قبل كم يوم اجتي سڤانه تعرفنها سڤانه(ام گالات) كعدت هي وفاتن ويسولفن وراها وجهه لفاتن كام ينطي الوان اصفر ،احمر ،بنفسجي المهم رحت داصنط سمعتها تكلها وهسه قبل اسبوع مخلصه عدتها وكاعده هي وامها بيت وابوها ميت واخوانها متزوجين كالتها ديري بالج لاعمر يصير نفس اسر
ياسمين:البارحة هي خابرته بس بس سمعة صوتي سدته
مياسه:وفاتن من يوم الكالتلها بي سفانه لحدالان تضرب اخماس بااسداس
مينا:بنات هذا عمر دايتصل عليه اسكتوو ،الو صباح النور ابو يمان،اي الحمدالله لاالحمدالله ماشي تمام اوكي باي باي
مينا:ياسمين عمر راح يجي بعد ساعة وسأل عليج كتله الحمدالله ،مياسه ام السوالف يله خلي اروح احنا
مياسه:ونعوفها وياه
مينا:مياسه بدون هاي سوالفج بنهاية زوجها وهاي مشكتلهم ولازم يكعدون ويحلوها ،حاولي تهدئين ماشي ياسه ولاتاخذين بحجي هل خبله يله حبيبي راح اروح وبأي وقت تحتاجيني اني موجودة
مياسه:واني هم تدرين اخذ الجهال وياي
ياسمين:لا لا تسلمون اكيد ومره ثانية لو ماانتو والله مااعرف شسوي
مياسه+مينا:باي ديري بالج علئ نفسج 😘😘
ياسمين:ماشي باي😘😘
ياسمين:دخلت للحمام صافنه مااعرف شسوي ولاوين اروح ولاوين اجي بس المتاكدة منه انو ياسمين البارحة غير وتختلف جذرياً عن ياسمين اليوم والداشوفها كدامي بلمرايه طلعت بدلت ونشفت شعري وتريگت اطفالي يمي يلعبون ويضحكون مادارين بلصار بس اي قرار راح اخذه بكل عمري لازم يكون الاولوية الهم بي شربت چايي بهل اثناء سمعت الباب انفتح وصوت سيارة عرفته وصل بعد شويه دخل الجهال ركضو عليه شفته لاف راسه بس ملابسه بعد بيها دم مامغيرها
عمر:دخلت شفتها كاعده تتريك وهادئة ملامحها ماحجيت لان الاستفتزاز الصار البارحة بيناتنا جان كافي ،دخلت للحمام سبحت وطلعت
ياسمين:صباح الخير ماما اني الحمدالله بخير وانتو بابا شلونه اي الحمدالله لااطمئني ماكوشي ليونه جانت شويه مصخنه بس لا لا زينه عمر فهل اثناء صار گبالي زين اصلا محتار بينا اي لا لاطبعاً يوصل سلميلي
عمر:هاي خاله
ياسمين:اممم تسأل عليك تكلي عمر ماكو خو مابي شي ،هههههه شكولها مشغول بزواجه هههههههه يلا علئ كلاً
عمر:ياسمين اني اسف اعرف اذيتج بس مااعرف
ياسمين:هههههه داتتأسف تشاقة اكيد ليش هو انت دست علئ اصبعي لو لو المهم (يكولون خير الكلام ماقل ودل) انت بعدك تريد تزوج؟؟
عمر:دنكت وايدي بايدي الثانية اي
ياسمين:بهاي اللحظات الدموع اجمعت بعيوني بس اتماسكت احم تمام عندي طلبيين
عمر:الي تريدي راح اسوي
ياسمين:تمام الطلب الاول:زواج عسل الاسبوع الجاي ومااريد اهلي يحسوون بشي بعد الزواج راح احجيلهم كلشي فيعني انت مثلت مثلت مااتوقع تمانع بااسبوع اضافي
عمر:ياسمين
ياسمين:الطلب الثاني: اطلگني
عمر:الطلب الاول تدللين بس الثاني مستحيل كطنه وشيليها من اذنج
ياسمين:انطيني سبب مقنع لرفضك
عمر:لان احبج وانتي ام ولدي
ياسمين:هههههههه حب يعني والله والله انتو هاي العائلة صلافتكم وگوه عينكم تدرس
عمر:اني مقدر حالتج ووضعج بس لاازوديها
ياسمين:اصلا كل الصار بيه نتيجة حبي واحترامي الكم ،سؤال الي تريد تزوجها هي حبيبتك القديمة
عمر:اي
ياسمين:راح اتعبك وياي سؤال ثاني وغمزتله ليش ازوجتني؟
عمر:لان عجبتيني وخوش بنية
ياسمين:لاجذب ليش ازوجتني
عمر:ماطول كل الاوراق نكشفت فيله بقت عليها اول مره شفتج چنت اريد اذي امي بلي سوته بيه ال..............الخ فاانتي چنتي مثالية لهذا الشيء عكس توقعات امي تماماً بس بعدين لمن انخطبنا واتقربت منج وازوجنا حبيتج والله حبيتج بس خنگتني العبرة لزمت ايدها وصار عندنا بيت واطفال والله يمكن يمكن علمودج فتحها بوجهي بس اول ماشفتها ماكدرت ضعفت وحاولت ابتعد بس ماكدرت جانت هي منفصلة واني جان اكدر ازوجها واضم عليج واعيش طبيعي بس ضميري يأنبني ماكدرت استغفلج
ياسمين:بقيت صافنه ودموعي تنزل وشفتي ترجف سحبت ايدي من ايده ورجعت ليوره خفت بيوم وليله شفت شخصيه قبيحة وقذرة واستغلالية ومجردة من كلشي
عمر:ياسمين
ياسمين:طلگني عمر طلگني اذا عندك ذرة كرامة واحساس طلگني
عمر:ياسمين والل
ياسمين:اش اش تقربت منه حيل ولزمت ايده اني اكره هل جملة واكره اكولها بس انت انت(نسخة من امك عمر )فاتن بكيان ثاني لدرجة تلعب ستين نفس مااريد اشوفك كدامي لان صار عندي غثيان منك ومن اهلك ومن كلشي يخصك ،وطبعا مااكدر اطردك من بيتك فوديني الاهلي ودنكت وبس يخلص عرس عسل نطلك
عمر:لااني طالع ماباقي اصلا والبيت بيتج
ياسمين:بس يخلص العرس اروح لااهلي وانت تاخذ راحتك
عمر:ماشي
ياسمين:اخذ الي تحتاجه راح اطلع للحديقة اني
عمر:اساعدج
ياسمين:صوتك حاول لاتسمعنياه
ياسمين:بقيت كاعده لحد مااخذ ملابسه وشغلاته وطلع ،دخلت منهارة كلشي جان جذب جنت وسيلة لتحقيق غاية بقيت ابجي وابچي يارب الصبر من عندك يارب
''بعد مرور اسبوع''
عسل:ياسمين انتي داتشوفين اني عروس هههههه
ياسمين:ياروحي الله يجعلج فرحانة واحلئ عروس
عسل:الله اريد اعيش نفس قصتكم انتي وعمر زواجكم مثالي فدوة 😍😍
ياسمين:الله لايكولها اقصدان شاء الله احلئ حياة❤️❤️احلئ من عندنا
ابوياسمين:سبحان الله جانو الكل يكولي حرامات ماعندك ولد بس رجال جوارينا هم عنده بس بنات كلي هسه ازواج البنات يعوضوك عندي عمر واحمد يمكن اعز وكفولي اكثر من لو عندي ولد احمد رغم زواجه بس يركض ويانا وابو يمان مامقصر الله يحفظه عمر ذهب
ياسمين:بابا دايحجي واني مخنگه امنيتي احضنه وابجي واشكيله
مينا:هاي شطالعه اليوم تخبلين
ياسمين:راح اطك كلش كلش مختنگه خلي نطلع
مينا:ماشي ماشي
ياسمين:صعدت وياه بزفه بس مااطيق اباوع بوجهه بلطريق نزل صاحو تلفونه يمي صاير اتصلت هي (My Love)❤️❤️ شلت التلفون الو
نورا:الوعمر
ياسمين:لا مرت عمر وقبل لااسدين التلفون اريد اشوفج باجر بفلان مكان ساعة٦ العصر وديربالج عمر يدري وسديته بوجها ورجعت التلفون بمكانه
جان عرس يخبل كلش حلو بس العالم بوادي واني بوادي رجعنا
عمر:ياسمين هم مجاوبه علئ تلفوني اليوم
ياسمين:لا لاتروح تعال ادخل اريد افتح الموضوع ويه اهلي
عمر:خليها علئ غير يوم
ياسمين:لازم تشكرني لان اكيد لاانت والسنيورة صبركم بدا ينفذ
عمر:استغفرالله
ياسمين:استغفر الله هوايه تحتاج
ام ياسمين: شلون راح اسويلكم چاي مهيل
ياسمين:اي والله عاشت الايادي ،نزعت الحجاب والحذاء وكعدت بالاستقبال اجوي شربو الچاي وكملو
ياسمين:بابا ماما اني وعمر راح نطلك
ابوياسمين:شنو
ام ياسمين:شقاج بايخ فال الله ولافالج
ياسمين:مدااشاقه راح نطلك وباجر
ابو ياسمين:عمر هاي شداتحجي تخبلتو
ام ياسمين:ليش ليش احجو
ياسمين:عمر يريد يتزوج
ام ياسمين:شنو منو يتزوج عمر احجي
ابوياسمين:ليش
عمر:اولا ياسمين ام ولدي وزوجتي واحبها بس بس اني اريد ازوج وكتلها وارجع واعيد الحجي كدامكم تعيش معززة مكرمة بيتها مااقصر وياها باي شيء بس هي معاندة الا تطلك
ابوياسمين:من اجيت وخطبتها شكتلك مو كتلك هاي روحي ونقطه ضعفي لولا ،ولاجذبت عليك ولاغشيتك كتلك هاي بنتي وهاي ظروفها وانت كتلي مستعد واتحمل كل المسوؤلية هسه تكلي اريد ازوج بشنو مقصرة بنتي وياك ها
عمر:مامقصرة بس اني اريد ازوج وهذا حقي وبنتك ماشمرتها بشارع داكلها تبقين بيتج معززه مكرمة
ياسمين:لك بهاي الاثناء بابا فقد ولزمه لعمر من ياخته وضربه،بابا با انتظر
ابوياسمين:باجر اطلگها وانعل ابوك لاابو عشيرتك ياگلب امشي اطلع بره
ياسمين:راح عمر بس بابا ضغطه صعد وتخربط بابا الله يخليك ،شرب نومي بصرة ورفعت رجليه غفئ،اني دخلت لحمام شبعت بجي بقيت املخ بنفسي كل الصار بسببي الله ياخذني يارب موتني حتئ ارتاح طلعت اجتني ماما
ام ياسمين:يعني واذا ازوج عليج شنو المشكله ماطول الرجال دايكلج بيتج ومصرفج ماشي وكلشي تريدي اسوي
ياسمين:انتي داتحجين صدك لو داتشاقين وكرامتي
ام ياسمين:كرامتج ليش شسوالج كلنا تنازلنا وقدمنا تضحيات حتئ المركب تمشي انتي شعبالج الرجال بس حب وغزل
ياسمين:هو يكلي كلها الناس تعرف بوضعج وراح تعذرني هاي وحدها ذبحتني من الوريد للوريد
ام ياسمين:واطلگتي كرامتج راح تربيلج ولدج ولا راح تعيشج بلمستوئ الجنتي عايشه چنتي زوجة دكتور جامعي وحالياً زوجة قاضي اسمك رجل يهواي عن وحشة الليل اعتبري رجل كرسي مصرف متنقل انتي بس كلمة مطلقة راح تشيبج سنين ولااسويله وزن ولاقيمة اطلع واطب براحتي ولدي غصب عنه يربيهم اعيش حياتي وعليمن مصدومة اعرف كلامي يجرحج بس چنا متوقعين يجي هل يوم ياسمين عمر ولد وشاب وامه تقرا براسه والف بنية تتمنئ
ياسمين:ماما يعني اني العيب بيه اني صدك الظالمته لعمر
ام ياسمين:ياامي بنات وشهادات ودايتزوجون عليهن ياسمين باجر الله يحاسبنا انتي قدرتج يجوز تختلف عن البقية والولد مامقصر وياج ياامي ياحبيبتي عندج اطفال وبيتج ارجعي حبيبة
ياسمين:ماما اريد نام لو سمحتي اطلعي
ام ياسمين:الله يهديج حبيبتي
ياسمين:معقولة حجي ماما صح اي صدك حقه عمر متت بقيت ابجي الاذاان الفجر
ياسمين:كعدت لكيت بابا كاعد ودايتريك حبيبي
ابوياسمين:حبيبة ابوها شلونج بنيتي
ياسمين:مكسوره
ابوياسمين:اش ماعاش اليكسرج واني عايش
ياسمين:اريد اطلك مااريده الله يخليك باباونمت بحضنه وبقيت ابجي
ابوياسمين:الي تريدي يجرالج
ياسمين:كمت اتصلت عليه كتله يدبرلنا اليوم موعد ماطول بعد وقت
عمر:ماشي تمام
سامر:ام يمان
عمر:اي هي تريد تطلك اليوم
سامر:وانت شتريد
عمر:مااريد تطلك
سامر:چذاب
عمر:ليش ولك
سامر:افعالك ماتدل ولو1‎%‎انو رايدها تبقئ وياك
عمر:كلها طلعت بساعة عصبية والله
سامر:انت خليتها بين امرين واحد امر من الثاني اذا تبقئ وياك بدون كرامتها لازم بعد السويته تعوفك حياتها راح تتغير وتتبهذل
عمر:هاي عود انت صديقي
سامر:هاي الحقيقة والي راح تزوجها ماتستاهل هل تضحية كلها
عمر:احترم نفسك
ياسمين:اتصل وراه ساعة وكال كادر يحدد النا موعد لبست لبس بنطلون اسودوشي فوكاه ابيض بابا راح وياي،لكيته مكمل الاجراءات كلها وبعدها وحاولنا القاضي للباحث الاجتماعي حاول يقنعنا بس بقينا مصرين وراها اجوي علي واسر وعمي كشهود سويناها مخالعة تنازلت عن كلشي اطلگنا وطلعت اني وبابا
ابوياسمين:ثواني انتظريني هنا
ياسمين :لااخذني وياك
ابوياسمين:عاشت اديكم والله خوش تردون الامانات الاهلها بنتي عمرها ٢٥سنة واطلگت وعدها طفلين مأكول غير حسبي الله ونعم الوكيل
عمر:اريد احجي وياها شويه،حضنتها وبجيت اني اسف والله اسف
ياسمين:الله لايسامحك
عمر:حاولي تسامحيني،والله حبيتج وعشت وياج لحظات ماتنسي
ياسمين:😭😭😭😭😭😭😭😭
ابو ياسمين :يله باباتي
ياسمين:حضنته وطلعنا،رجعت تغديت وابجي
ام ياسمين:اووف اووف يايمه اشبعي بچي بلكت ترتاحين
ياسمين:نمت وكعدت ب4 كتله بابا اريد اطلع مختنكة راح تجي مينا تاخذني وترجعني
ابوياسمين:ماشي حبيبتي
مينا:اطلعيلي
ياسمين:صارت ب6اني كاعده بلمكان الكتلها عليه جان اشوف وحده اجتني
نورا:ياسمين
ياسمين:اي نعم انتي هي
نورا:شلونج
ياسمين:عندي الج بشارة اطلگت
نورا:والله ماردت توصل الامور الهاي الدرجة
ياسمين:اذا عبالج بسببج فلاانتي كلش غلطانة اني الي اطلگت وابتعدت اصلا لاتنطين النفسج قيمة انتي دخلتي علئ حياة بيت اساسه قوي وزواج وعلاقة متينة ومشاعر واحاسيس وذكريات
نورا:بس
ياسمين:لاتقاطعيني مره ثانية
ياسمين: بس جنت اني الاتوقع هيج طلع البيت والزواج والعلاقة اوهن من بيت العنكبوت العتب مو عليج علئ الي هدم بيته علمودج انتي چنتي ذكرئ عزيزة ومنسيه مثل عطر عطره طيب ومحتفظين بلعلبة مثل صورة قديمة مضمومه وماليها التراب بس الي خلاج حقيقة ملموسة عمر
نورا:عمر يحبني
ياسمين:اعرف
ياسمين:السؤال المهم هنا عمر حب الكلية نفس عمر هسه
نورا:اكيد يتغير الانسان بس مشاعره ماتتغير
ياسمين:ههههههه اي ماتشوفي بقئ عايش علئ ذكراج لاازوج ولااخلف
نورا:اعرف بيج مصدومة ومتأثرة
ياسمين:ايي بهاي حقج لان النسخة الشفتها مقرفة جدا جدا الصراحة،ردت اشوفج بصراحة تستاهلين الصار بي هل يومين ،بس بلعافية عليكم تشبهون بعض جدا الله يهنيكم ،بس لو كل مرأة فكرت باحساسها وتجردت ولو للحظه من ذاتها وخلت نفسها بمكان المرأة المقابيلها مجان كعدنا اني وياج هاي الكعدة الالف مثلنا ،عندج عمه تخبل نيالج عليها ههههههههه والاضرب حبيب قلبج نسخة منها😂😂😂😂😂
مينا:دمرتيها
ياسمين:اكلج اني جعت تستاهل

يتبع.......