ياسه|YASA

الفصل الخامس عشر

ابو ياسمين:بعدها نايمه
ام ياسمين:اي
ياسمين:سمعتهم بس مالي خلك حتئ اكوم،ثواني وكعدو الجهال كعدت وياهم اخذتلي خمس دقايق صافنة لااندل غراضهم ومجايبتلهم شي كلشي جان سريع بشكل ماينوصف مجرد شغلات بسيطه بدلت ملابسهم ودخلت للحمام اني قبل اسبوع جنت بيتي وحياتي طبيعية ومرات انسئ النعمة الي اني بيها واكعد اتأفف واتململ من طلبات عمر وهوسه الجهال ومسوؤليات البيت بس اني اليوم بدون بيتي وبدون زوجي وحتئ ياسمين الجديدة غريبة عليه منو هي؟؟؟
ابوياسمين:حبيبتي محتاجة شي
ياسمين:فزيت اا لا حبيبي طالعة تسلم
ياسمين:طلعت بدلت وداريد انشف شعري اجاني بابا
ابوياسمين:حبيبي اني اساعدج
ياسمين:بابا وهو ينشف شعري خانكته العبرة بس بعدين باس راسي ودموعه نزلت مثل المطر
ياسمين:ماكدرت اسأله بس بنظره
ابوياسمين:اني السبب اني الي اتغاضيت عن تصرفات امه اني السكتت عن اذيتج اني الي خليته يذبل ياسمينتي
ياسمين:لابابا تريد الصراحة اني الي جان كلشي واضح كدامي واتغاضيت ،الحمدالله المهم مااريد اشوف دموعك الغالية اقوئ بيك واعيش واني منتچية عليك اني الاعتذر انت تعبان ومالك خلك واجيت اني وهوستي فوك راسك انت وماما
ام ياسمين:خابرت عسل بس تبچي تريد تجي تكول كلبي طاك عليكم
ياسمين:فرحت كلش من كالت ماما لان جنت كلش محتاجة حضن عسل ،اجوي هي واهل زوجها امه وابوه واخته ماما كملت كلشي للعزيمه وحضرت بقئ بس ننتظرهم
ام ياسمين:ياسمين اريدج بموضوع
ياسمين:اي ماما كولي
ام ياسمين:مااريد عيال عسل يعرفون بموضوع طلاكج مدري شكلج بس ياسمين يأذوون اختج ويعيروها وبعدها عروس ممعاشريهم ومانعرفهم
ياسمين:حجيها جان سچينه بنص كلبي غمضت عيوني وكتلها ميخالف طلاكي ليش عار مااعرف وليش لازم اضمه كدام العالم هم مااعرف
ام ياسمين:انتي جايه خطار وعمر عنده شغل ماشي
ياسمين:هزيت راسي،كملت شغل ويه ماما وحضرنا الغداء قوزي لحم ودولمة وطرشانه وتبسي دجاج والزلاطه نوعيين وباقي الاشياء وبابا جاب حلويات وياه من بره ،بدلت للجهال وكعدنا ننتظرهم
عسل:علاويي مشتاقتلك اووف عبالك صارلي قرن مشايفتك،ماما حتئ رزايلج اشتاقيتلهم اني شلون عفتكم ورحت ،اوو لولو فدوة ياسمين هنا وعمر انتي خابرتيهم ماما همزين نسيت اخابرج واكلج كلي لياسمين خلي تجي
ياسمين ياسه
ياسمين:حبيبي المشتاقتلها
عسل:اووي لج مشتاقتلج حيل حضنتها من كل گلبي كلبي طاك عليج ولج بذاته ليش ماخابرتيني ابد
ياسمين:اا
ام ياسمين:ليونه جانت مريضه وجنا مخبوصيين بيها
عسل:حبيبتي اشبيها يويو وين ،يمه حبيبي افيش شكد مشتاقتله ،صدك ابو يمان وين
ياسمين:فلاونزا تعرفيين الشتاء،بلدوام
ياسمين:اتغدينا وراها كمت دااصب الهم چاي
عسل:شضامات انتي وامج عليه عبالجن ماانتبهت
ياسمين:ماكو شي مضامين شي
عسل:ياسمين عيونج تحجي شكو احجي لاتقلقيني
ياسمين:اطلگت
عسل:شهگت بدون مااحس شنو ليش شوكت
ياسمين:حضنتها وبقيت ابجي ،وراه يوم عرسج لان يريد يتزوج وعنده علاقه بوحدة
عسل:لالاتخبليني عمر هيج سوه ايا ابن....،ليش ماخابرتيني ليش ماگتيلي ها يعني اختج واخر من يعلم
ياسمين:ماردت اخرب فرحتج لحد الان مصدومة والله مدااعرف احس عايشه بكابوس
عسل:اووف ياروحي انتي فدوة يروحلج عمر واهله المعفنيين،تكدرين تحجيلي الصار لو موجوعة
ياسمين:بيوم عيد زواجنا اعترفلي و......الخ
عسل :حيوان  ايا سافل بس والله بردتي كلبي من طلعتي دمه
ياسمين:بس اني الي انكسرت بيتي انهجم جهالي بدون اب حمل زايد فوك حملي علئ ماما وبابا
عسل:اشش ديربالج تكولين هيج احمدي رب العالمين الكشفه الج ،تعالي وياي
ياسمين:ولج وين
عسل:احمد عندنا شغله ضرورية اني وياسمين متنتأخر حبيبي
احمد:ماشي عيني اني اوصلكم
عسل:لا لا ماكو داعي مانتأخر ماشي
احمد:ماشي حبيبتي
عسل:يله ياجماعة نترخص عدنا شغله اني وياسه مانتأخر ان شاء الله
ام ياسمين:وين رايحات ولج
عسل:اني الج فطيم ضامه عليه
ام ياسمين:اش ولج لايسمع احد
عسل:راح نحجي كلش مطول ماما
ام ياسمين:ولج عسل عسل
ياسمين:وين مااخذتني انتي والله كلبي خلصان اني
عسل:اشش اسكتي اني اعلمه ابن فاتن ،اخذت سيارة احمد ورحنا
ياسمين:عزه بعينج شراح اسويين ولج
عسل:انتي راح تبقين هنا
ياسمين:الخبله شراح اسوي
عسل:عندي  نسخة من مفتاح البيت بجنطتي ،شخطت سيارته من الطول لطول  وكعدت ارسم واكتب عليها ،بعدين صفنت لكيت كسر مال طابوك اخذته كسرت جاماته بيها
ياسمين:نزلت من السيارة ولج انتي صاحية صدك چذب اذا طلع النا هسه شنسوي
، بهاي الاثناء طلع عمر لان الهورن مال سيارته حرك الدنيا،بس بقئ مجتف ايديه ويباوعلي
عمر:خلصتي؟؟
عسل:اول مره اتمنئ اصير ولد حتئ اضربك
ياسمين:كافي لخاطر الله امشي
عسل:الله لايوفقك ان شاء الله وكل دمعة تنزل من عيوني اختي الله يجعلها نار بگلبك
ياسمين:ليش هيج سويتي فهميني
عسل:اخ لو اني ولد
ياسمين:ابوج ماقصر😂
عسل:ايي وانتي هم طلعتي مامقصرة فاتحة راسه بس اريد اعرف شحصل هسه هو ها
ياسمين:كل واحد ياخذ نصيبه الله وياه بعد، ولاتنسيين يبقئ ابو ولدي ومااريدهم يتأذون بسببنا
عسل:تتوقعين راح يشتكي علينا؟
ياسمين:لا مايضحي بسمعته ووظيفته بعدها جديدة
فاتن:تريد تزوج نورا عمر ماصدكت خلصت من ياسمين ترجعلي نورا
عمر:بصراحة جنت اريد اخذهم اثنينهم بس يله تحققت امنيتج وياسمين راحت
فاتن:هههههه عبالك اخليك تزوجها بااحلامك
عمر:كأنو سامع هل جملة قبل
فاتن:بسيطة عمر
عمر:ليش شايفه حياتنا تحدي ولازم تفوزين بي ليش كلشي لازم علئ ذوقج ،خصوصا اني
فاتن:لان اغبياء انتووو ،ماتفكرون وهاي نتيجة افعالكم بس دائما فاتن الغلطانة
عمر:لاتحاولين تبررين اخطائج ماما،فرقتيني عن نورا ،ولاعبالج اني ناسيلج حمل ياسمين الراح بسببج واذيتج، اجبار اسر ع مياسه وزواجه الثاني ،دمرتي مينا سنين نفسياً ،انفصالنا اني وياسمين انتي العلاقة بين السبب والنتيجة
فاتن:انجب عمر اولا اذا اكو شي اشكر ربي عليه فهي انو نهيت علاقتك بنورا ابوها جان واصل ومأذي عالم كومه وسوالفه انشرت ووصلتني شجنت متوقع شنو العائلة الراح تناسبها ومو اني اذيتها شنو اني عصابچية الناس تكرهه وسوت هيج بي ،اما ياسمين سبع حجارات وراها مو وحده ماادري بيها حامل وساعة عصبية اذا هي ماتدري بنفسها اني ادري  لو اريد جان سويته بحملها الاول9اشهر مكابلتني وكاعدة لازم تشكرني يجوز يطلع معاق مثل امه
عمر:ماما
ام عمر:اسمع اما اسر المفروض يسوي لمياسه تمثال عاجبك وضعه هسه ويه حبيبة كلبه مسويته خركه،اما علي فمااكدر كدام العالم اكول ابني بي الصوج مو ابن فاتن ابد،نرجع لياسمينا كلنا نعرف راح توصل انت وياها لهاي النتيجة لاتذب الصوج بيه انت الماتريدها،واطلع مو فاتن اذا خليت زواجك يكمل
عمر:انتي جريمة اصيرين ام
فاتن:اطلع برا
عمر:زواجي راح يصير
عسل:بشنو داتفكرين
ياسمين: لازم الكئ شغل،لازم اعيد ترتيب حياتي من اول وجديد
عسل:وجروحج
ياسمين:ماعندي وقت لا لجروحي ولا للالم فكريلي بمشروع
عسل:ليش متعبة نفسج غصب عنه يدزلج نفقة واولاده هو يحير بيهم وياج
ياسمين:اممممم يعني كدام عيني سوه كلشي واتخلئ عني ببساطه وچذب عليه وتريديني انتظر منه صدقة كل شهر
عسل:هذا حقج شرعاً وقانوناً مو منيه منه
ياسمين:دخيل ربج جسمي صاير يكزبر من كلمة شرعاً وقانونا والحقوق
عسل:ليش مااطلعين هوية من النقابة وتشتغليين محامية
ياسمين:لا مرتين دخلتها كلش كافي عليه
عسل:ليش ماتكملين دراسات عليا
ياسمين:عسل كومي من يمي حبيبتي
عسل:حيرتيني وياج غير انتي قانون،اجتني فكرة
ياسمين:شنو هي
عسل:اسويلج بيج علئ انستا مال طبخ
ياسمين:طبخ اني
عسل:اي انتي نفسج طيب بالاكل وشغله ماتحتاج دوام وطلعه بره البيت
ياسمين:والاكل منو يوصله وشلون
عسل:سهلة تتفقين ويه شركة توصيل
ياسمين:لا لا صعبة شكلها ماادبرها
عسل:لعد وين تريدين تشتغلين مدير عام بوزارة النفط خاتون ياسمين
ياسمين:هاي المطاعم التارسه بغداد العالم تعوفها وتجي تأكل مني
عسل:اي لان اكلج مميز راح يصير اكل مال بيت ،وتشتغلين حسب الطلبيات
ياسمين:والجهال منو يساعدني بيهم
عسل:ماما ماعدها شي
ياسمين:لاخطية تعبانة
عسل:بلعكس تتونس وياج
ياسمين:الله كريم
عسل:راح اروح اليوم لان باجر احمد يلتحق وباجر نسولف بلتفاصيل
ياسمين:خطيه خلصت اجازته مسكين الله يرجعه بسلامة
عسل:اي والله اليوم صديقه خابره كالوله يمكن اكو نقله لجبال حمرين كلش ضاج ،واني هم ضجت خايفة عليه والله
ياسمين:الله لايكولها ان شاء الله
عسل:يله اني اروح
ام ياسمين:شنو سمعچن عندجن مشروع
ياسمين:اي
ام ياسمين:والله جيل هل وقت ماشاء الله ولاشي يأثر بيجن صارلج اقل الشهر من اطلگتي وتفكرين بمشاريع وحياة جديدة،احنا قبل اذا احد باوعلنا بنظرة محلوة نبچي شهر
ياسمين:ماما وين تريدين توصليين
ام ياسمين:بمكان ماتشوفيلج حل وترجعين لزوجج ماطول بعدج بلعده ،متأثرة بالانترنيت وسوالف التنمية البشرية وابني نفسك واصقل ذاتك
ياسمين:تعبت منج تعبت شتريدين انتي ماتكوليلي يعني كله صار كدام عينج ولحد الان تفكرين برجعتي
ابوياسمين:شكو اشبيكم
ياسمين:اني اسفه بس شسوي دائما  مدمرتج اني حلمتي بلولد واجيتج اني وفوكاها معاقه مسكينة ،عفتي دوامج بسببي خطية،كبرتيني وتعبتي وحياتج حسيتيها انتهت بس رجعلج الامل بزواجي بس طلاگي خيب املج,كلي انو جان ميحبني واني مدنكة واشهك كلي شفت بيج كل الي تكرهه امي جان كدامي يحجي بحب وياها شتريدين اكثر  ها شتريدين المصاب مصابي بس العزاء والمواساءة الج لازم ترئ اني المعاقة واني المطلقة واني الي الكل تراهن علئ فشلها كدام اميرة ذاك اليوم سكتت رغم حجيها اليذبح وهي تكول توقعاتي كلها صح   رجعج الاهلج ومقهورين عليج والله بس بقيت بوقتها حايرة بيج لان شلون اميرة حجت بينما ياسمين طبها طوب اصلا شنوو ياسمين واني ارجف ومنفعله اول مره اصيح بوجود بابا ،،اووو اعتبريني مامتزوجة واعتبري ماكو شي اسمه عمر دخل عمري وارتاحي وريحيني تدرين شنو الله ياخذ عمري ويريحكم
ابوياسمين:اشبيج بابا اتخبلتي تدعيين علئ روحج
ام ياسمين:هاي اني هيج طلعت كل هذا ضامته بكلبج ياسه ،يعني تعبي والمي وعمري
ياسمين:اني محتاجة كل كلمة عطف كل حنية موجودة عندج ماما بس حاليا تعبت دااجرحيني بكل فرصة اصير كدامج، اسفة والله اسفه مااكدر انسئ تعبج ووكفتج وياي وبدونج مااسوئ بس داتعاقبني علئ شي موبيدي
ابوياسمين:كافي سدو الموضوع اثنينكم اعصابكم تعبانه