ياسه|YASA

الفصل الثالث

ابوياسمين:السلام عليكم دكتورعمر؟
عمر:وعليكم السلام والرحمة اي تفضل منو حضرتك
ابوياسمين:اني والد ياسمين ابني شلوون الصحة؟
عمر:اهلا اهلا عمو الحمدالله بخير انت شلونك يااهلا وسهلا
ابوياسمين:الحمدالله نشكر الله الاهل شلونهم اني جنت حاب اتعرف عليك ونكعد سوه
عمر:الله يجعلكم يارب الحمدالله بخير عمو والله الي الشرف واني جدا عاجبني اتعرف علئ حضرتك واني حاضر باي وقت تحب
ابوياسمين:رحمة والديك الي الشرف اي وقت يناسبك
عمر:اني باجر ماعندي شي مااعرف اذا يوالم حضرتك اولا
ابوياسمين:كولش خوش وقت اني هم ماعندي شي واذا الصبح بعد احسن لان الدنيا شتاء وبسرعة اظلم الدنيا ويخلص الوقت واحنا محاجين وممتعرفين
عمر:تمام عمو ماعندي مانع اي ساعة تحب
ابوياسمين:شنو رايك ب10:30/11:00الصبح
عمر:كولش مناسب
ابوياسمين:لعد راح ادزلك العنوان برسالة وان شاء الله نبقئ علئ تواصل احنا
عمر:اي ان شاء الله عمو
ابوياسمين:ان شاء الله مع السلامة
عمر:مع السلامة
امل:تمام لعد راح اروح وافهمها لياسمين
ابوياسمين:اي والله رحمة علئ والديج
امل :ووالديك
خالة امل:ياسمينا بابا خابر علئ عمر وباجر راح يجي الصبح بس بابا يكول متبقون اطلعون حتئ يحجي براحته ويه الولد
ياسمين:اصلا جنت متوقعة عادي اني اريد اطلع اغير جو من صار هذا الموضوع اعصابي تلفت والله من التفكير
خالة امل:لعد اختارو يامول اروحله
عسل:زيونة
ياسه:المنصور
خالةامل: انحسم الموضوع مول المنصور نمشي برأي العروسة
ياسه:هههههههههه والله ضحكتيني هههههههههه عروسه اني ههههههه
خالة امل:لعد الراح يجي باجر يخطب امج مثلا
ياسه:والله ياخالتي العزيزه زواج عمر من امي بحضور ابي اسهل من زواجي منه انتو والله متأملين باجر بس يحجي وياه بابا ويشرحله وضعي الاحد حتئ من الكلية ينقل ويتبخر😂😂😂😂
عسل:يالله هلبنية شكد تشائمية
ياسمين:لاحبيبتي واقعية ومو خيالية وبعدين سكان مكة ادرئ بشعابها
عسل:الجرس دايدك خلي نشوف منو
ياسمين:بس فتحت عسل الباب مااسمعلك الا صوت علاوي وحمودي
ياالله شكد فرحت من شفتهم رغم همه حركين ومينجرعون بس ردت شي ينسيني الموضوع ماما سوت بيتزا وفنگر وصاج واني طلعت سلطات من النت وسويت وعسل اختصاص حلويات وبقينا نلعب ونشاقة لحد1 بعدين اجه الوقت الاصعب وقت النوم جنت اعرف لااني ولااهلي راح انام اليوم اصعب شي ممكن يمر بي الانسان يكشف المه للناس والاصعب شغلتين لو راح يصيرون زينين والشفقة والعطف يظهرلك او مايمثلون همه يتعاطفون وياك وبااقرب فرصة تزعجهم يعيروك حتئ بس يهدؤون عصبيتهم منك وانزعاجهم
ام ياسمين:علي لحد الان كاعد الساعةب2
ابوياسمين:راسي راح ينفجر والله
ام ياسمين:ياستار اكوم اجيبلك براسيتول
ابوياسمين:لاامااريد تدرين عمري مافكرت بهل يوم جنت اكول عسل تزوج ونبقئ اني وياج وياسمين واذا متنا الخلقها مراح ينساها وجنت اكول البنات مااطول صغار ماافكر واتعب روحي خليها علئ رب العالمين
ام ياسمين:واجه هذا اليوم يجوز يطلع ابن اوادم وصدك رايدها خليها علئ الله
ابوياسمين:والله اتمنئ بس فاطمه شغلة متخش العقل واحد بهل مواصفات يجي علئ ياسمين والاضرب منها دكتور بنص البنات والجامعة يعووف البنات كلها ويزوج ياسمين والله ماادري مامقتنع
ام ياسمين:والله حجيك صح بس قابل شعده وياها من افلوسنا لو املاكنا ويجي يضحك عليها اشو كلشي ماكو واحنا بعمرنا مااذينا احد وانت باجر هم فهمه كولش زين ان احنا ناس فقرة ومستورين وماعدنا زايده ناقصة وياسمين اغلئ شي عدنا
ابوياسمين:ياسة قطعة من روحي ونقطة ضعفي ياربي لاتأذيني بيها روحي من الدنيا
ام ياسمين: امين يارب العالمين يله نام وارتاح تصبح علئ خير
ابوياسمين:اجمعين
ياسمين:الكل نامو بس اني كاعده مااعرف القلق مدمرني من جهة اتمنئ اصير مرته لان كولش عاجبني ومن جهة خايفة خاف يضحك عليه وكلبي الصارلي سنين حافظته يكسره سلمت امري لرب العالمين
عسل:يله ولج صارت ب8اكعدي
ياسمين:كعدت اتريكت وسبحت ونظفنا البيت وحضرنا التقديمات الماما وطلعنا من البيت ب10تقريبا
ام عمر:شنو هل عطر والاناقة وين رايح من الصبح
عمر:راح اشوف ابو ياسمين البنية الي اريد اخطبها
ام عمر:لاتحرك اعصابي من الصبح عمر يازفت شو رايح وانضبط امورك وضاربنا عرض الحايط ومنيلك كل هل ثقه حتئ اخليك تزوجها
عمر:بلعكس رايح اهيئ الكم الوضع حتئ بيوم التعارف ميصير الكم احراجات ومواقف بايخة امي العزيزة كولش عندي ثقة حبيبتي راح تروحين وتخطبيها اليه انتي وبابا والكل
ام عمر:لابله هههه والله يالله
عمر:ابتسمت بكل هدوء رغم جنت اغلي وبركان جوايه بس بقيت محافظ علئ هدوئي وكتلها والله بعد متشوفين وجهي واخليها حسرة بكلبج منا لحد ما الله ياخذ امانته واذا عبالج راح يصير الي تردي مثل المره الفاتت غلطانة يله هيج ابتسمي ابتسامه حلوة وادعيلي الله يسر امري واتقربت منها بستها من راسها وطلعت اخر شي سمعته قبل لااطلع تكسير مااعرف اذا كسرت مواعين لو البيت كله
عمر:الو صباح الخير شلونك اني وصلت يم افران الصمون هسه اخذ يمنئ لويسرئ
ابوياسمين:صباح النور عمو بخير يمنئ اخر بيت بلفرع الي لونه ابيض علئ ايدك اليمنئ
عمر:تمام عمو دقايق واوصل
ابوياسمين:فاطمة ولج شكلي مرتب
ام ياسمين:اصلا انت العريس حبيبي
ابوياسمين:ههههه شوفي وراه ميكعد بخمس دقايق جيبي الصينية واذا يعجبج ابقي كاعده بعد انتي اعرف مني بيها
ام ياسمين:ان شاء الله يله الجرس دايدك روح وبقيت اراقب من المطبخ دخل ولد طويل يخبل شكله وحتئ سلامه جان مرتب
ابوياسمين:استريح ابني هنا
عمر:اشكرك عمو
ايوياسمين:الله بل الخير
عمر:الله بلخير والعافية عمي
ابوياسمين:شلونه الطريق خو ماازدحامات
عمر:لاوالله زين فارغ وخصوصا عطله اليوم
ابوياسمين:الحمدالله
ام ياسمين:اخذت الصينية بيها نسكافيه وتقديمات ودخلت عليهم السلام وعليكم الولد كام وعليكم السلام خاله شلونك ماما
عمر:الحمدالله يوم بخير وانتي شلونج
ام ياسمين :الحمدالله
ابوياسمين:هذا دكتور عمر ام ياسمين ام ياسمين هذا دكتور عمر
عمر:اتشرفنا اهلا وسهلا خالة
ام ياسمين :النا الشرف زارتنا البركة شلون الاهل
عمر:الحمدالله بخير طبعا احب اعرفكم بنفسي اسمي عمر عبدالعزيز علي عمري27سنة استاذ ياسمين بالكلية وبعد الكلية عدنا معارض سيارات  والدي جان قاضي وصارله فترة اتقاعد ووالدتي ربة منزل واخواني واحد تاجر سيارات وثاني بوزارة الخارجية_____واختي الصغيرة بعمر ياسمين كلية الاعلام بيتنا بحي الجامعة وحبيت اتزوج وافضل اختيار بصراحة كدامي ياسمين بنت مؤدبة وخلوقة وشاطرة وملتزمة وطبعا هذا يرجع الكم ونعم من التربية والاخلاق.
ابوياسمين:ماشاء الله تشرفنا
عمر:الي الشرف عمو
ابوياسمين:ماشاء الله مواصفاتك حلوة وانت هم حلو ليش تريد تزوج ياسمين وانت تعرف حالتها
عمر:صح وحقك تستغرب بس عمو والله شخصية ياسمين عاجبتني وماحاس وضعها راح يأثر علئ زواجنا ابد
ابوياسمين:بلازحمه عليك اخذ قطعة كلنكس
عمر:شنو عفوا
ابوياسمين: اخذ قطعة كلنكس رجاءاً
عمر:تمام عمو استغربت بس اخذت
ابوياسمين:ذبها
عمر:هذا وين يريد يوصل ذبيتها صارت يم رجلي
ابوياسمين: طبعا الامثلة تضرب ولاتقاس بس حبيت اوصلك الفكرة حال ياسمين مثل حال هاي القطعة من وكعت من ايدك كدرت تسند نفسها  لا ياسمين فاقدة الموازنة لجسمها شلون تريدها تزوج وتخلف وتشيل مسوؤليات بيت
عمر:عمو والله اني اعرف كولش عنها واعرف وضعها واخذت هاي الخطوة بعد تفكير لابتسرع ولاعطف او شفقة
ابوياسمين:والله بعد مااعرف شلون اوصلها الك بس بنتي مو مال زواج ابني يعني اظلمك واظلم بنتي وياك
عمر:عمو والله حاسب حساب الكلشي واعيشها ملكة وانطيك ووعد مااذيها بشعره فديوم
ياسمين:هسه شدايحجون شتتوقعون
خالة امل:دايتعرفون اكيد
عسل:دايتفقون علئ المهر😂😂
ياسمين:بهل لحظات انتهيت مااعرف شصاير مصاير هناك
خالة امل:شتاكلون
عسل:كنتاكي
خالةامل:وانتي ياسه
ياسه:اي شي خالة مالي نفس اكل والله
خالةامل:لعد راح اطلب كنتاكي واذا عجبكم شي نجدد الطلب
عسل:ياسمينا حبيبي بشنو صافنة
ياسمين:خاييفة شوفي اني عمر من اول مره شفته عجبني وبصراحة تمنيته بس جنت اعرف مجرد حلم ولمن حجئ وياي متتخلين فرحتي🥺🥺 بس اعرف بداخلي ممتوالمين وخايفه خاف يروح بعد الحجي ويه بابا اوووف والله تعبت راسي الف فكرة بي
عسل:حبيبي والله عرفتج معجبه بي ان شاء الله خير يصير ويتمسك اكثر بيج
ياسمين:اني صافنه وماحس الا اجتي بوسة علئ خدي فزيت انداريت طلعت غسق
غسق:لج عابتلج والله اشتاقيتلج وماحجيت وياج كلت اكيد ضايجه وخلي تهدأ
ياسمين:اني هم اشتاقيتلج اصلا نسيت كل الصار تعالي اكعدي ويانا
غسق:شلونج عسولة
عسل:باستني كتلها الحمدالله مااعرف من الله مااحبها واذكرت لاتجي خالة وتجفصها كدام غسق اني راح اروح يم خاله وهم ازيد الطلب الغسوقه شتحبين تأكلين
غسق:لاحبيبي والله مستعجله اصلا عندي موعد ويه طبيب الاسنان بس كلت علئ ميوصلني السره افتر بل مول
عسل:بداخلي الحمدالله رحمة من زار وخفف اها حبي ماعندج الاالعافية
غسق:تسلميلي حياتي والله الكعدة وياكم حلوة بس شسوي موعد ان شاء الله نشاوف بغير مره
ياسه:من ترجعين خابريني ماشي حبيبي😘😘
غسق:ان شاء الله يله باي
عسل:كلعه ببايي
ياسمين:اشبيج ولج البنية شسوتلج
خالة امل:هابنات ازدحام كال ربع ساعة ويجي
ياسمين:خالة خابري علئ ماما شوفيها اذا بعده اوراح
خالة امل:اي هسه اخابرها هاي امج دزت صور علئ واتساب
ياسمين:صوريش😍
عسل:والله ماما تسمع الحجي كتلها اندزج ويه اختج اذا مااصورين خل اشوف
خالة امل:ولجن ماشاء الله شهل كيك يخبل بس علئ الله تطلع شخصيته هم حلوه مو بس كفر
ياسمين:اطمئني شخصيته احلئ بقاطات هاي ماما داتكتب هسه