ياسمين:كعدت لكيت نفسي نايمه علئ التخم وماما وبابا وعسل فوك راسي يصيحون وبيدهم عطر يشممون بيه
ام ياسمين:امشي اوديج للدكتورة يلا ،عسل ساعدي اختج
ياسمين:مايحتاج اوكفوو بدأ عندي الوحام والظاهر هبوط صار عندي مابيه شي ماعندي لاالم ولاشي
ابوياسمين:ميخالف باباتي حتئ نطمئن امشي اني اوصلكم يله
ياسمين:ماشي ،عسل مو تخابريين عمر الموضوع مايستاهل بس شسوييلهم لماما وبابا
ياسمين:لبست فستان بسيط زيتوني وحجاب اسود ولانقطة مكياج،وصلنا سوتلي تحاليل وسونار ماكوشي الحمدالله مجرد هبوط بلضغط
ابوياسمين:جبتلج كرزات وفواكة
ياسمين:حبيبي الله يحفظك اليه وخاله راسي علئ الجام افكر فكرة اجيبني وفكرة تاخذني مااعرف رغم تحقيق حلمي اني بحالة دفاع دائماً وبلوقت الحالي صرنا اثنين ،وعمر بيينا ياربي
ام ياسمين:ياسه باجر تخلصين امتحانات موو
ياسمين:اي ماما باجر
ام ياسمين:راح اخابر خالاتج علئ الغداء باجر من ازوجتي لحد الان ماشفتيهم
ابوياسمين:بابا خاف مالج خلك عادي مو تستحين من امج
ياسمين:لاوالله بابا بلعكس اريد اغير جوو وياهم
ام ياسمين:لاوالله هسه اصير مثل الورد علئ شوفتهم
ياسمين:دخلنا للبيت جان تفتحلنا الباب عسل
عسل:عدنا خطار
ام ياسمين:منو ولج
عسل:مرت حماج عيني سلفتج
ام ياسمين:امييرة
عسل:لا مينا زوجة علي اخو عمر
ياسمين:دخلت غسلت اديه ودخلت سلمت عليها،السلام عليكم
مينا:وعليكم السلام حبيبتي ماعندج الاالعافية كالولي بدكتورة
ياسمين:ياروحي،تسلميلي لاماكو شي
مينا:متتوقعين شگد فرحة بخبر حملج الله يتمملج علئ خير
ياسمين:حبيبتي تسلميلي يوم الالج وافرح بيج ياربي
مينا:الله يسمع من عندج ياربي ويعوضني بعد الصبر
ياسمين:كالت هل كلمات وهي مدنگه وصوتها مخنوك،فااشرت لماما وعسل يطلعون
ام ياسمين:اا اخذو راحتكم عيني يله عسولة
مينا:خالة اني اعتذر منكم اجيت بدون موعد
ام ياسمين:لاحبيبتي البيت بيتج شوكت متجين
ياسمين :ماما اجر بعسل وعسل ماتريد تطلع تريد تسمع شگو ،خزرتها يلا طلعت
ياسمين:مينا اني اسفة بس انتي بيج شي
مينا:ياسمين😭😭😭😭😭
ياسمين:خير شكوو بس،حضنتني وتبجي،بقيت اطب طب علئ ظهرها اهدئي
مينا:الدنيا طلعت من عيني ومحد اجئ بالي غيرج اتصلت عليج جاوبنتي عسسل ودلتني علئ بيتكم
ياسمين:هلا بيج حبيبي بس والله قلقتيني خير اكو شي
مينا:راح اطلك اني وعلي
ياسمين:شهكت اسم الله الله لايكولها ليش
مينا:علي طلع ميخلف ياسي😭😭😭وضام عليه هو وامه الله يوفقها بجاه هل مغربيه
ياسمين:يعني هو يعرف ومكايلج
مينا:اي بس هو وامه ،الباقي ميعروفون
ياسمين:حجلتي كلشي ،وعرفت فعالية البارحة شنو سببها طلعت قهر مينا بيه
ياسمين:انتي تحبي لعلي؟؟
مينا:قبل جنت اموت عليه بس هسه اسمه مااطيق اسمعه
ياسمين:اعرف انتي مجروحة ومكسورة بس الطلاق مو شي سهل
مينا:علئ شنوو ابقئ ياسمين،والله والله لو كايلي من البداية جان كلت هاي حكمة ربنا ماكاتبلنا وكملت حياتي وياه،بس فوگاها ذاب علته بيه وهو يحس ويشوف بعجزي والمي لان بليوم اموت الف موته لان ماكدرت اخلفله وغير فاتن اه فاتن،جذاب وصلف
ياسمين:اهم شي راحة بالج ،لاتفكرين بشي غيرها واني وياج بلي اكدر عليه مااقصر اختي الچبيرة والله
مينا:والله اعرف ليش اجيتج اريدج اخت وصديقة ,لان امي واهلي ماايعرفون لحد الان بشي
ياسمين:اتشرف والله،بهل اثناء دخلت ماما
ام ياسمين:اليوم انتي يمنا ماترحين تتعشيين ويانا
مينا:غير مره خاله والله اني قابل جايه اجربكم,بس امي وحدها ولازم اروح هسه
ياسمين:لحيت عليها ماقبلت،ماشي بس عييديها مو تگطعين
مينا:اكييد ،بعد سفر ومااكو يله مع السلامة
ياسمين:حبيبتي الله يريح كلبج وبالج يارب الله وياج
ام ياسمين:حبيبتي اهلا وسهلا وطلعت وياها
عسل:شكو شكو ليش عيونها مدمعة ومورمه
ياسمين:ماكو شي خلاف هي وزوجها واجتي خطية رادت تففض
عسل:شصاير يعني
ياسمين:عسل ،امشي من يمي اريد اقرا
عسل:اي عيني ماتنطين بيت عيالج بعد
ياسمين:صدك جيبيلي تلفوني،شكراً،اطلعي يله
ياسمين:عمر كومه متصل
ياسمين:الوو هلو حبيبي
عمر:ليش متجاوبيين ضل بالي اكو شي
ياسمين:لا بس بابا طلعني وياه دايحيب شغلات للبيت والتلفون مماخذته وياي
عمر:اشتاقيتلج البيت فارغ بدونج
ياسمين:متأكد لعد ليش جبتني انت
عمر:اهووو رجعنا لنفس القصة
ياسمين:لاخلص خلص اني هم مشتاقتلك
عمر:شگد
ياسمين:هوايه
عمر:افتحي الكاميرا خلي اشوفج
ياسمين:اريد اقرا حباب هسه روح وبعدين نحجي
ياسمين :قريت وكملت وتعشيت ولفيت راسي ونمت ،كعدت الصبح لگيت گومه رسائل واتصالات من عمر رجعت اتصلت اني
عمر:صباح الورد والياسمين،ولو انضربت بوري
ياسمين:صباح النور هههههه نعست والله والتلفون جان صامت
عمر:نوم العوافي حبيبتي ،نص ساعة اني يمج جهزي نفسج
ياسمين:تمام حبيبي،جهزت نفسي ولبست گوستم(جاكيت،وتنوره) صوف قديم لماما لونه ابيض وبي خيط رفيع وردي ومكياج خفيف بس ركزت علئ عيوني وشال وردي ،لگيت بابا وماما كاعدين وعسولة
ابوياسمين:صباح الخير حبيبتي شهل جمال شهل زين
ياسمين:صباح النور حبيبي عيونك الحلوة
ابوياسمين:يله تريكي حتئ اوصلج للكليه
ياسمين:لاحبيبي عمر راح ياخذني جاي بلطريق
ياسمين:كملت اكل مجبوره لان ماما مستحيل اطلعني بدون ريوك،اجئ عمر وطلعنا
عمر:تخبلين طالعة،هاي علمودي
ياسمين:تسلم بخجل ودنكت،لا لان اليوم اخر يوم امتحانات فااحب احتفل علئ طريقتي
عمر:هههههه علئ اقل جامليني ،مسويلج جو رومانسي وكاعد اتغزل وفيروز
ياسمين:هههههه ،هذا واجبك لان اني طالبه وحامل وتعبانه
عمر:يدلل حبيبي😘😘،اليوم راح اوصلج وارجع اخذ علي من المطار
ياسمين:اممم يوصل بسلامة،ماعرفت شنو الصاير بينه وبين مينا
عمر:لاوالله اليوم يجي ونعرف القصة،قريتي زين لو سختي البارحة
ياسمين:لا قريت المادة سهلة قاريتها بيوم،گرصني من خدودي ''عفيه حبيبتي الشطورة'' ،خدودي عمر
عمر:ههههه شوفي منو واكف ينتظرج،والله صديقة وفية
ياسمين:غسوقه البيست مالتي اموت عليها
غسق:صباح الخير
ياسمين:صباح النور حبيبي،هسه ذكرناج اني وعمر
غسق:خير،لاتكليلي واكعه بلمادة مالته
ياسمين:لا يمعودة فال الله ولافالج كال انو انتي صديقة وفية
غسق:والله راد يوكف كلبي همزين ههههه شعندي غيرج اني حبيبتي
ياسمين:يله بدأ الامتحان ولج،جان الامتحان گلش سهل
غسق:اي الحمدالله،البارحة چنت خايفة والله
ياسمين:مو مثلي البارحة جنت بيت اهلي وتخربطت وبعدين رحت للدكتورة بس طلع مجرد هبوط بسيط
غسق:ياروحي وهسه شلونج خو ماعندج شي الم
ياسمين:الحمدالله،صرت احسن ماعندي شي
عمر:ياسمين
غسق:حبيبي ماعندج الا العافية،عطلة سعيدة انجوي😘😘😘😘
ياسمين:حبيبتي وانتي هم،باي
ياسمين:شكو عمر ليش هيج سويت كدام البنية
عمر:يعني غسق اهم مني،تعرف اشبيج واني اخر من يعلم،امشي كدامي للسيارة
ياسمين:والله حبيبي هبوط بسيط ماردت اقلقك
عمر:شلونج هسه تحسين بشي اجيبلج شي اخذج للمستشفئ
ياسمين:لا ماكو شي مجرد دوخه وراحت
عمر:راح ترحين وياي للبيت اليوم
ياسمين:لا،اليوم خالاتي راح يجون علئ الغداء ويبقون يمنا،وبعدين راح يجي علي واكيد راح تحجون اخذو راحتكم
عمر:وانتي غريبة يعني
ياسمين:لا بس تبقئ خصوصية العائلة،واكيد خاله مراح تكوون مرتاحة بوجودي
عمر:مو مهم تجين وياي يضل بالي عليج بعدين
ياسمين:حبيبي كتلك والله ماعندي شي
عمر:ماشي بس ديربالج اتصل وماترديين
ياسمين:هههه لا وعد انزل خلي نتغدئ سوه
عمر:والله تعبان حبيبتي واكيد الوضع راح يتأزم بموضوع علي ومينا
ياسمين:الله يهديهم يارب
عمر:يارب
ياسمين:دخلنا اني وعمر بس وصلني وراح،لگيت خالاتي جايات بس بدون اولادهم
خالة امل:گلوووووش گلوووش😍😍😍😍
ياسمين:ههههه حضنتها حيل كلش مشتاقتلها
خالة نادية:حبيبتي كلش فرحتلج والله
ياسمين:حبيبي خالة،ماما مسويه كل مالذ وطاب تخبل جان يوم كلش حلو
ياسمين:الو هلو مينا
مينا:هلووو ياسه شلونج
ياسمين:اني بخير بالي يمج انتي شلونج
مينا:زينه دااحاول استوعب الوضع الاني بي حاليا
ياسمين:حبيبتي والله كلها فترة وتعدي
مينا:هئ واحنا نعدي وياها
ياسمين:اعرف لو شمااكول واحجي نارج ماتطفئ بس بس فكري بلمستقبل
مينا:ياسمين تدرين مااكدر احجي لماما الحقيقة لان والله يصير عليها شي
ياسمين:اسم الله حبيبي مو الاتحجين يكفي الي داتمرين بي،اني دائما وياج
مينا:تدرين اليوم اجوي حتئ يتفقون علئ الطلاق ويه اهلي محد منهم حس بيه كل همهم اتنازل عن الحاضر والغايب ووو ....الخ
ياسمين:عمر وياهم
مينا:لافدوة لكلبه عمر هو وعلا ولاتكوليين ولد فاتن ،عمي مسكين ضعيف،اسر دلال امه دمره ،مياسه مسكينة لاحول ولاقوة متحملة فاتن وطايعتها هي واسر لان تخاف خاف تطلك وترجع لهلها وتنذل وتنضرب من اخوها واحد تربية سزز حشاج
ياسمين:اول مره اعرف هل امور عنهم ،اعرف خالة مسيطرة وعمو ضعيف بس انقهرت علئ مياسه والله
مينا:ههههه هي هاي مواصفات الي تريدها فاتن لچناينها عدهم سمعة بس ماعندهم سند اني وحيدة امي وماعندي اخوان ويتيمة الاب بس بابا جان قبل مدير عام وعائلة بابا معروفة،مياسه ابوها جان وكيل وزير بس اغتالووا خطية هو طالع من دوامه وبقت هي واخوها ،مااتريد وحده عندها سند عدها ظهر ام واب يوكفون بوجهها ماتشوفيين ماقبلت بيج لاانتي ولا
ياسمين:اني ومنوو
مينا:اقصد يعني انتي اكيد ماقبلت لان ادور حسب وجاه مااتريد شي هي فاقدته مثل الاخلاق والتربية والاصول
ياسمين:ها فهمت والله داحاول ابتعد عنها قدر المستطاع
مينا:اني اسفة اعرف دوختج موو
ياسمين:لاطبعاً تونست كلش وياج
مينا:اني هم والله يله اخذي راحتج
ياسمين:حبيبتي الله وياج
ابوعمر:يعني انت وامك جنت تعرف وماكايل للبنية
علي:ماما مارادت احد يعرف
ابوعمر''عذر اقبح من ذنب''
علي:صعبة عليه حاولو تفتهموني
عمر:وتخلص عمرك وياها جذب بجذب
ام عمر:خلي تولي كلعة باجر ادورلك وحده تسوئ راسها قحط بنات
علي:الله يخليج كافي الي دايصير بيه كله بسببج
ام عمر:انتو كلهم هيج ناكرين المعروف،وانت السنيورة شوكت اجيبها
عمر:اني طالع
عمر:الو هلو حبيبي جهزي نفسج راح اجي اخذج
ياسمين:ماشي حبيبي
ابوياسمين:هلا عمر تفضل تفضل
عمر:لاوالله عمي غير مرة ان شاء الله،مستعجل
ابوياسمين:يله ديربالك علئ ياسميني
عمر:بعيوني
ياسمين:وين رايحين احنا للبيت
عمر:لا مفأجاة
ياسمين:هذا مو الفندق الي ازوجنا بي
عمر:ايي
ياسمين:ماكو داعي جان رحنا للبيت
عمر:لا اريد اعتبر نفسي بشهر عسل ،لو ما الحمل جان اخذتج وسافرنا بشي مكان
ياسمين:دخلت للغرفة مزينها بورد ونفاخ وشموع مثل الافلام عبالك غرفة عروس
عمر:تعالي بحضني ،بعد راح يصيرلي منافس
ياسمين:هههه،مكانك بلقلب دائماً وابداً
عمر:حجي بس تجي او يجي اصير خبر كان
ياسمين:لامستحيل انت حبيبي
عمر:😘😘😘الله يقدرني واسعدج يارب
ياسمين:من اول يوم عرفتك بي وامنياتي بدأت تتحقق
عمر:وعد اوعدج راح اسوي كل الاكدر عليه حبيبتي
ياسمين:اشش يكولون لاتوعد وانت فرحان لان بعدين يمكن ماتكدر تنفذه
عمر:اششش،مالج علاقة بحكم الفيس بوك
ياسمين:مرت الايام بسرعة هسه اني بسادس اليوم اهم يوم عندي اليوم راح اعرف شنو ولد او بنت راح اجيب
ام ياسمين:يله ياامي اتأخرنا
ياسمين:اي ماما اجيت
عمر:تعالي علئ كيفج ديربالج
ام ياسمين:خاله المن تعبت نفسك واجيت جان علي وصلنا
ياسمين:شنو تعب نفسه غير يشوف بنته او ابنه
ام ياسمين:الدكتورة ماادخله ويانا
ياسمين:ميخالف اطلع واكله
عمر:هههههه
الدكتورة:صحتج زينه ياسمين والجنين هم صحته زين بس
ياسمين:الف الحمدالله بس شنو دكتورة
الدكتورة:هسه هذا ولد،بس هذا الكيس الثاني شنو ماواضح
ام ياسمين:اللهم صلي علئ محمد واله محمد ولد😍😍😍
ياسمين:دكتورة قلقتيني شكوو
الدكتورة:ماما مااعرف بس عندج كيس راح انطيج علاج وبعد عشرة ايام وارجعيلي
ياسمين:متت بجي دكتورة الله يخليج اكو شي يخوف كليلي مو مهم اني الطفل عليه شي
الدكتورة:ماما لاتخافين ان شاء الله ماكو شي
ياسمين:طلعت الدنيا مسوده بعيني وبس ابجي
عمر:خير حبيبتي شكو
ياسمين:عمر😭😭😭😭😭
ام ياسمين:هيج كالت الدكتورة
عمر:خلي تولي اروح لغيرها
ياسمين:والعلاج
عمر:مااشتري خلي نشوف غيرها
ياسمين:خل نرجع للبيت الوقت تأخر كلهم معزليين هسه
ام عمر:ها بشرو
ياسمين:دخلت الغرفتي بس ابجي مااريد اسمعها
عمر:الدكتورة تكول اكو كيس وانطتها علاج باجر اروح لغيرها
ام عمر:الله اليعلم بشنو حامل لو مشوهه لو معاق هي الام شلونها
عمر:ديربالج تحجين هذا الحجي كدام ياسمين البيها كافيها
ياسمين:عمر😭😭😭
عمر:اشبيج موزين اهم شي نفسيتج حبيبتي يله نامي
ياسمين:ماصدكنا ثاني يوم صار العصر رحنا اني وعلا وعمر
الدكتورة:ماشاء الله
ياسمين:خير دكتورة والله كلبي يريد يوكف
الدكتوره عيني بيج توأم (ولد وبنت)
ياسمين:كولي والله 😍😍😭😭😭😭
الدكتورة:والله شوفيهم اعضائهم التناسلية مبينة
ياسمين:الله يبشرج بلخير
الدكتورة:الله يكومج بسلامة يارب
علا:اني اني اكله جيب البشارة
عمر:كولي شتريدين
علا:الايفون الجديد
عمر:ماشي بس احجي
علا:ياسمين بيها تؤام ولد وبنت
عمر:كولي والله يالله الفزالحمدالله الف الحمدالله
ياسمين:حبيبي الحمدالله الف الحمدالله
ياسمين:نسيت اكلكم تخرجت واخيرا وابني وبنتي حضروو حفل تخرج امهم وهم ابطني
👩⚖️👩⚖️👩⚖️👩⚖️👩⚖️👩⚖️⚖️⚖️⚖️
''بعد مرور ثلاثة اشهر''
أنت تقرأ
ياسه|YASA
Romanceهذه الراوية مستوحاة من قصة حقيقية لفتاة من ذوي الاحتياجات الخاصة وكيفية زواجها من الشخص الذي احبته ورفض امه وكرهها لها لتبدأ رحلتها في حياتها الجديدة.
