ياسه|YASA

الفصل الثاني

ياسمين:منو يكول اصلا موافقين علئ هذا الموضوع؟
عمر:موافقين لان حياتي هاي وهذا اختياري وعدهم ثقة بااختياري المهم تحجين ويه اهلج بلموضوع وترديلي خبر ماشي
ياسمين:اريد اشوف والدتك واتاكد همه موافقين وبعدين احجي ويه اهلي
عمر:لاتلحين كتلج موافقين ومن احصل الموافقة من اهلج راح يجون واشوفيهم
ياسمين:هذا شبي عصبي هسه اني شكلت خلي اسكت احسن
عمر:نزلي راسج راح نوصل الجامعة
ياسمين:نزلت راسي ونزلت لنفس المكان الصعدت منه ورجعت اتمشئ للقسم وهو طلع من الكليه دخلت للشعبة جان تلاكيني غسق
غسق:ياسمين وين جنتي
ياسمين:رحت لصديقه اختي بكلية المقابيلنا اليوم وصتني عليها عسل اول يوم اداوم خطيه بعدها جديدة
غسق:ليش اجذبين ياسمين عليه عيني عينك عسل مسستحيل ادزج مسافه بعيدة بهذا وضعج اعترفي وين جنتي ولج اوكفي بسلا مكبلة واطلعين وياه واحنا رجلينا بشمس
ياسمين:اولا مامجذبه اكدر هسه اخابر البنت وتكلج انو اني جنت يمها ثانيا مو اني الي تطلع واطب ويه ولد فااطمئني رجليكم بلفي واخذت جنطتي وطلعت
غسق:ياسمين ياسه والله اني اسفه ابد مااقصد بس كلت مستحيل عسل ادزج للكليه المقابيلنا علمود صديقتها لان اعرف اهلج يخافون عليج من النسمة اشبيج زعلتي انطيني الجنطة اشيلها عنج ثكيله ياسمين والله اعتذر
ياسمين:ماكو داعي دااكمل حجي وكف بابا يمي نزل سكتت واصرفت طبيعي
ابوياسمين:هلو باباتي شلونكم شخباركم شلونه يومكم شلونج عمو غسوقه
غسق:الحمدالله عمو بخير انت شلونك
ياسمين:هلو بابا بخير الحمدالله
ابوياسمين:يله بابا انطيني الجنطة واصعدي علئ كيفج يله غسق ويانا نوصلج عمو لاي مكان تريدين
غسق:لاعمو تسلم اروح بسيارتي دايم اوكفي خلي اساعدج
ياسمين:لاتسلمين مع السلامة
ابوياسمين :يله عمو مشكورة تعبناج مع السلامة
ياسمين:طلعت من الكليه عبالك طالعة من جبهة اسعد مكان اروحله صار اتعس مكان بسبب الغبي عمر اتمنئ مااداوم اصلا بقيت ساكته طول الطريق وبابا هم ساكت لان تعبان وصلنا للبيت اتغديت و نمت حتئ قبلهم صبيت لان احس كل ملامحي تحجي وتكول عدها شي
دااصلي دخلت عسل
عسل:احجيلي بتفصيل الممل شصار كولش متحمسة
ياسمين:كملت صلاة عسل راسي يريد ينفجر انام ومن اكعد احجيلج كلشي باجر جمعة ماعدنا شي
عسل:لج والله الفضول يدمر هسه اجيبلج مسكن وجع راس واحجيلي حبابه
ياسمين:خزرتها ولفيت راسي ونمت
عسل:ياسمينا حبيبي اكعدي صارت الدنيا غروب
ياسمين:اللهم طولج ياروح شكد تتلوكين من اتردين شي
عسل:غير اختي حبيبتي واريد اطمئن عليها
ياسمين :اعرفج جذابه الفضول موتج كومي سويلي چاي
عسل:تدللين
ياسمين:خلي اكوم اصلي واقرا قرآن الليلة جمعة
ياسمين:صدق الله العظيم يارب  اذا كان صالح اليه فيسر لي امري واذا غير صالح فابعدهُ عني يارب انك سميع مجيب🙏
ياسمين: كملت صلاة ورحت للمطبخ الله شنو هل ريحه الحلوة ماما
ام ياسمين:فطائر سويت وچاي اكعدي اكلي اروح اقرا قرأن بس صليت ماكملت القرأءة
ياسمين:قبل الله ماما
عسل:يله احجي مااطول ماما وبابا دايصلون شصار مو متت
ياسمين:اي نصي صوتج لايسمعون يمعوده لج اليوم طلعت وياه وكمت ارجف احسه ذابحتلي واحدوهو قافل علئ الموضوع بعده
عسل:الله الله هاي الاخبار الحلوة وشحجيتو شكلج بعد
ياسمين:منتظر مني جواب اكول لبابا وماما عليه حتئ يجيب اهله بس صارت شغلة غريبة اليوم؟
عسل:شكو شصار
ياسمين:من سألته اذا اهله موافقين علئ الزواج او لا صار عصبي ردة فعلة غريبة
عسل:يعني كلج اي اولا وصار عصبي
ياسمين:كال اي موافقين ومنو يجون راح اشوفيهم
عسل:ليش انتي طلبتي منه اشوفين اهله
ياسمين:اي ردة اشوف امه واعرف رأيها بزواج يجوز مموافقه غير بعدين اذا صارت القسمة تشوي علئ اذاني بصل
عسل:لج انتي طبيعية شلون اطلبين منه هيج طلب وبعدين اهل البنت يشوفون الولد مو البنت تشوف اهله بس يمج ست ياسمين تنكلب الاية اذا هو زين ورايدج شعليج باامه ترئ راح تزوجي هو مو اهله
ياسمين:لاعيني غلطانة الزواج زواج عوائل لان ماراح نعيش بجزيره الوحدنا باجر عگبه اكو احفاد ومناسبات ومواقف وعلاقات متينة متوكف عليه اني وياه
عسل:اهو بدأت تتفلسف ياسمين بله عوفينا من نظريات العقد الاجتماعي وخفي علينا يا جان جاك روسو😏😏
ياسمين:عزيزتي الصمي صارت شغله ثانية هم ضوجتني كولش صار سوء تفاهم اني وغسق من رجعت من يم الفگر الكلب حياتي صارله اسبوعين شافتني وسألتني وين جنت وكتلها يم صديقتج همزين اليوم نقذتيني همزين اتفقتي وياها زين اذكرت قبل لااطلع وخابرتج واتفقت وياج ماصدكت بيه وكبل جان تكلي بس لااطلعين ولد ومنعرف بيج
عسل:اي الحمدالله ودزيتلها صوره بملابسج وشكلج ودزيتلج رقمها للطوارئ وهي شعليها وجه القرد حرام مااطيقها ابد ماتنزلي من زور وشكتيلها بسلا بقيتي صافنه اعرفج فاهية
ياسمين:صرت عليها عصبيه كولش وكتلها هسه اخابر البنت وتأكدي واني مو اخلاقي اطلع ويه ولد وعفتها وطلعت مااعرف ليش هيج انفعلت بس صدك لو كال ابو المثل (الي بعبه طلي يمعمع) انجبي دعسوقة اموت عليها وهي حتئ احلئ مني وتموت علئ عمر وحتئ داحس اني دااخونها بتصرفاتي
عسل:شنو اتخونيها ليش زوجتة لو حبيبته لوخطيبته مثلا حالها حال اي طالبة تنعجب بدكتورها
ياسمين:هسه شلون يريد احجي ويه اهلي واردله جواب واني استحي مااكدر افتح هيج موضوع وياهم
عسل: هسة شلون نحجي نضل بلعيون 😂😂😂فوديت اليستحتي باجر خالة امل تجينا واحجيلها وهي تفتح وياهم الموضوع
ياسمين:بايخه جدا صدوك والله مشتاقتلها احلئ خبر سمعته❤️❤️اش اش اجتي ماما
ياسمين:ماما صدك خالة امل تجينا باجر 😍😍
ام ياسمين:اي حبيبي باجر ان شاء الله غداهم يمنا
ابوياسمين:بروح اهلج فاطمة استكان چاي شلوونكم يبنات
ياسمين وعسل:بخير بابا
ام ياسمين:علي هاي فطائر وياه قبل شوية سويتها تخبل انطي رايك
ابوياسمين:والله عندي استكان الچاي يسوئ ابو الفطائر بس لعيونج فطيم انضوكها
عسل:شوفي بدا الغزل اليوم الخميس😂😂😂
ياسمين:انجبي بلا سخافة وقله ادب بله😏
عسل:ماشي اي مو تدللين ياسمينا اله اعلمج الادب علئ اصوله
ابوياسمين:اشبيجن وحده تبسبس لثانيه
عسل:هو اكو خبر حيفرحنا كلنا وخصوصا انتو😍😍
ياسمين:بلقران اموتج انجبي وانتظري لباجر مااكدر احجي
ام ياسمين:اشبيج ياسمين خلي اختج تحجي شعندج عسل
ابوياسمين:اي يالله فرحونا يله
عسل:احم احم جايكم خطابه لبنتكم
ابوياسمين:ماعدنا بنية للزواج وهذا الموضوع شيلي من بالج ماكو زواج قبل التخرج
ام ياسمين:ماصارلج كم شهر من طلعتي من السادس كمتي ادورين زواج
عسل:هااشبيكم اكلتوني وشربتوني مو اليه قابل بس اني بنتكم لياسمين الخطابة
ام ياسمين:😮
ابوياسمين😮
ياسمين:بهاي اللحظه اختنكت كولش صدمتني ردة فعلهم ولاحاسبيني بنيه وممكن تزوج وتكون عائلة صح اني من ذوي الاحتياجات الخاصة بس هم من حقي اتزوج حالي حال اي بنت
ابوياسمين :اااءءء اءءء:ياسه صدك الحجي الكالته اختج
ام ياسمين:منو هو شلون وشوكت اتعرفتي عليه
ابو ياسمين:اوكفي فاطمة احجيلي حبيبتي من البداية
ياسمين:حجيتله كولشي اعرفه عن عمر وهو مبين عليه مصدوم بس مسوي روحه مقتنع ويجاريني بلكلام
ابوياسمين:زين بابا هو شايفج يعرف وضعج هو هم من ذوي الاحتياجات الخاصة  يعني
ياسمين:اي شايفني ويعرف كلشي عني لاسليم ومتعافي دكتور بابا وهو منتظر مني جواب حتئ يجيب اهله
ابوياسمين:لازم احجي وياه واكول لعمج محمد ونسأل عليه
ياسمين: بكيفك بابا
ابوياسمين:كلتي يريد منج جواب
ياسمين:اي
ابو ياسمين:باجر كوليله ابويه يريد يتعرف عليك وخلي هو يحدد الوقت
ياسمين :ان شاء الله
عمر:بابا اريد احجي وياكم بموضوع انت وماما
ابوعمر:اي حبيبي كول فاتن تعالي عمر يريدنا بموضوع
ام عمر:اي اجيت اي كول عمورتي
عمر:مثل متعرفون اني صار عندي وظيفه وشغلي بلمعارض وبعد كم شهر راح اقدم علئ المعهد القضائي واحس نفسي نضجت كفايه حتئ اخذ هذا القرار اني اريد ازوج بس من اختياري وعلئ ذوقي ومزاجي وياريت اذا تحبوني صدك متدخلون مثل التجربة القبلها واثقون هل مره بااختياري
ابوعمر:الف مبروك حبيبي وطبعا الاختيار الاول والاخير الك
ام عمر:والله لو اعرف اهلهل جان هلهلت😍بس ياريت تكون اخذت عبرة من التجربة القبلها
ابو عمر:فاتن🤐🤐
عمر:اطمئنو راح تعجبكم متاكد بس هي شويه ظرفها خاص
ابوعمر :يالله الحمدالله خير بابا اشبيها البنت
ام عمر:اووه بدينا
ابو عمر:فاتن🤐🤐🤐🤐
عمر:البنت يعني اااا من ذوي الاحتياجات الخاصة وهي طالبه عندي مرحله رابعة
ام عمر:شنو عمر هذا الموضوع مابي شقه شنو قصدك يعني معاقه
ابوعمر:عمر شلون يعني معاقه
عمر:معاقه بمرض اسمه.....()متكدر تمشي وحدها اله علئ عگازه
ابوعمر:اعرف انت متعاطف وياها ابني وتريدلها الخير بس موزواج ابني احتمال يطلع هذا المرض وراثي او هي شي
ام عمر:اشو انت كاعد اتبررله خلي يحجي وحده هذا شنو قحط بنات ومختارلي معاقه لو جنت معاق وفگر ومحد مكلبتك ورحت عليها تبقئ طول عمرك قشمر
عمر:هذا رأي وماراح اترجع عنه وازوجها لو يبقئ اخر يوم بعمري اتمنئ صار معلوم تصبحون علئ خير
ام عمر:لك ياحيوان شنو تتحدانا اني اعلمك والله لوتموت ماتزوجها
ابوعمر:اشش اشش فاتن كولشي ينحل بلهدوء
ام عمر:لك عبدو ابنك رفع ضغطي
ياسمين:اتعشينا ووراها لفيت راسي ونمت عاندت ويه عسل وماغسلت المواعين مع ان اليوم دوري
عسل:ياسه الله يخليج اكعدي ولاازعلين مني والله اتصرفت بفطاريه مو متقصده
ياسمين:سويت نفسي نايمه وغلست عليها لحد الان مكادره استوعب ردة فعل بابا وماما من سمعو الخبر اتوسلت اتوسلت بعدين ملت ونامت بجيت هواي لحد ماغفيت كعدت الصبح لكيت عمر دازلي صباح الخير وجمعة مباركة رديت عليه هم وبنفس اللحظه رد شلونج؟
زينه
عمر:اني مااريد اضغط عليج او ازعجج بس حاب اعرف بلغتي اهلج
ياسمين:اي بلغتهم
عمر:وشكالو
ياسمين:بابا يريد يشوفك ويتعرف عليك ممكن؟
عمر:اي طبعا اتشرف ويسعدني اتعرف عليه باي وقت يحب
ياسمين:اي يوم عندك مجال
عمر:اذا ممكن باجر ماعندي شي حاضر باي وقت
ياسمين:راح ابلغه ونشوف شيصير اني اترخص
عمر:اني حاضر باي وقت ياسمين اني اسف علئ تصرفاتي البارحة اعرف انفعلت وعصبت عليج اسف والله وبقيت طول اليوم اللوم بنفسي
ياسمين:عادي مصار شي باي
عمر:باي❤️
ياسمين:علئ اي اساس يدزلي قلب بالله كمت ضايجه لكيت الكل متريك بس اني متأخره كملت وغسلت المواعين وماما داسوي مقلوبه وسمج شوي وسلطات جان يندك الباب اجتي خاله امل رفرف كلبي
خالة امل:ياسه الغالية مشتاقلج يابعد روح خالتج
ياسمين :اني الاشوق والله خاله وحضنتها وبقينا نسولف صارت الصلاة صلت بغرفتي وتباوعلي وتضحك اني جنت هستوني بادية اصلي عرفت اذاعة الاخبار عسل كايلتلها
خالة امل:قبل الله حبيبي
ياسمين:منا ومنكم خاله
خالة امل:اي ياسه شنو هل اخبار الحلوة هاي
ياسمين:ليش مجبتي حمودي وعلاوي وياج مشتاقليهم والله
خاله امل:ليش تغيرين الموضوع 😉😉 العصر يجوج ابوهم يجيبهم راحو لبيت جدهم اليوم عمومتهم مجتمعين ويريدون يلعبون ماقبلو يجون
ياسمين:لاولله خاله بس بصراحة مامصدكة الموضوع ومااريد اتأمل علئ الخالي بلاش
خالة امل:ليش حبيبي الولد مبين جدي حسب حجي عسل
ياسمين: خالة شخص فول مواصفات ليش يزوج وحده مثلي
خالة امل:رزق والله عوضج بي ولج شوفيني شكله
ياسمين:هاي صورته
خالة امل:اللهم صل علئ محمد وال محمد ماشاء الله يخبل😍😍
ياسمين:هو هذا المخوفني كال باجر فارغ ويكدر يجي بس مستحيه اكول لبابا
خالة امل: اني اكله ولايهمج
ياسمين:كملنا غداء وغسلت المواعين وشربنا جاي وراها رحت تمددت
امل:ابوياسمين شنو رايك موضوع الخطبة مال ياسه
ابوياسمين:والله مااعرف شكول الج بس والله ياخويه ياام علاوي دايخ الولد حسب حجيها كامل مكمل ليش حتئ يخطب ياسمين اكو انه اكيد
امل:حجيك صح بس يجوز عوض من ربك ياعيني والبنت حجت وياه وباجر هو فارغ ويريد يجي ويشوفك ويجوز عنده وجهة نظر تقنعك واجاوب علئ اسألتك
ابوياسمين:الله كريم اريد رقمه حتئ اخابره وادلي بلعنوان
امل:اجيبه الك
امل:ياسه ابوج يريد رقم عمر
ياسمين :هذا خالة077,,,,,,,,,,,,,,,,,,,,,,,
امل:هذا ابو ياسه،،،،،،،،،،،،،،،،،،،،،،،،
ابوياسمين:بس هي متبقئ بلبيت تطلع كوليلها احسن لان اريد احجي وياه بلقلم العريض ومااريدها تنجرح وتتاذئ
امل:ان شاء الله