ياسه|YASA

الفصل العاشر

ياسمين :ماكدرت انام بقيت افكر اذا عمر حجئ ويه امه راح تنتقم مني واسود عيشتي واذا سكتت راح انقهر بس لازم اتعلم اغلس واعبر
ياسمين:عمر عمر
عمر:امممم ياسمين شتردين
ياسمين:بس انتبهلي لحظة
عمر:انتبهت شكو
ياسمين:لاتحجي شي ويه خاله ماشي اني نسيت كلشي
عمر:ومكعدتني3الفجر حتئ تكليلي نسيت صدك تحجين
ياسمين:لا بس علمود انام مرتاحه ومااريد اصير مشاكل
عمر:ماشي نامي مرتاحة
ياسمين: احبك
عمر:اممم
ياسمين:بدلت لبست فستان مال بيت بسيط وعدلت شكلي وطلعت صباح الخير
ياسمين:الكل رد الا هي بكلبي بعد احسن
ابوعمر:شنو مشاريعكم مناوين اسون شهر عسل
ياسمين: باوعت العمر لان مااعرف شنو ارد
عمر:اجألنا كلشي حالياً لان امتحانات نص السنة علئ ابواب ياسمين عدها قرايه واني راح يخلوني باللجنة الامتحانية فما عدنا وقت
ام عمر:لجزر المالديف اخذها
عمر:اي شكو بيها انخلي ضمن الاختيارات بالصيف هم ياسمين ان شاء الله متخرجة وهم نخلص من حرارة الجو
ياسمين:وضحك وغمزلي ارتاحيت من جوابه حتئ لو مااروح عادي
ياسمين:مرو الاسبوعين بسرعة وجان اول يوم دوام هو يوم الامتحانات طول هاي الفترة متجنبتها اني وخلصتها اقرا لان اذا وكعت بمادة معناها دور ثاني
غسق:نورت الكلية يااحلئ عروس مشتاقتلج ولج احس صار سنة مشايفتج
ياسمين:تعالي حضن حضن والله اني الاشوق انتي شلونج اي والله كلشي جنت متوقعة بس مال ازوج وبعدني بلكلية مامتوقعتها ابداً
حسن:الله ربج المن مداومه عمي المن مداومه اذا عمر رجلج
ياسمين:والله والله ابد مااتوقعت تجي تباركلي واسلم طبيعي
حسن:لج هو بلكلية ماينطاق بنص دوام اخذتي انتي مؤبد
ياسمين:حسن روح منا يله
ياسمين:انتي احجيلي شصار علئ خطوبتج
غسق:خليها وراء الامتحان احجيلج
دكتورمؤيد:ها ياسمين شلونها الاسئلة
ياسمين:الحمدالله زينه
غسق:يله كملي بسرعة
ياسمين:دقيقة بس روحي
غسق:احجيلي كلشي شلونه الزواج
ياسمين: الحمدالله زين بس امه غسق مامتقبله وجودي نهائياً
غسق:وهو
ياسمين:هو الحمدالله جدا مريح ومساعدني
غسق:لعد شعليج انتي باامه فكري بس بيكم
ياسمين:انتي شلونج ،خطوبتج شصار عليها
غسق:فصخت ماكدرنا نتفاهم ياسه ومو يكلون ايام الخطوبة احلئ ايام اتعس ايام بحياتي اني
ياسمين:ليش شصار
غسق: شكاك وتخيلي مره شاف تعليق الي علئ فيس رديت علئ استفسار ولد بكل ادب واحترام والله اجئ ضربني كدام ابويه،منها وبابا قفل الا افصخ الخطوبة
ياسمين:الله يعوضج حبيبتي والحمدالله ماطول بعدكم علئ البر
غسق:اللهم امين
ياسمين:يله عمر طلع نشاوف الامتحان الجاي احبج😘😘
غسق:ان شاء الله اموت عليج بباي
عمر:هلو حبيبي تأخرت عليج شلونج اليوم جاوبتي
ياسمين:اي الحمدالله ،تصور دكتور مؤيد يسألني شلونها الاسئلة
عمر:لان عرف صرتي مرتي وباجر راح اعزم كل القسم الاغلبيه زعلوو وناس تريد تجي تبارك فكلت اخصم كلشي شنو رايج
ياسمين:حلوة الفكرة
ياسمين:رجعت نمت حتئ مااكلت من التعب والالم راسي فدمره
ياسمين:كعدت علئ صوت عياط وبجي بلبداية عبالي حلم بس بعدين انتبهت اكثر هذا صوت مياسه،طلعت للصالة لكيتها هي تبجي وعمو صاير اعصاب وفاتن منهارة
ياسمين:علا شكو شصاير
علا:اسر طلع متزوج علئ مياسه
ياسمين:😳😳صدك تحجين
علا:اي والله
فاتن:اطلگها باجر ونتهي كلشي الله ياخذكم ماشفت يوم راحة بس الم ووجع راس ليش ازوجت ليش ازوجتها فهمني
اسر:احبها احبها ومااطلكها من سابع المستحيلات واذا مصره علئ الطلاق باجر اطلك مياسه
مياسه:اصلا اني مااريدك وهسه يجون اهلي ياخذوني وابنك بعد تحلم تشوفه
اسر:روحه بلارجعه علئ اساس شلون اني مهتم وابني ماتكدرين بعدينه عني
ياسمين:اجوي اهل مياسه واخذوها وبعد كومه حجي وبجي وعياط ووو
فاتن كلعادة سكتت دهراً ونطقت كفراً
فاتن:ضغطي صعد من وراكم الله لايوفقكم الله ياخذكم يارب ولد ال....واحد اخذلي وحده معاقة وواحد متزوج ع مرته والثالث مالتكم هم الله اليعلم شمسوي مامسوي
اسر:لعلمج هم الي خلاني اصير جريئ واخذ هيج قرار عمر وتمسكه بياسمين ومصار مثلنا ولعبتي بحياته ودمرتيها مثل مادمرتينا اني وعلي
فاتن:ياابن ال...اني دمرت حياتكم وهذ الماخذينه قدوة الكم علئ اي اساس اخذ اميرة خليني ساكته احسن لك
اسر:اني الف مرة كتلج مااريد مياسه مااريدها مااحبها وضربتي كل حجيي ومشاعري واحساسي عرض الحايط لان حضرتج ادورين مستويات ووضع اجتماعي اصلا كرهتها لان سويتها نسخة منج
فاتن:امشي اطلع بره مااريد اشوف خلقتك،ولك لو هي شريفه وبنت عالم وناس جان ماقبلت تزوج واحد اهله مااجوي خطبوها
اسر:بنت عالم وناس وست البنات والعلمج بابا وعلي وعمر اجوي خطبوهاوياي
فاتن😳😳
عمر:الله لايوفقك علئ هل طلعه هاي هي منا تريدلها عزه وتلطم بي
عمر:ياسمين ااا يله مو تريدين تروحين لهلج شو لسه مامتحظره
ياسمين:ها اروح وين اها اي اي
فاتن:وين وين عمر افندي انت والخاتون تعال شوكت رحتو وشلون وليش ومنو
عمر:قبل لااتزوج وهمه اصلا جانو علئ علاقة صارلهم سنين
فاتن:ليش ليش
عمر:تعرفين كلش زين ليش وشنو السبب وانتي جنتي متوقعة راح يجي هذا اليوم،وبماانو انصدمتي فااخذي الصدمة الثانية مينا هنا بالعراق واحتمال هم تطلك ،يله ياسمين
فاتن:شنو شنو تحجي صدك
ياسمين:حضرت ملابسي وطلعنا بسرعة خابرت ماما وكتلها راح نجيهم اني وعمر
ابو يلسمين:ياهلا بنسيبي ،بنيتي
ام ياسمين:اي مشتاقيلكم ليش ماتمرون
اني وعسل داارتبب بلعشاء نواشف وكباب شوي وزلاطه طرشي وفواكة
عمر:ياسمين
ياسمين:ها حبيبي
عمر:ماريد اهلج يعرفون بقصة اسر وزوجته،تعرفين بعدنا هستونا متزوجين ويعني
ياسمين :بدون ماتشرحلي مراح يعرفون اي شيء ،تبقئ خصوصية اسر وزوجته واهلي مالهم علاقة اطمئن
عمر:حبيبتي
ياسمين:تعشينا وشربنا چاي والصوبة دافية
عمر:يله حبيبتي
ابوياسمين:باتو اليوم يمنا ماعندنا شي بلعكس ونستونا وبالاستقبال بس انت ومرتك تنامون
ياسمين:عمر باوعلي بكيفج
ياسمين:اي ماعندي مانع كيفت اصلا
عمر:اني هم ماعندي شي ومرتاح
ابو ياسمين :عندي دومنه وطاولي شتحب تغلب
عمر:طاولي
عسل:ياسمين شراح تشجعين
ياسمين:اووه موقف صعب ،اني راح اكوم اغسل مواعين ،بلتوفيق😂😂
ابو ياسمين:اها انهزمتي
ياسمين:😂😂😂😂
عسل:ياسمين شلونه وضعكم
ياسمين:الحمدالله بخير ماكو شي
عسل:وامه الحربايه هم تغثج هي وهاي چنتها
ياسمين:مامهتمه الهم همي عمورتي
عسل:ههههههه فدوة،شوفي امج ماخلت شي ماسوته وخلته الفواكه والكرزات
ياسمين:يكولون النسيب قطعة من الگلب😂😂
عسل:اي وهذا اول نسيب شوفي حظي باجر عگبة زوجي ماكو احد يهتم بي بس بعمر افندي
ياسمين:هههه لا هذا الغالي زوج بزر الكعدة
فاتن:راح انجلط ،كاعدة ويه عائلة لو اعداء لاوالله الاعداء اشرف واحسن منكم
ابو عمر:لاتنجلطين محد يخسر ويتأذئ غيرج ولدج واحد راح نام بحضن مرته الثانية واحد بحضن نسابته،الف مره كتلج عوفيهم همه يختارون ويقررون هاي حياتهم بس شلون لازم تدخلين حلوو اليوم الموقف الصارلج كدام بنتج وچنتج
ام عمر:انت راس البلئ تخطب وتمشي خطبات بكيفك ومتفق وياهم
ابو عمر:لان ماكو فائدة من العناد شباب اطول مني ومستقلين بحياتهم واني الراح اخسر اذا عاندتهم بغلط سواء اهل زوجة اسر ،او اهل ياسمين ناس ذهب محترمين خلوقين تعبانين علئ نفسهم مستورين مايدورون مشاكل وطلايب ،شيريد اكثر الواحد من هيج فهميني شيريد
ام عمر:وبناتهم احجيلي وبناتهم
ابو عمر:زوجة اسر عنده علاقه بيها قبل لايتزوج وكسر گلب الابنية واتزوج حتئ يرضي حضرتج،اما عمر فااختياره ولاتفتحين هذا الموضوع مرة ثانية
افل:مياسه وين هسه
اسر:انگلعت لبيت اهلها عساها لارجعت
افل:ليش هيج داتحجي عليها
اسر:المفروض تفرحين باجر باجر اطلگها واخلص منها
افل:افرح علئ شنو افرح يكفي كسرة گلبها وكسرة خاطرها والحجي السمعته منك
اسر:انتي داتحجين صدك لو تشاقين؟
افل:لاصدك اسر انت ماجانت عندك الجرئه انو ترفض وماتزوج من هسه صار عندك ولد وتعرف اهلها مايتحملوها يوم ويذلوها تريد اطلگها
اسر:لو وحده غيرج كامت تركص تريدين تقنعيني مقهورة عليها
افل:ماضارتني بشي اني بيتي ومستقله ،بس هي متحملة امك وعندها طفل وكاعدة ويه عيال حالها يقهر لولا
اسر:كافي سدي الموضوع اريد انام
ياسمين:ها منو غلب 
ابوياسمين:تعادل
ياسمين :الحمدالله😂😂
عسل:شوفو شنو جبتلكم هاي صورنا من چنا صغار خلي عمر يشوف مرته
عمر:هاي الصورة حلوة كولش
ياسمين :اي وحده منهن
ياسمين: اها هاي اخذنا يم مصور الذكريات شوف الفستان الاخضر والشعر الكيرلي والحذاء 😂😂😂
عمر:طالعة برنسيسة😍😍
عسل:وهاي صورة العرسان عرفتهم لولا
عمر:اي عمو وعمه يخبلون طالعين
عمر:بأي سنة اتزوجتو صدك
ابو ياسمين:14/7/1994 بيوم الثورة مال عبدالكريم قاسم بتموز الدنيا موت احمر جانت
ام ياسمين:والله فاجأتني طلعت حافظ التاريخ
ابو ياسمين :طبعا اكو واحد ينسئ زواجه هسه عمر انت يايوم ازوجت
عمر:31/12/2017الاحد
ام ياسمين:عمر صارله شهر من اتزوج طبعا يذكره اما انت لوما الثورة ولاتذكره حبيبي😂😂😂😂
عمر:هاي الصورة حلوةالي صاعده بيها علئ البايسكل
ياسمين:هاي الصورة بيها قصة وحده من بنات عمو محمد بكدي فبعطلة اخير السنة من نجحت ابوها جابلها بايسكل هدية نجاحها وكامت تلعب بي بحديقتنا تتعلم قبل لاتطلع للشارع بوقتها شفتها وشبعت بجي لان ردت منه وهي جانت تغور بيه تكلي مايجبولجياه فدخلت للمطبخ شفت بابا دايبدل بلغرفة وماماودايحسبون الفلوس حتئ يشتري التلفون النوكيا بوقتها غالي رجعت ابجي وحدي بلحديقة فهو شافني اجئ باسني وطلع ومن رجع فتح الباب وكلي غمضي عيونج فتحتهم جايبلي بايسكل وعلئ فكره ماصعدت بي بس من اخذت الصورة لان وضعي تعرف وعسل جانت صغيرة وانطته ماما وراه فترة لبيت خالتي سألته ع التلفون كلي محلو جان فمااشتراه
ابو ياسمين:انتي شمعرفج بهاي التفاصيل انتي اني حتئ امج ماحجيتلها
ياسمين:افتهمت المعنئ من كبرت واجمعت التفاصيل
ابوياسمين:لوتريدين روحي هم ماتغلئ عليج
ياسمين:الله يحفظك انت وماما وعسول اليه
عمر:واني
ياسمين:ويحفظك انت شعندي غيرك
ابو ياسمين:فاطمة يله خلي نكوم الجماعة بعدهم عرسان وكامو يتغازلون
ياسمين،عمر :لا مو قصدنا والله
ابو ياسمين:لاحبايب عبرت ال1هم يله انام الدنيا شتاء عمر البيت بيتك تريد تريد حمام تجوع بليل اي شي ياسمينا يمك لاتستحي ولاتخجل تصبحون علئ خير
عمر:وانت من اهله عمي
ياسمين:وانت بخير بابا
ام ياسمين :تعالي خلي احضرلكم الفراشات
ام ياسمين:اكلج ماكو شي
ياسمين:شنو
ام ياسمين:شي بلطريق يعني
ياسمين:واني شمعرفني ماما بس ماما صار15يوم علئ الموعد
ام ياسمين:كولي والله باجر اخذج احللج
ياسمين:لامااتوقع قريت ع نت طبيعي اول فترة بسبب الزواج
عسل:شداتحجون وتبسبسون
ام ياسمين:انتي  شعليج روحي افرشي واخذي اللحاف وياج
ام ياسمين:عمر ينام علئ مخدة عالية لوناصية
ياسمين:ناصية
ياسمين:الله غرفتي الاحبها
عسل:كل قوي للزمان يلين قبل جنتي تأمرين وتنهين والضوء بتواسيل اشغله
يله حبيبتي مكانج يم زوجج بالاستقبال
ياسمين:غرفتي وبيت ابويه وبكيفي ههههه شوفي الزمن صدك تتهنين عن اذنج اروح لزوجي سر سعادتي😂😂
ياسمين:اتصلت بااهلك شلونه الوضع
عمر:نطيت خبر لبابا وكتله راح انبات
ياسمين:وامك
عمر:اشبيها مرتفع ضغطها وصايرة زينة ونايمه
ياسمين:خطية ماعدها غير العافيه،اكلك شي ومتزعل مني
عمر:كولي
ياسمين:احسك قاسي كولش وياها حتئ اليوم اسر جرحها حيل بلحجي
عمر:لان هي السبب
ياسمين:شنو قصدك
عمر:حبيبتي غيري الموضوع اليوم كلش فرحان ومرتاح بيت اهلج مريحين كلش
ياسمين:هههههه احس نفسي بحلم اني وياك نايمين بالاستقبال مالتنا
عمر:تعالي اعيشج حلم احلئ
ياسمين:لاتسلم حلمي احلئ يله نام اني متت نعاس تصبح ع خير
عمر:وانتي من اهله
ياسمين:ماكدرت انام معقولة حامل اني ياسمين حامل يارب🙏🙏
ياسمين:كعدنا الصبح لكيت بابا مسويلنا ريوك خرافي كل مالذ وطاب تريكنا وسوالف وضحك
ام ياسمين:اني وياسه راح اروح لسوك ونرجع
ابو ياسمين:ياسوك فاطمة هسه
ام ياسمين :مانتأخر
ياسمين:عمر اروح
عمر:روحي حبيبي
ياسمين:وين ماخذتني ماما صدك تحجين
ام ياسمين:اليل مانمته ماصدكت صبح الصبح
ياسمين:دخلنا للمختبروسولي تحليل بقينا ننتظر
الممحللة:ياسمين علي
ام ياسمين:اي عيني
ابوياسمين:هاي شجرة البرتقال جبت بذورها من ديالئ وهاي شجرة الرمان
ام ياسمين:بقيت ادك بجرس
ابوياسمين:شكو اشبيج فاطمة تخبلتي
ام ياسمين:كلوووووووش كلوووووش
ياسمين:اني حامل
ابوياسمين:اللهم صلي علئ محمد واله محمد
عمر:حبيبتي
ياسمين:شالني شيل عمر وبقئ يفتر بيه
ابو ياسمين:نزلها عمر نزلها لاتوكع
عسل:راح اصير خاله♥️♥️♥️
ابو ياسمين:حبيبة كلبي الله يكومج بسلامة ويعافيج يارب.الف الف مبروك حبيبي الله يقر عينكم بي
عمر:لعد اني وياسه نترخص خلي افرح اهلي هم
ام ياسمين:عمر حبيبي تتغدون يمنا واخذها للدكتورة نطمئن علئ وضعها وترحون بسلامة
عمر:مادام هيج بكيفكم
ياسمين:ماخلوني اتقرب لاي شي كله همه سووو
سمج شوي وتمن احمر ودولمة وكومه شغلات جانت امنيتي ادخل لغرفتب وشبع بجي معقولة حلمي صار حقيقة معقولة ازوجت الاحبه وحامل لا لا ياربي دخيلك مداكدر استوعب رحت صليت وصليت صلاة الشكر
بعدها رحنا للدكتورة وانطتني تعليمات وممنوعات ،شعوري جان ماينوصف ابدا
ياسمين:رجعنا للبيت مثل الواحد الدخل ع جبهة،اهل مياسه مرجعيها وهو صياحه وعياطه ويه امه
عمر:السلام عليكم شلونكم شلونج مياسه
مياسة:الحمدالله عمر بخير شلوونج ياسمين
ياسمين:بخير وانتي
مياسه:شوفه عينج
ياسمين:انكسر كلبي عليها شعور لاتحسد عليه
عمر:ولو مو قته بس حبيت افرحكم مثل مااحنا فرحنا
ام عمر:ماطول فرح انت والخاتون مصيبة يله بقت عليك انت طلعت الملهم مالتهم
عمر:استغفر الله واتوب اليك،ياسمين حامل
ابو عمر:هذا احلئ خبر سمعته اليوم
اسر :عمور شايف كل الخير يارب
علا:حبايب كلبي راح اصيرون ام واب احلئ اهل
مياسه:الف الف مبروك
فاتن:هههههههه حامل وشراح يطلع اعمئ اخرس اطرش لو مشيته مثل امه ماصدكتي انتي وامج بسرعة طبعا فرصة خو مايطير منجن
عمر:ماتتغيرين ابد ياسمين البارحة سألتيني كتيلي ليش هذا جوابي كدامج
ياسمين:رحت بغرفتي وبقيت ابجي بس بعدين صفنت ليش انطيها فرصة سبحت وتمكيجت وعمو سوه عشاء بمناسبة رجعة مياسه راح يتقسم الاسبوع بياتهن وبدون مشاكل وحده مالها علاقه بثانية اجوي كرايبهم سڤانة وشلتها
سڤانة:البارحة لو تعرف عمر منو شفت بلمطار
عمر:منوو
سڤانة:نورا وزوجها
سڤانة :لج عيني فاتن زوجها يخبل تكولين ممثل تركي
عمر:باي مطار شفتيها
سڤانة:بغداد ويه رحلتي
ياسمين:منو نورا؟؟؟؟؟؟؟