دكتور اياد:طلاب بعد ربع ساعة ويخلص الوقت ياريت تستعجلون،الو دكتور عمر ياريت تجيني لشعبة (ج) شعبة (أ)محتاجيني اكون ممنونك
ياسمين:لاياربي ليش هيج اني مااريد اشوفه ولااحجي وياه الله ينتقم منكم شعبة(أ)
دكتور اياد:ياسمين ويامن داتتبسبين عينج بورقتج
ياسمين:اسفة دكتور دارجع الاجابه بيني وبين نفسي ماانتبهت
عمر:صباح الخير ،شلونك دكتور
دكتور اياد:صباح النور بخير الحمدالله وطبعا ارجو المعذرة بس خبصوني الشعبه الثانية بس صاير عدهم لبس بالاسئلة اوضحه الهم وارجع
عمر:لاولايهمك دكتور اخذ راحتك، شلونكم طلاب شلونها الاسئلة
الطلاب(1):استاذ صعبة ومطولة
الطلاب(2):لااستاذ سهلة وبيسطة
الطلاب(1):لاوالله استاذ صعبة بس اكو جماعة اجامل الدكتور
الطلاب(2):لاوالله بس انتو الي ماتقروون ومعتمدين علئ الغش
عمر:اشش كافي عيونكم بااوراقكم بعد5دقايق واسحب الاوراق
ياسمين:لازم اطلع قبل لايخلص الوقت لانو القاعة شبه بدأت تطلع واذا ابقئ راح يحجي وياي ياربي لازم اسلمله الورقه لا ادزها بيد نور
ياسمين:نور حبيبتي
نور:هاعمري محتاجة شي
ياسمين:اي ورقتي سلميها لدكتور عمر
نور:اي حياتي تدللين بس اوكفي خلي اساعدج حتئ اطلعين جيبي اشيل عنج الجنطة
ياسمين:لاحبيبتي خفيفة ميحتاج تسلميلي
نور:تفضل دكتور هاي ورقتي وورقة ياسمين
عمر:ماشي
ياسمين:الحمدالله ارتاحيت اخذها بدون ميباوعلي او يسوي شي
نور:يله حياتي تعالي نطلع
ياسمين:اي عمري،بداخلي كأنوطالعة من حرب
نور:تحبين نبقئ بلقسم لونطلع للنادي
ياسمين:بكيفج
ايلاف:هلو بنات شلونكم،هلو ياسه الف مبرووك علئ الخطبة تستاهلين كل خير حياتي
ياسمين:الله يبارك بيج كلبي يوم الالج نفرح بيج تسلميلي،بعدها طلعنا للنادي ومحاضرة وراه محاضرة يعني مجان اكو مجال نهائي انو نتشاوف رغم مريحني هل شي بس بالي مشغول علئ غسق حتئ الامتحان مادخلته ومشفتها بعد خلص الدوام وطلعت داانتظر بابا كالعادة ياخذني من الكلية
نور:ياسمين اشبيها غسق اشو شفتها تبجي وحالتها مبينه موزينه خيرصاير شي
ياسمين:ياالله هاي شجاوبها هسه ،ماا
عمر:ياسمين
نور:يله حبيبتي باي بعدين نحجي
ياسمين:شيخلص هل يوم مو كالو عدهم صخام اجتماع شطلعه هذا،ماشي كلبي الله وياج
عمر: حبيبي شلون صرتي جاوبتي اليوم؟
ياسمين :الحمدالله اي جاوبت
عمر:راح اخابره لعمو واكله لاتجي نطلع نتغدئ باي مكان يعجبج وارجعج
ياسمين:لاتسلم بس مالي مزاج لطلعة اريد ارجع انام تعبانة خليها غير مره
عمر:ماشي زين اني ارجعج مو الا نطلع يله امشي
ياسمين:عمر رجاءا مالي مزاج لشي واصلا بابا علئ اي لحظه يوصل وياريت تبتعد مااريد احد يشوفنا سوه لان طولت بوكفتك وياي
عمر:باجر كل الجامعة راح تعرف صرتي الي مفهوم
ياسمين:ماشي،راح بس اعرف ضوجته بزايد بس اني مو بحال افكر لابي ولابغيره
ابوياسمين:ها حبيبي طولت عليج
ياسمين:لاياروحي بلوقت المناسب
ابوياسمين:نسيبي وين
ياسمين:عندهم اجتماع
ياسمين:طول الطريق بالي مشغول بغسق ومدااكدر انسئ كلامها فتحت النت مخلص اشتراك النت وتلفونها مغلق
ام ياسمين:ها هلا عيوني الله يساعدكم
ياسمين:الله يساعدج حبيبتي
ابوياسمين:ويساعدج فطم عسل اجتي
ام ياسمين:اي داصلي يله استعجلو حتئ اصب غداء متنا من الجوع
عسل:خير ياربي شو مبوزه شصاير
ياسمين:وراء الغداء احجيلج لانو كوه مسيطرة علئ نفسي بس اريد ابجي
عسل:خاف الحيه فاتن مضوجتج
ياسمين:لا شجابها يمي ،غسق عرفت كلشي وواجهتني بكلشي
عسل:وشنو يعني ليش مقهورة مو انخطبت وانگلعت
ام ياسمين:يله بنات صبيت ترئ تعالو
ياسمين:اي ماما،هسه خلي ابدل واحجيلج كلشي صار
عسل:والله متاكدة ماكو شي يستاهل بس انتي كالعادة دراما كوين
ياسمين:انجبي بله،لج حاظرتني من كل المواقع
عسل:والله لو اعرف اهلهل غير جان طكيتج بوحده مصرية بس للاسف مااعرف
ام عمر:ياهلا نورت بغداد حبايبي بيكم
علي:ياروحي والله مشتاقلج بنورج ياغالية
مينا:تسلمين حبيبتي عمه بنوركم
مياسه:هل مره طولتو بجيتكم يله اجيتو
علي:اي والله ام تيم عدنا متعلقات جانت،صدك تيومي وين
مياسة:نايم بعد شوية يكعدلكم لاتخافون
ابوعمر:ياهلا بااسدي الحمدالله علئ سلامتكم حبابيبي
علي:حبيبي حجي الله يسلمك شلونك شلونها صحتك
ابوعمر:والله علئ الله الحمدالله شلونج مينا شخبارج تدرين مشتاقلج اكثر من علي
مينا:حبيبي عمو الحمدالله ماطول انت بخير احنا بخير تشتاقلك العافية
علا:السلام عليكم ,الحمدالله علئ سلامه حبايبي
علي:ياروحي انتي لولو الله يسلمج اوووف احلئ حضن مشتاقلج
علا:موبكدي والله ،مينووو بوسة بوسة
مينا:حياتي تعالي بنيتي الصغيرة لولو
مياسة:امممم اشتغلت اللواكه😒
مينا :صدك عمه شلونها خطبة عموري احجولي لوتدرين شكد انقهرت لان ماموجودة جنت بس ماشاء الله خطيبته حلوة ولايكين لبعض كولش حبيت😍😍
ام عمر:لااذكريني فدوة لكلبج ماصدكت فرحت بجيتكم ونسيت كسرة الخاطر ومركزنا كدام العالم وجنت اني الينضرب بيه المثل بچنايني عمر افندي هيج يسوي بيه
مينا:سلامة كلبج عمه ليش هيج،البنت شنو بيها لاسامح الله
ام عمر:كولي شنو المابيها مااعرف منين ابدي منين انتهي
ابوعمر:فاتن،كافي البنية صارت بنتنا وچنتنا والولد حابها ورايدها
ام عمر:ديربالك تكول چنتنا الله لايكولها ان شاء الله ازمة وتعدي اني اعرف عمر فترة ويمل
ابوعمر:لا فاتن عمر مرتاح ويه البنية ويريد يبني عائلة البارحة جان يسولف وياها شفته كلشي بي فرحان واني اهم شي سعادة ابني وهل زواج راح يتم واي شي يبدر منج ماتلومين الا نفسج صدكي وهاي كدام ابنج وبنتج وچناينج حتئ يكون عند الكل علم مفهوم فاتن
عمر:السلام عليكم
علي:وعليكم السلام حبيبي عريسنا الغالي
عمر:حضنته كل قوتي فرحتي جانت ناقصه لان انت ماموجود حبيبي الحمدالله علئ السلامة ،مينا شلونج الحمدالله علئ السلامة مكانج خالي جان
علي:حبيبي الله يتمملك علئ خير ونعوضك بلعرس نحركلك الجو
مينا:ابو خطاب اكيد مكاني خالي اعرف هههههه المهم فرحتكم انتو تخبلون عمر انت وخطيبتك شسمها نسيته
عمر:ياسمين والدلع (ياسه) تسلميلي بس انتي وعلا رفعتو معنوياتي
ام عمر: ياسه المعاقة
عمر:😏
ابو عمر:😡فاتن وبعدين
ام عمر:هههه اشبيكم علئ نفس الوزن والقافية ياسه المعاقة
عمر:اني صاعد ابدل مااتأخر
علي:ماما ليش هيج سويتي صدك جذب هيج اسوين بي كدامنا
ام عمر:يستاهل بس فهمني شناقصه واختارها ولحد يقنعني ويكلي يحبها يجوز يقنعك يقنع ابوك اخوك علا الهبله الا اني مستحيل
علا:نبع الحنان شكرا علئ التاك
ام عمر:يله كافي سدو الموضوع هذا اليسد النفس خليني افرح بعائلتي وولدي بحضني هذا الشي يسوئ الكون،مياسه وينه رجلج خابري شوفي وين صار
مياسه:اي خاله هسه دااخابر ،اسر:الو هلو مياسه اني بطريق بس شويه ازدحام اذا جوعانين اكلوا انتو يله حبي باي
افل:ههههه سويتني ازدحام
اسر:شسوي اريد اخلص منها
افل:باجر تجي لو هم تضربني بوري مثل البارحة
اسر:لامااتوقع باجر عيد زواج ماما وبابا وعلي ومينا اجوي اكيد اكو عزيمه
ام عمر:علاوي الدولمه اني لفيتها ماخليت احذ يتقربلها اكل انت ضعفان حيل
علي:عاشت ايدج والله كولش طيبه،تعرفين هناك البشر اله يلحك ياكل يلحك يشرب
ام عمر:اي بس المفروض من ترجع مينا اسويلك اكله دسمه تعوضك عن اليوم كله
علي:ماما ارجع الساعة8بليل لو7 تريديني اكل تشريب لو تمن مااصدك الزم المخده يااكل ياشرب
مياسه:صدك مينا شلون تخلصين وقتج هناك
مينا:اكعد الصبح ارتب البيت واتريك وعندي جيم اروحله3مرات بالاسبوع ونطلع اني وصديقتي زوجها ويه علي هم نسوك اروح للسينما وهكذا ارجع احضر شي خفيف لعلي علئ العشاء والتركي و Netflix ساترين عليه
مياسه:لو عندج طفل جان كمتي تبجين ذني كلهن ماتكدرين اسويهن مثلي تيومي مااخذ كل وقتي اكلج صدك ليش لحد الان ماصرتي حامل صارلكم5سنوات قبلنا انتو مزوجين
مينا:بكلبي نار اشتعلت وكوه سيطرت علئ دموعي الله ماكاتبلنا بعد ان شاء الله باي لحظه يصير
ابو عمر:ان شاء الله باباتي خليكم متونسين بزواجكم لااطفال ولادوخه راس علئ يوم منحس نفرح بيكم
علي:امين
مينا:يارب
اسر:السلام عليكم ولو يكولون الاكل ماعليه سلام شلونك علاوي الحمدالله علئ السلامه شخبارك ميناااا شلوووونج ولج مشتاقين يابه
علي :وعليكم السلام حبيبي تعال يله بعدها بااولها الله يسلمك غسل وتعال
مينا:اني الاكثر يابذاته دااغلط واسأل فديوم
اسر:اي والله حقج اني مقصر الاكل ريحته تخبل فتون عاشت الايادي بس ليش هل تفرقه اليوم لان ابنج الجبير هنا
ام عمر:ليش ولك يوميا مااطبلخكم اليسمعك موتتكم جوع اي طبعا هذا علاوي بچري ورفعة الراس
اسر:هم كالوها الوسطاني دائما مظلوم
ام عمر :ياعيني
ابو عمر:صدك ماطول كلنا مجمعين باجر قررت انسوي عزيمة ونعزم انسابتنا وبيت رحمن وبيت رحمة اليوم وصلو البغداد عزمتهم علئ العشاء ماقبلو كالو اريد مسگوف علئ الغداء باجر
ام عمر:ماشاء الله حاسب حساب اهلك ونسابتك واهلي؟
ابوعمر:اللهم طولج ياروح هي بنت خالتج سڤانه وبناتها اكيد يجون انتي تعزميهم العفو منج فاتن خاتون
ام عمر:الاكل يجي من برا احسب حسابك لابيه حيل اطبخ واوكف
ابو عمر:ماشي حددي الاكل واني اجيبه
ياسمين:لج عسل شلون بغسق والله مدااكدر انساها
عسل:اوووف ترئ والله مليت من اجيتي من الدوام لحد الان غسق ماغسق باجر هي تحجي وياج واذا ماحجت بطكاك درب يسد مايرد
ياسمين:اعوذه متعرفين شنو يعني صداقه وعشره عمر مااكدر
عسل:علئ طاري عشرة العمر شلونه نسيبنا
ياسمين:اوووف اذكريني هذا هم بوحده🥺
عسل:ياسمين ازعلي ويه الدنيا كلها الا عمر لج بابا سوه المستحيل علمودج
ياسمين:لااذكريني من غير شي تأنيب الضمير مدمرني اليوم خطيه شكد حاول يلطف الجو وعزمني نطلع بس اني قفلت وضوجته بزايد
عسل :بابا انتي بومة مو بيدج والله تحبين البجي والقهر انتي مياخذوج بمسلسله خليجية والله تاخذين جائزه احسن ممثلة
ياسمين:دانجبي انجبي اش هذا عمر
عمر:الو هلو حبيبي
ياسه😍الو هلو بيك شلونك
عمر:مشتاقلج
ياسه:شكرا
عمر:لاوالله
ياسه:بس دااكتبلك شي اقرا
عسل: خل اشوف خل اشوف شكتبتي
ياسه:كتم امشي اطلعي اصلا واكفه ع راسي شكو امشي
عسل:ما ما
ياسه:مشتاقتلك حبيبي واني اسفه ضوجتك اليوم 😘
عمر:هههههه زين ليش اكتبيها ليش ماتكوليها وخصوصا البوسة صدكي بوقتها اجتي يله افتحي كاميرا والله مشتاقلج
ياسمين:عسل موجوده مااكدر استحي😊
عمر:هههههه ماشي حبيبتي باجر عدنا عزيمه بيت عمي وعمتي واهل مياسه وزوجة اخويه الثانية باجر تتعرفين عليها وراح تحبيها متأكد وانتو اكيد باجر عيد زواج اهلي وحبينا ننجمع كعائلة
ياسمين:الله يحفظهم يارب ويديم الحب بينهم اشوف اهلي وارجعلك خبر
عمر:ماشي احبج تسلمين يوم الالنا كل سنه احتفل بهذا اليوم وعد
ياسمين:♥️
ياسمين:ماما بابا باجر بيت عمر عازمينا عيد زواجهم الاهله وبس الاقارب معزومين
ابو ياسمين:اني اوصلكم وارجع بابا ومن تخلصون خابروني واذا كدر عمر يوصلكم بعد احسن
ياسمين:تمام
عسل:شراح نلبس
ياسمين :محتارة،خلي نام والله كريم
ياسمين:راح البس الكيلوت البيجي وهذا القميص الابيض الي بظهره ورده سمائي حلو مو
عسل:اي حلو وشال?
ياسمين:راح البس لون غريب بيج ع ابيض علئ كراميل حلو وحذاءرياضي ابيض وانتي
عسل:عجبني هذا الفستان الزيتوني وياه الشال الاسود رسمة عيونج الجنن الكحل يبين لونهم هسه فاتن تجلط
عمر:وين صرتو حبيبي
ياسمين:بعد شويه ونطلع حبيبي
ام ياسمين:هاي الجبه حلوه,ابو ياسمين تخبل عليج
ام ياسمين :سويتلك تشريب دجاج وثردلك انت بس صب والجاي خدرته الك بترمز هم بس صب والخضورات بالانجانه الصفراء ع سنك والبصل تندل مكانه اذا تريد
ابو ياسمين:عاشت الايادي
ياسمين:طلعنا حبيبي
عمر:هلا بيكم ومنتظر علئ احر من الجمر 🔥
ياسمين:😊
ام ياسمين:هذا بيتهم علي متاكد والله حلو
ابو ياسمين:اي هذا فاطمة انتي بيت العالم مااريد اوصيج امهم تريدلها زله لاتفشلينا كدام العالم وخصوصا عدهم خطار
ام ياسمين:ان شاء الله
ياسمين:نزلنا اجه عمر دخلنا اني وياه سلمت علئ عمه كولش ينحب وزوجته بقت تباركلنا وعمته كذلك من اول مره حبيتها
عمه عنده3ولد بعمر عمر وواصغر وبعمري وعمته عدها بنية وحده وعايشه بلخارج
علا:اشرقت وانورت بوستني وبوست ماما وعسل ىشاورتني اليوم كلها علمودك حاضره ياجميل
ام عمر:اهلا وسهلا ام ياسمين ياهلا بچنتنا التخبل
ام ياسمين بلمهلي عيني اهلابيج
عمر:تعالي وياي اعرفج هاي مينا ومينا هاي ياسمين
مينا:هلو حبيبتي اتشرفت بيج شنو هل جمال شنو هل اناقه تخبلين حياتي سبع سعادات يارب
ياسمين:البنية حضننتي كأنو تعرفني صارلها سنين اليه الشرف حياتي عيونج الحلوة تسلمين ربي يحفظكم
مينا:تعالي اعرفج علئ امي
ياسمين:اي اتشرف
مينا:ماما هاي خطيبه عمر شوفيها شلون حلوة
ام مينا:اهلا وسهلا حبيبتي تخبل الله يسعدكم يارب
ياسمين :الله يحفظج خالة تسلمين
ياسمين:مياسه اهلها مجايين بس بودها تاكلني ،تغدينا وطبعا عمه فاتن اكيد الف بسمار شمرت وكوه اهدئه بماما وعسل
عمر:تعالي
ياسمين:وين
ياسمين :شالني وصعد بيه للطابق العلوي،عمر نزلني عمر وين ماخذني عمر عمر دخلنا لغرفه بيها غرفة نوم تركيه ومكتب وشهادات مالته وكلشي يحبه
عمر:اني زعلان صالحيني
ياسمين:زعلان من شنو
عمر:البارحة زعلتيني
ياسمين:صح واعتذرت
عمر:اعتذري بطريقه ثانية
ياسمين:عمر خلي ننزل هسه احد يدخل علينا منظرنا محلو يصير
عمر:اشش
ياسمين:عمر كافي خلي ننزل
عمر:ياسمين اتفاعلي وياي ترئ ميصير هيج اني زوجج شرعاً بتلفون خجلانه هسه قافلج الباب وبس اني وياج وخجلانه
ياسمين:عمر مامتعوده والله استحي
عمر:انطيني فرصه واني اعودج
ياسمين:صدك اتفاعلت وياه خصوصا الجو شتاء والجو رومانسي بعدين نمت علئ جتفه كلي تعبتي اليوم دانسولف اندك الباب طلعت علا:بابا يكول يله راح يقطعون الكيكه
عمر:نازين روحي
ياسمين:يله كولش عيب ترئ يله ننزل
عمر:بس تريدين تفلتين تعالي
ياسمين نزلنا بعد معاناة بعد مالبست الشال وجددت الحمره
عسل:عليج الله شسويتو اكيد حاجات قلة ادب😂
ياسمين:وين ماما ،لاتخافين ماحست بشي اختج رتبتلج الوضع بس وجهج صاير طماطه
ياسمين:صدك الحمدالله
ام عمر:صدك ماعرفتكم ع بطل الحفله ياسمينا چنتي المعاقه الي مجبوره عليها حتئ بااحلئ يوم بحياتي اريدكم اسلمون عليها بس خلي تكعد لانو من توكف فضيحة
عمر:قسماً بالله اذا مااسكتين تشوفين شي حياتج كلها مشايفته
ياسمين:ماما اسكتي وخابري بابا بسرعة
ام ياسمين:ولج خلي اروح اكفشها من كفشتها الصفراء اذا سكتت عبالها راح نموت ع ابنها
ياسمين:لالخاطري
عمر:طبعا الي سمعتو هذا رأي امي وحدها اما اني الله رزقني بملاك حبيبتي وزوجتي ولو الف مره يرجع بيه الوقت اختارج حبيبتي الاستثنائية بس جمال عيونها سبب يخلي الف شاب يركع كدامها احبج ياسمينتي الئ اخر نفس بيه
ياسمين:مااعرف شرد بس دموعي تجري ماصدكت سمعت صوت الهورن مالته مثل الطفلدالمضيع امه بسوك طلعت بدون مااسلم حتئ وحضنت بابا وابجي اخذني منا بسرعة بعد مااتحمل
أنت تقرأ
ياسه|YASA
Storie d'amoreهذه الراوية مستوحاة من قصة حقيقية لفتاة من ذوي الاحتياجات الخاصة وكيفية زواجها من الشخص الذي احبته ورفض امه وكرهها لها لتبدأ رحلتها في حياتها الجديدة.
