عمر:زميلتي جانت بلجامعة
ياسمين:اها حلوو واحد يسمع اخبار زملائه بعد التخرج،خالة تعرفيها؟؟
ام عمر:اي شفتها كم مرة
سڤانة:فاتن تموت عليها حتئ اسألي عمر
عمر:خالة سمعتي بلخبر الحلوو اكيد ياسه حامل
سڤانة:اي حبايبي الف مبروك بس عمر مواستعجلتووا
عمر:لابلعكس هذا رزق من رب العالمين
سڤانة:يعني اني اكول لو مراجعين اطباء ويعني سألين ومتطقسين
ياسمين:عرفت قصدها بس سكتت
عمر:لاميحتاج ماعنده شي الحمدالله
ياسمين:اني اترخص لان عندي امتحانات وقراية صحة وعافية
ياسمين:غسق دزيلي الملخصات العندج
غسق:تدللين
ياسمين:بقيت اقرا للصبح جان الامتحان صعب كلش كعدت عمر وبدلت وتريكنا بس حيل مالي خلك
ياسمين:عمر لاتفتح تدفئة يصير عندي غثيان
عمر:خاف باردة عليج حبيبتي
ياسمين:لا لابسه هواي لاتخاف
عمر:لاتتوترين حبيبتي هو مجرد امتحان صحتج اهم شي عندي
ياسمين:ست ندئ اسئلتها صعبة ومركزة
عمر:بس تنجح واساعد لاتهتمين
ياسمين:امتحان باجر اصعب😂😂
عمر:لاتخافيين اجيبلكم اسئلة سهلة
ياسمين:مااتوقع شرحك شي واسئلتك شي ثاني
عمر:لابله 😏
ياسمين:وحقنة ونحس واتقطر علينا الدرجات تقطير
عمر:هاي كلها بيه وهذا رأيج لو رأي الكل
ياسمين:لا بصراحة رأيي الاغلبية واكيد رأي هم
عمر:رأيج هم وهذا الرأي بعده لوتغير
ياسمين:لاطلعت لطيف وكيوت وتضحك تصور،هاي فرصة ذهبية انو طالب يعبرعن مشاعره الحقيقية لدكتوره
عمر:مشاعر نبيلة الحقيقة اتحفتيني بيها😂😂
ياسمين:غسق غسق هاي غسق
عمر:ياسمين اشبيج وكفتي گلبي
غسق :صباح الخير حبيبتي
ياسمين:صباح النوور گلبي تعالي عندي الج خبر حلوو
غسق:يالله كولي شكوو حمستيني
ياسمين:راح اصيرين خالة بعد كم شهر
غسق:كولي والله كولي والله
ياسمين:والله والله
غسق:ايييي ياييييي حبيبتي حضنتها من كل گلبي ياسه شنو هل خبر اليخبل هذا،شوكت عرفتي
ياسمين:البارحة
غسق:ياربي شنو هل خبر شنو ردة فعل عمراووه انسئ دكتور عمر،وشنو ردة فعل خالة وعموو وعسل
ياسمين:طايرين من الفرح كلهم والله
غسق:الله يتمملج علئ خير ياروحي انتي،بس باعي لاتكولين لاي احد بلكلية انتي حامل والله ياسه عيون الناس ماترحم حبيبتي
ياسمين:اني ماامن بهيج امور هو رزق ربج،بس لخاطرج مراح اكول لاحد
غسق:يله ولج بعد10دقايق راح يبدي صخام ندئ
ياسمين:كملت امتحان وطلعت هم وانزاح علئ كلبي
دكتورة ندئ:ياسمين ياسمين
ياسمين:نعم دكتورة
دكتورة ندئ:الف مبروك ياسمين سمعت خبر زواجكم انتي ود عمر،بالتوفيق ان شاء الله
ياسمين:الله يبارك بيج دكتورة ،تسلمين
عمر:حبيبتي شلونج جاوبتي
ياسمين:اي زينه
عمر:عمري مااكدر اطلع عندي تصحيح ،بس خابرتلج واحد من الولد راح ياخذج،وخاف امي اتزعجج اتجاهليها لخاطري ماشي حبيبتي
ياسمين:ماشي حبيبي
ياسمين:رجعت بدلت واكلت وصليت الحمدالله مالكيتها رايحة هي ومياسه لبيت اهل مينا
ام عمر:مينا شو جايه وحدج وحتئ مااجيتينا خير
مينا:راح اسألج سؤال واحد بس اريد جوابه
ام عمر:نبرة صوتج محلوة ،بس ميخالف راح اعديها الج اسألي
مينا:ابنج ليش مايروح يتعالج صارلنا سنين
ام عمر:حجيت وياه وكال راح وماعنده شي الخلل اكيد منج
مينا:فوكاها ههههه والله زحمتي نفسج سبحان الله الاسبوع الفات علي جان وحده بلبيت واني جنت بلسوك رجعت دامشي لكيت الحديقة الخلفية المي بيها مفتوح فسديته ودخلت من الباب مال الحديقة للبيت جان يحجي وياج ومخلي الموبايل علئ السبيكر كلج انو مدايتحمل اكثر وداينقهر عليه وهو يعرف انو السبب منه وانتي تكليله خليها والرجال ميعيبه الا جيبه ووين الكه مثله،سنين واني متحملة اهاناتج وذلج وقهرج وتعييرج كل مااشوفين وحده حامل وسممتيني بلحجي والبسامير انتي شنو من بشر
فاتن:وهسه شتريدين
مينا:اطلك ومااريد اشوف خلقة اي واحد بيكم
فاتن:انتي الدفرتي الجنة العايشه بيها بيدج طول عمري اكول مينا العاقلة الرزنة بس مو وجهة نعمة
مينا:جنة جنتيش لج جنت اخذ بهل ادويه وارجع ليوراه كدام عيونكم وغير عمليات التلقيح والانابيب والالم وخيبات الامل ومتحملة وساكته ابنج جان حاسبني مثلي مثل اي قطعة اثاث بلبيت حاير بااحلامه وطموحه ولاداري عندي واني الاكتئاب دمرني والهرمونات ومتحملة الغربة والقهر والكسرة حسبي الله والنعم الوكيل بيج وباابنج
فاتن:ههههه لاوالله كل هذا متحملته قهرتيني جنتي عايشه برفاهية لو تموتين محد يعيشج ياها وتريدين اكسر باابني علمودج ،اصلا اني جنت مقهورة عليج ولاهو جان ناوي يزوج عليج من زمان ويرجعج يم امج
مينا:شيزوج شيزوج نسبته صفر شفت تقاريره كلها وقسماً بالله اذا مااطلكت افضح ابنج فضيحة واي بنية تخطبيها افضحكم يمها ويله اطلعي انتي وچنتج من بيت امي يله
فاتن:ماشي مينا يصير خير
ياسمين:نمت وكعدت سويت عصرونية لنفسي فواكة رمان،برتقال،تفاح قطعتهم اشكال واكلتهم
فاتن:شو انتي لاشغله ولاعمله تبقين هيج
ياسمين:لاخالة اني اسفة بس والله لان عندي امتحانات
فاتن:احد كلج ازوجي وانتي بعدج طالبة
ياسمين:لاحول ولاقوة الابالله بكلبي شنو تحبيين اسوي
فاتن:سوي العشاء وها اريده نواشف
ياسمين:ماشي
علا:اني ماعندي شي خلي اساعدج
فاتن:لا لا اليوم اريد اجرب اكل چنتي الجديدة
ياسمين:😒😏سويت كباب عروك وطماطه وبتيته وكبة ومعكرونة بلبشاميل وشوربة عدس علئ الطريقة التركية
بس شنو من الوكفة ظهري انقسم وغير كل شوية انجوي بلدهن وبعدها طلعت طرشي احمر وسويت زلاطه خس ولهانه وخضرة وسويت نوعين مقبلات وسويت فيكات وحركات نفس مال المطاعم يعني الاكل شكله يشهي كلش وصورته ودزيته لكروبنا اني وعسل وخالاتي
ياسمين:اتفضلو علئ العشاء
ام عمر:جان خليتي سحوور
ياسمين:بودي اشيل المواعين واركعها براسها والله لان گوه متحمله ريحة الاكل استغفر الله وظهري انقسم وبعدني مقارية ولاكلمه من امتحان باجر
ابوعمر:عاشت الايادي ياسمينا الاكل شكله يخبل
علا:فدوة هذا سويتي كله انتي اكيد يجنن
مياسة:اني مسويه دايت مااكدر اكل
ام عمر:هاي شنوو الشعرايه بلزلاطة اووي،وهاي الطماطة ليش تنگط دهن هيج خلي اجرب العروك بالله استغفر الله معجن ومالح
ابوعمر:فاتن اكلي فنگر اكلي گبه معكرونه شوربة الاكل كل طيب عاشت الايادي بنيتي
ياسمين:الف عافية عموو،خالة تحبيين اسويلج غير شي
ام عمر:يمعود شنو اني مراهقة اكل فنگر ومعكرونة،لالا عود كلت خلي اشوف طبخج لاعيني لاهاي اخر مره الاكل موصحي ولاشي انسدت نفسي
ياسمين:شمرت الخاشوگه وكامت ادردم بينها وبين نفسها بس عمو فدوة الكلبه وعلا ماكسروو خاطري اكلوو وبقوو يمدحون بااكلي،بهاي الاثناء دخل عمر بس شافته اجتي جانت علئ جهتي صينية بيها كلاصات كزاز ضربت ايدي فخفت خاف اوكع وكعت الصينة وانكسرت الگلاصات
ام عمر: وفوگاها عصبية وتكسرين مو هوبيت الخلفوج ماطول حرمتيني من العشاء وكومتيني بهل طريقةالاتنظفين المطبخ وتغسلين المواعين اريده يلمع لمع افتهمتي وتلمين هذا الگزاز شنو هل صلافة ادبسز
عمر:شصاير شكو اشبيج وياها شكو ياسمين
ياسمين:اني بقيت مصدومة ودموعي تجري مااعرف شنو ارد ولااعرف احجي
ام عمر:اني اكلك عود كلت خلي اشوفها وانطيها فرصة وافتح وياها صفحة جديدة كتلها كومي سويلنا عشاء وكتلها الدنيا ليل اريد خفايف سوت علئ مزاجها نواشف تنگط دهن ومعجن العروك والزلاطه مونظيفه وبس كتلها ليش اكلتني وشربتني وكسرت الموجود يمها شايف هيج صلافة واخلاق سزز
عمر:انتي اصلا شلون تگوليها كومي سوي عشاء
اولا احنا كعائلتنا مامسوين هو ستاف المطبخ والبيت يسوون
ثانيا:ياسمين حامل وماتكدر توكف ومسويتلج اكثر من نوع ومعاجبج
ثالثا :عدها امتحانات وقلق ولازم كاعدة تدرس هسه
ام عمر:ها هذا الهمك هسه بس انورفعت صوتها وكسرت ميهمك واخلاقها
عمر:ياسمين بسرعة للغرفة ولااطلعين ابد،دقيقة
ياسمين:شالني وعبرني مكان الكزاز ودخلني للغرفة علئ جرباية كعدني وسد الباب وطلع
عمر:يعني انتي هسه يهمج الكزاز وصوتها موو
ياسمين:مااسمع بس صوت التكسير والصياح متت من الرعب والخوف وبس ابجي وكمت ارجف كمت فتحت شويه باب الغرفة عمر ماخلئ شي بلمطبخ ماكسره
عمر:تريدين بعد ادب واخلاق لو هذا يكفيج
ياسمين:شفته جاي ع علئ الغرفة طبگت الباب ورجعت كعدت فتح الباب بس يلهث ووجهه طماطه والاعصاب تريد اطك بركبته
عمر:اكعدي اقري وبلا بچي كافي
ياسمين:انت ايدك داتنزف ماشي بس ايدك داتنزف 😭😭😭😭
عمر:لاتخافين جرح بسيط بس اكعدي اقري هسه ولااطلعين ابد بره كزاز هوايه
ياسمين:كعدت اقرا بس بالي بغير عالم وارجف اريد اسيطر علئ شفتي مااكدر ارجف كلي ودموعي مثل الشلال يالله دخيلك شسويت اني بشنو غلطت وياها فتحت التلفون لكيت ماما وخلاتي وعسل يصنفون ويضحكون علئ الاكل وناس تكلي شنو راي عمر وناس تكلي رأي فاتن صفنت سديت التلفون وكعدت اقرا بس شنو الم راسي دمار
عمر:هم عندج الم شي
ياسمين:لاماعندي شي
عمر:تعالي اكعدي
ياسمين:عمر والله ماسويت
عمر:انسي كلشي هسه جيبلي الكتاب
ياسمين:شرحلي كل المواضيع بكل هدوء ووتركيز ولاعبالك قبل شويه قامت الحرب العالمية الثالثة
عمر:راجعي شويه هسه اجيج
ياسمين:تمام بقيت اراجع وبالي صفئ ودماغي انفتح
ابوعمر:شلونها ياسمين هسه
عمر:الحمدالله داتراجع عندي اهم شي امتحاناتها وصحتها ،تصبح علئ خير
ابو عمر:وانت من اهله
ياسمين:جابلي حليب دافي وصمونه وكعد يثردلي بلحليب اكلت وهو شرب بندول وكلي يله غسلي ونامي ، وانت ما تأكل شي
عمر:لامااشتهي اكل اريد انام
ياسمين:بس انت مااكلت شي شلون راح تنام علئ معدة فارغة
عمر:اني مااريد ياعيني نامي يله غمضي عيونج
ياسمين:بقيت اقرا ايات صغيرة حتئ اهدئ وراسي يخف المه لحد ماغفيت
عمر:ياسمين اكعدي يله مابقئ وقت يله ياسمين
ياسمين:كعدت،صباح الخير حبيبي
عمر:صباح النور غسلي وبدلي يله
ياسمين:غسلت وبدلت بنطلون اسود وبلوز هاينك لونه جوزي وعريض وطويل وشيله سوده ومكياج خفيفBBكريم وثبته بباودر ومورد خدود مشمشي وماسكاره وحمره نيود وبس
عمر:ياسمين حضري ملابسج من الكلية اوديج يم اهلج ويله استعجلي شويه
ياسمين:گلبي راد يوكع 🥺🥺ليش
عمر:استعجلي راح اشغل السيارة يله
ياسمين:حضرت ملابسي وفكرة اجيبني وفكرة تاخذني معقولة بسبب البارحة بس والله اني مظلومة شلون هيج يسوي بيه حتئ ماسمعني او خلاني احجيله ،وبابا وماما شنو اكلهم ياربي
عمر:خليهم ليوره اجي اساعدج
ياسمين:لاتسلم وكعدت اراجع بس عقلي مو يم الاقرايه ابد،نزلت اجتي غسق
غسق:صباح الخير دكتور،صباح الخير ياسه
عمر:صباح النور غسق،ديري بالج عليها
غسق:دكتور شلونها الاسئلة ،والله ميتين خوف
عمر:لاسهله لاتخافون القاري يجاوب
غسق:ياسمين شكوو
ياسمين:ماكوشي ليش شكو
غسق :وجهج ليمونه صايره وعبالك مصدومة صاير شي
ياسمين:لا لا بس تعرفين بديت اتوحم وهاي الامور
غسق:الحمدالله خوفتيني يمعودة،عمر ماكلج شنو المهم شنو الي لازم نركز عليه
ياسمين:لاوالله اصلا البارحة جان شويه راسه يوجعه ماله خلك فحتئ مأسألته
ياسمين:دخلت القاعة الامتحان والطلاب كلهم يباعولي بنظرات اكيد عدها الاسئلة وناس تبسبس عود جايه تمتحن وكذا اكيد راح ينجحها بعد زوجها،اجتي الاسئلة زينه بس اكو كم سؤال جايبه عبارة عن واقعه وبيها كم سؤال جاوبت الب اعرفه والباقي كتبت من يمي ماتركت شي فارغ
عمر:شلونج شخبارج شلون جاوبتي
ياسمين:ليش راح تريد تودينيني لبيت اهلي اسمعني بالاول
عمر:لان احسن وهذا مو مكان نحجي بي امشي للسيارة
ياسمين: صعدت بسيارة يله احجي اسمعك ليش كلي ليش
عمر:امي راح تبقئ اتزعجج احسن الج تبقين فترة هناك
ياسمين:بس انت ليش تقرر عني
عمر:ياسمين لان احسن وخلص انتهئ النقاش ونقطة خليها بالج كلمتي مااصير اثنين مفهوم
ياسمين:واني شنو لاشي ماعندي رأي ماعندي شخصية
عمر:يله يله انتي ماتريدين اليوم تعدين الموضوع الظاهر
ياسمين:انت شنو هل اسلوب هذا منو الي غريب من الصبح اليوم اني لو انت
عمر:علمود مصلحتج حبيبتي اسمعي كلامي مره ولاتناقشيني
ياسمين:عمر اني مو طفلة كدامك ماشي يعني من تريد تاخذ قرار لازم اني اعرف ونتناقش ونوصل لحل يرضي الطرفين
عمر:ماشي ياسمين
ياسمين:انت بس تريد اسكتني لو شنو
عمر:اللهم طولج ياروح شتريدين شتريدين ياسمين
ياسمين:ليش راح توديني لااهلي
عمر:حتئ مايتكرر يومياً الصار البارحة لان امي واني اعرف بيها هسه ارتاحيتي
ياسمين:وصلنا لبيت اهلي واني افكر بعذر مقنع لان مستحيل احجيلهم علئ الصار
ام ياسمين:ياهلا شلونكم هاي جيتكم من الكليه
ياسمين:اي ماما
ام ياسمين:شلونج خو مابيج شي تحسين بشي
ياسمين:لاالحمدالله ماعندي شي بس باجر اخر يوم امتحانات ويتأخر عمر واني اريد اجي يمكم
عمر:يله حبيبي اني اروح ديري بالج علئ نفسج
ياسمين:الله وياك اي اكيد
ام ياسمين:وين تروح عمك علئ جيه هسه نتغدئ سوه حبيبي
عمر:اشكرج عمه بس والله كلش تعبان تدري ياسمين امتحانات ومراقبه والشغل سلميلي هواي عليه وعلئ عسوله جان بودي والله
ياسمين:باسني من راسي واعتذر
عمر:ياسمين اني اسف والله بس مضغوط واعصابي تالفه لاتضوجين ماشي ياسمين:ماشي اني هم اسفة زودتها عليك بس نفس الوضع تعرف ديربالك علئ نفسك
عمر:ماشي حبيبتي مع السلامة عمه مع السلامة
ياسمين:الله وياك حبيبي
ام ياسمين:الله وياك ،سوده عليه بدون غداء طلع جان بقيتي شكد عيب بالله
ياسمين:لاهو تعبان ماما ماله خلك والله
ام ياسمين:خو ماكوشي المسمومة مسويتلها فعالية جديدة
ياسمين:لا بس هو يريدني اغير جو شويه البارحة بدا عندي الوحام وانقهر عليه
ام ياسمين:حبيبتي وهسه شلونج خو ماعندي شي الم شي
ياسمين :لاالحمدالله بس دوخه شويه
ام ياسمين:شلون مرگة سبيناغ تخبل مليانه حديد ترجعين حصان
ياسمين:بدلت وكملت وصليت اجوي بابا وعسل وفرحهم بي ماتنوصف
ام عمر :لعد البرنسيسة ماكو بس انت
عمر:يم اهلها
ام عمر:شكتلك والله مابقيها ثانية وحده
عمر:ههههه يعني انتي عبالج فلمج الهندي مشئ عليه البارحة ،اني وديتها علمودها مو علمودج لان اذا تبقئ يمج الله يعلم شسويلها
ام عمر:شنو قصدك شسويلها يعني شنو اني قابل
عمر:هههههه انتي مشكلتي بس اني اعرفج وماعندي لاشغل ولاعمل فارغلج
ام عمر:ولك انت اشبيك تخبلت
عمر:والله الي تفضح بنية بجامعتها وگدام اهلها وكرايبها وتشوهه سمعتها وبعدها بصدفة عجيبة يجيهم تهديد ويهجروهم من المنطقة وابوها ينجلط من الخوف والهبطه والبنية تختفي گأنو فص ملح وذاب ولاگانوا الها وجود ليش ماتكدر تأذي ياسمين مثلاً ها انطيني جواب مقنع
ام عمر:انت لحد الان تفكر بنورا ازوجت وشافت حياتها وانت بالك اوهام باقية وانت اصلاً شلون تفكر بيه هيج اكو واحد يفكر باامه هيج
عمر:هههههه انتي كلش زين تعرفين اني شنو اقصد ،نرجع الموضوعنا زوجتي وابني او بنتي خط احمر اتمنئ كدرت اوصلج الفكرة وهذا الموضوع مااريد افتحه بعد صار معلوم
ياسمين:تغديت ونمت وكعدت دوخه مو طبيعيه وغثيان غسلت وجهي واديه بقيت كاعدة بلحمام وفجأة صار كلشي اسود كدامي
يتبع......
أنت تقرأ
ياسه|YASA
Romanceهذه الراوية مستوحاة من قصة حقيقية لفتاة من ذوي الاحتياجات الخاصة وكيفية زواجها من الشخص الذي احبته ورفض امه وكرهها لها لتبدأ رحلتها في حياتها الجديدة.
