احببته في مهمه سريه بقلم (جودى عماد)

الفصل التاسع

الفصل التاسع:-

فى النادى الليلى تتوجه احدى الفتيات لمرام التى تقف فى المكان وهى مقذذه منه لتردف الفتاه:
_ازيك يا حلوه انا نانى و انتى
تردف مرام برقه مصطنعه:
_رينا اسمى رينا
تردف نانى وهو اسم الفتاه:
_وجايه هنا ليه يا رينا
تردف مرام بغضب مصطنع و عصبيه:
_وانتى مالك يا حبيبتى الله
تردف نانى بلا مبالاه:
_عادى اهو نتعرف
تردف مرام بهدوء و مجاراه فى المحادثه:
_الا قوليلى هو هنا فى ادوار تانيه غير دول
تردف نانى بهدوء وصوت منخفض:
_بينى و بينك
تردف مرام وهى تجاريها:
_اه
تردف نانى بتذكر:
_انا شوفت البيه شاهين قبل كده...
لتسمع صوت تحذير من احدى الفتيات وهى تردف برفعه حاجب:
_نانى روحى شوفى شغلك
تذهب نانى بسرعه خوفا منهم فتذهب الفتاه الاخرى الى مرام بتوجس رادفا:
_هو انتى منين
تردف مرام بهدوء:
_من القاهره
تردف الفتاه بتفكير:
_و ياترى بقى بتعرفى تشتغلى
تردف مرام بعدم فهم:
_يعنى ايه
تردف الفتاه بهدوء و غرور و تهديد:
_يعنى تعرفى تركزى فى شغلم و متسأليش لان اللى بيعرف سر واحد علينا بتتقطع رقبته و محدش بيعرف مكانه
لتنظر اليها مرام بكره واخدت تفكر فى طرق لتعرف هذه الاسرار
                   ---------------
فى الجانب الاخر كان كريم مع شاهين و الرجال فى مكان مهجور فيردف شاهين بأمر لكريم:
_اكرم انت هتوزع كل البودره دى فى الاماكن اللى هنقولك عليها و اوعى اى حد يحس بيك و كمان حاجه لو حد لمحك متجيش على هنا مفهوم
يردف كريم بطاعه مصطنعه:
_مفهوم يا باشا
يردف شاهين بهدوء وهو يشرح لهم:
_هنبدأ من بكرا ولو اتمسكت واتكلمت كلمه واحده افتكر ان مراتك معانا
يتماسك كريم وهو يضغط على يده بغضب رادفا:
_اوامرك يا باشا
يردف شاهين بهدوء:
_حلو يا كريم انا عاوز كده
                       ----------------------
على الجانب الاخر كانت مرام تقف مع احدى الرجال الثملين تبادله فى الحديث برقه محاوله الوصول الى شئ فتردف مرام برقه:
_اجيبلك تانى مشروب
يردف الرجل بثماله:
_مشروب... ههه... شكلك... جديده.. يا عسل
تردف مرام بهدوء عكس التوتر الذى بداخلها:
_ل.... لاء جديده ايه انا قديمه و قديمه اوى كمان واعرف انك تقيل اوى فى البلد
الرجل بثماله وهو لا يعى شئ رادفا:
_اه تقيل.... اوى... و دماغى تقيله اوى
تردف مرام بتمثيل:
_ههه و شكلك ايه بقى مبتجيش هنا للترفيه يعنى بتيجى لشغل و كده
يردف الرجل بهدوء و لجلجه:
_شغل اه... ههه شغل انا و شاهين و الرجل الضخم اللى هو... 
مرام بمقاطعه و هى سعيده:
_ايوا مين
يردف الرجل وهو يريد الشراب:
_انا عاوز تانى
مرام منه محاوله ان تتماسك بقدر الامكان
اما فى احدى الاركان يجلسون  الشباب و البنات مع بعض
لتردف احدهم احدهم:
_سمعت ان ملك دخلت السجن
لتردف الاخرى بسخريه:
_اوه نو حاجه فعلا قاسيه ههههه
ليضحك الجميع بسخريه ليوقفهم فارس بضيق رادفا:
_مالكوا يا جماعه انتو موركوش غيرها ارحموها بقى
لينهض و يذهب سريعا بغضب تاركهم ينظرون بحقد لتردف احدى الفتيات بحقد:
_بيحبها اوى و هى مجرمه مكنش يبان عليها
تردف احدى الفتيات بلا مبالاه:
_سيبك منها
                  -----------------------
فى المساء حيث الغرفه الصغير التى فى قصر شاهين يجلس كريم بتوتر وهو ينظر الى مرام التى تأخذ الغرفه ذهبا وايابا بكل توتر فيردف كريم بعصبيه:
_ممكن تقعدى بقى وترتينى
تردف مرام ببعض الخوف و التوتر:
_خايفه عندى احساس انهم هيكشفونا
ليأخذ كريم احدى الكعكات و يأكلها ببرود كالعاده رادفا:
_متقلقيش مش هنتكشف المهم طلعتى بمعلومه منهم
تردف مرام بأحتيار:
_انا مش عارفه ليه كل مره ابقى هوصل لحاجه الحظ ميوقفش معايا خالص
ليردف كريم هامسا ببرود:
_عشان نحس
تلتلفت اليه مرام و تغمض عينيها نصف غمضه رادفا بعصبيه:
_قولت ايه
يغير كريم الموقف الى الجديه رادفا:
_بكرا هيكون فى اختبار مهم لو نجحت فيه شاهين هيثق فيا او هيبتدى يثق
تردف مرام وهى محتاره فى ايجاد لحل:
_انا دماغى هتتشل من التفكير هعمل ايه عشان استدرجهم
يردف كريم بتفكير و هدوء:
_اسألى لاحظى اعملى اى حاجه ده انتى فاشله
تردف مرام بعصبيه وهى تنظر الى الطعام:
_انا فاشله وبعدين اكلت كل اكلى ليه
يردف كريم ببرود:
_معلش بقى يا مرام اصلى جعان
تردف مرام قاصده استفزازه:
_بارد اوى
                        ------------------
فى احدى النوادى الليله يجلسوا مجموعه من الاصدقاء معا فتردف فتاه بفرحه شديده:
_انا الخبر ده احلى عندى من خبر موت رنا
يردف شاب اخر و هو ينظر اليها:
_ياه ده انتى بتكرهيها اوى يا سمر
تردف سمر بتأكيد:
_اه بكرهها طول عمرها شايفه نفسها علينا... واهى بقت سوابق و رد سجون يا عاصم
يردف عاصم بتأكيد على حديثها:
_فعلا ملك طول عمرها متكبره... بس حلوه واللهى خساره فيها السجن
تردف سمر بغضب:
_لا واللهى......  خساره فيها حياتها اللى عيشاها اما السجن ده فعلا جزائها
تردف بنت واسمها بثينه بعصبيه:
_اسكتوا بقى هو انتوا موركوش غيرها
يردف عاصم بستغراب:
_مالك يا بثينه
لتنزل الدموع من اعين بثينه لتردف ببكاء:
_ملك مقتلتش حد ولا ليها ذنب
تردف سمر بستغراب من حاله بثينه:
_وانتى ايه اللى عرفك دى بت....
لتقاطعها بثينه ببكاء:
_بس يا سمر كفايه انا اللى رميت السلسله جنب القتيله انا سرقتها عشان عجبتنى و انا عارفه انى عمرى ما هقدر اجيب زيها و لما كنت هناك لقيت القتيله من غلى رميتها هناك عشان تكون ملك هى القاتله
يردف عاصم بعدم تصديق:
_انتى بتقولى ايه
تردف بثينه بتأكيد:
_ايوا ده اللى حصل
تردف سمر بصوت منخفض:
_اسكتى متقوليش لحد.... انتى اللى هتلبسيها
يردف عاصم بفزع و استغراب:
_وهنسيب ملك هى اللى تلبسها
تردف سمر بغضب و عصبيه:
_طب ماتلبسها وان شالله تاخد اعدام كمان مش احسن ما تكون بثينه....و انتى يا بثينه متقوليش لاى حد انتى فاهمه
لتومئ اليها بثينه بخوف شديد
                    ----------------
فى مكتب وكيل النيابه يدخل اللواء مكاوى وهو يسرع فى خطواته حتى يوصل الى ابنته فيرى انها تجلس حزينه و تبكى بأنهيار و قهر على ما وصلت اليه فيذهب بعينيه الى الجهه الاخرى من المكتب فيرى يوسف يجلس على مكتبه و هو يتطلع الى ملك بحزن شديد فيتقن اللواء مكاوى ان وراء هذه النظره شئ لكن هذا ليس وقته فيجلس بجانب ملك رادفا بهدوء:
_ملك حبيبتى ممكن تهدى
تنظر اليه ملك و بسرعه ترتمى الى احضانه و تبكى بأنهيار اكثر من قبل رادفا:
_بابى.... انا اسفه.... و النبى سامحنى... انا عرفت غلطى بالله عليك.... روحنى معاك
يردف اللواء مكاوى وهو يحاول ان يتماسك من اجل ابنته:
_اششش....  خلاص اهدى انا هحاول اكشف كل حاجه بسرعه وانتى مش هتروحى الحبس مع الناس اللى انتى شوفتيها دى انتى هتقعدى فى زنزانه لوحدك و.....
يقاطعه دخول الضابط ياسين وهو يردف بسرعه كبيره و فرحه:
_احنا عملنا دوريات على العماره تانى و لقينا كاميرات فى العماره بس للاسف اللى كاشفه الدور كله  مش شغاله هى وقعت لانها كانت متعلقه فوق لوحه موجوده و وقعت يوم الحادثه
يردف يوسف بسرعه و امل:
_اتصل هات المهندس الالمانى من بلده بسرعه قوله انى عاوزه فى اسرع وقت و هات الكاميرات التانيه نفرغها بسرعه و نشوف ايه اللى فيها
ياسين وهو يتجهه الى الباب رادفا بالتحيه:
_تحت امرك يا فندم
                     -------------------

بقلم جودى عماد

Joody Emad

تحذير(ممنوع اخذ الروايه او اخذ اقتباس حتى لا تتسأل قانونيا الحقوق و النشر محفوظون للكاتبه فقط وفى حاله نسخ او مشاركه الروايه يرجى التواصل مع الكاتبه حتى لا تسأل قانونيا)