احببته في مهمه سريه بقلم (جودى عماد)

الفصل الحادى عشر

الفصل الحادى عشر:-

و بعد مرور يومان كان كريم مازال مختفى من تلك الليله و ملك مازالت فى المكتب وحيده و يوسف مازال يواصل التحقيقات و يأمل ان يجد على دليل يظهر براءه ملك اما مرام فهى قلقه بشده على كريم و هذا ما يزعجها على الجانب الاخر و هو لعدمى الضمير بعد ان شاهد عاصم الخبر من الاعلام ذهب باليوم التالى الى قسم الشرطه و طلب ان يقابل يوسف و دلف اليه مكتبه و سرد اليه ما قالته بثينه
اليه هو و سمر اما اليوم فتقف بثينه امام يوسف و هى تبكى ولا تتحدث فيردف يوسف بعصبيه:
_بثينه قولى كل حاجه الانكار مش هيفيدك
تردف بثينه ببكاء و تنتحب:
_واللهى يا باشا انا معملتش حاجه....
يقطعها يوسف رادفا بعصبيه و غضب:
_بقولك ايه الانكار مش هيفيدك انتى ظاهره فى الكاميرات بتاعت العماره يعنى دخلتى و خرجتى بعديها بوقت و بصمتك كمان على سلسله ملك
تردف بثينه ببكاء:
_واللهى العظيم انا سرقت السلسله من ملك وانا معترفه بكده بس واللهى ما قتلت حد
يردف يوسف بهدوء و تفهم:
_بصى يا بثينه انا فاهم كل حاجه بس هوضحلك حاجه احنا من يوم الحادثه و الرائد مرام لقت السلسله دى بس مأخدتش بالها انها لاختها و لما حللنا بصمات طلع معانا بصمتين فاللواء مكاوى اخد القضيه من مرام و صدم بشده لما لقى السلسله هو كان شاكك بس اتأكد لما فتح السلسله و لقى فيها صوره ملك و والدتها فياريت يا بثينه تقولى كل حاجه من غير كدب عشان انتى المتهمه الوحيده
تردف بثينه بخوف و توتر و بكاء:
_انا هقول كل حاجه انا فى يوم فى الجامعه اخدت من ملك السلسله لانها كانت عجبانى وانا عارفه ان عمرى ما هجيب زيها انا اه مبسوطه ماديا بس السلسله لو قعدت عمرى كله بحلم بيها مش هعرف اجيبها المهم اخدتها و الشله بتاعتنا كانت عمله حفله فى العماره اللى البنت كانت مقتوله فيها و لما الحفله خلصت نزلت عشان اروح شوفت فجأه ان الباب مفتوح فضزلى شدنى انى اعرف مين اللى جوا المهم دخلت و اتصدمت جدا لما لقيت البنت ميته انا شيطانى قالى عشان مبحبش ملك و ان هى دايما شايفه نفسها علينا قلعت السلسله و كان معايا منديل مسحت بيه بصمات ايدى و رميت السلسله جنب البنت بس و اللهى هو ده اللى حصل
يصدم يوسف بشده هل الكره يفعل ذلك ينظر الى بثينه بغضب رادفا للشخص الذى يسجل هذه الاقوال:
_اكتب يا بنى قررنا نحن الاتى ان يتم حبس المتهمه بثينه ممدوح اربعه ايام على ذمه القضيه.
يضغط يوسف على الجرس فيدخل العسكرى و يأخد بثينه الى الحبس و يخرج الشاب بالدفتر الذى سجل فيه الاقوال
                      ---------------------
على الجانب الاخر فى قصر شاهين تجلس مرام بغرفتها قلقه بشده على كريم وهذا الشئ يزعجها و لكن فى شئ فى قلبها يخبرها انه ليس بخير فجأه يفتح باب الغرفه و يدلف كريم الى الداخل تتفاجأ مرام بحالته التى لا تبشر انه بخير تتجه اليه مرام و تضمه اليها نعم انها كانت خائفه عليه بدرجه انها كانت تتخيل الف سيناريو لما حدث اليه من مكروه اما كريم فتفجأ من مرام فبدوره هو ضمها اليه ايضا انه كان خائف عليها من هذه العصابه التى لا ترحم تنتبه مرام لوضعهم هذا فترجع الى الخلف بخجل رادفا بهدوء و خجل:
_كريم انت كنت فين كل ده
يردف كريم وهو يجلس على الفراش:
_مرام بالله عليكى سبينى ارتاح شويه
تردف مرام وهى تتجه اليه:
_انا عايزه اعرف كنت فين اليومين دول
يردف كريم و هو يرجع بظهره الى الخلف:
_كنت مع مالك زميلنا فى الطلعه الجايه و فجأه جت عربيه و اخدتنى
🦋فلاش باك🦋
فى غرفه مظلمه يجلس كريم على مقعد و هو فى سبات عميق ليلقوا عليه سطل مياه ليفوق كريم بسرعه و هلع
يردف كريم وهو يتفحص المكان بعينه:
_انا فين و انتوا مين
يردف الرجل بهدوء:
_احنا حكومه يا اكرم
يردف كريم بستغراب:
_ حكومه وعرفتوا انى
ليقاطعه الرجل رادفا مكملا عنه:
_انك تاجر مخدرات هنخلصك من التهمه دى بس تقولى مين وراك
يردف كريم بقوه كالعاده:
_مواريش حد انا بشتغل لصالح نفسى
يقترب الرجل من كريم و ينزل عليه بالضرب المبرح و عذبه. بكل انواع التعذيب
فيردف كريم عندما نقص عنده قوه التحمل:
_معرفش
🦋اند باك🦋
ينهى كريم حديثه وهو يتأوه من مداواه مرام لجراحه
تردف مرام بتساؤل:
_وليه مقولتش انك رائد
يردف كريم و هو يتوجع:
_لما قالى حكومه كنت هقوله بس لما قالى يا اكرم عرفت انها لعبه و اختبار من شاهين
تردف مرام بتساؤل وهى تقف:
_و سابوك ازاى
يردف كريم و هو يتمدد على الفراش:
_شاهين جيه و قالى انى نحجت فى ثقتنى
              ----------------
فى الغرفه التى تجلس بها ملك كانت نائمه بأسترخاء عجيب الى ان انتابها السعال الشديد لتنهض بسىعه و تأخذ بالسعال و تمسك برأسها بتعب لتردف بصوت عالى و عصبيه و هى تتوجع:
_اهههه رأى الحقونى
يدخل ظابط الحراسه و معه يوسف فيردف يوسف وهو يتجه اليها بقلق:
_حصل ايه .... فى ايه
لتصرخ بيه بحده رادفا بعصبيه:
_انا عاوزه فارس هو عارف انا مالى..... يوسف ابوس ايدك يا يوسف جبلى فارس بسرعه
يردف يوسف بحده و صدمه:
_ايه اللى حصل يا ملك قوليلى
لتصرخ بيه ملك و تنظر الى المسدس الذى بيده فتشده و تضعه على رأسها رادفا:
_هموت نفسى..... هاتلى فارس...
يوسف بخوف و هو يتجه اليها و يأخد منها المسدس رادفا:
_حاضر هعملك اللى انتى عايزاه
تبدأ ملك فى الاسترخاء لتقع مغشى عليها ليحملها يوسف الى المستشفى
                      ----------------
يجلس شاهين فى بهو القصر و يقف امامه كريم و مرام الذى استدعاهم للتو
يردف كريم بهدوء:
_خير يا ريس
يردف شاهين بهدوء و هو ينظر الى كريم و مرام:
_طول عمرى ذكى عمر ماحد خدعنى
لينظر الى مرام فتتوتر للغايه و كبحت توترها فى الداخل و ظلت متماسكه لكنها خائفه للغايه ليتابع حديثه:
_و لما تيجى الحكومه و تعمل عملتها دى معايا يبقى كده ابتدت حرب معايا
لتتأكد مرام من انهم قد كشفوا فتردف بخوف:
_فى ايه يا ريس ايه اللى حصل
يردف شاهين و هو بتطلع الى كريم:
_الحكومه.... هتيجى النهارده و احنا بنسلم الشحنه بس ده مش هيحصل لو انت و مراتك روحتوا و منعتوهم لانكوا مستجدين و مش معروفين هتروحوا و هتخلى مراتك تعطلهم عقبال ما تكون انت ضربت نار على الظباط
يردف كريم بثقه و طاعه:
_اوامرك يا ريس
                       ---------------
فى المستشفى التابعه للقسم تنام هذه الفتاه على الفراش و هى غائبه عن العالم الذى هى بيه
فيردف الطبيب:-
_المريضه دى مدمنه
يردف يوسف بصدمه و هو يقف امام الطبيب:-
_مدمنه ازاى يا دكتور
يردف الطبيب بتفسير:-
_ايوا يا يوسف باشا المسجونه دى بقالها سنين بتدمن
ليكور يوسف يديه و يبدأ فى النظر اليها وهى نائمه كم  هى صغيره و بريئه لكن كيف... كيف لهذه البريئه ان تكون المجرمه القاتله و مدمنه للمخدرات كيف تجعل نفسها من امرأه راقيه لها احترام و كرامه الى بنت السجون المدمنه ماهو الدافع الذى جعلها تهين نفسها بهذه الدرجه هل حبها الاعمى هو من فعل ذلك ام فعلت هكذا لاشباع شهواتها و رغبتها ام لجنونهو و عدم فهمها فى كل الحالات هى المخطأ الوحيد فى حق نفسها
كانت هذه الافكار تدور فى عقل يوسف الذى تحول لشخص غاضب بل وحش غاضب عيناه تحولت من اللون العسلى الى الاحمر القاتم الغاضب ووجهه الاحمر وسيطر العقل مخيلاته عن ملك و لكن للقلب دورا فهو كان كالشخص الذى يدافع عن متهم و ليس معه ادله تثبت براءته ليعلن العقل سيطرته و يفوز فى القضيه و يخرج عقله قرار على ادانه ملك من جميع الاتجاهات
                     -------------------

بقلم جودى عماد
Joody Emad

تحذير(ممنوع اخذ الروايه او اخذ اقتباس حتى لا تتسأل قانونيا الحقوق و النشر محفوظون للكاتبه فقط وفى حاله نسخ او مشاركه الروايه يرجى التواصل مع الكاتبه حتى لا تسأل قانونيا)