احببته في مهمه سريه بقلم (جودى عماد)

الفصل الثالث عشر

الفصل الثالث عشر:-

فى قسم الشرطه خرجت ملك بخطوات بطيئه لضعفها الشديد خرجت لكى تتلقى زياره من شخص لا تعرفه حتى وجدتها من الخلف فتاه ذات شعر اصفر كيرلى و تلبس ملابس فخمه لكنها مكشوفه بعض الشئ حتى اقتربت منها اكثر لتجد سمر التى تجلس بتكبر واضعه قدم على الاخرى لتنهض عندما وجدت ملك الشاحبه لتردف ملك بتعجب:-
_سمر انتى بتعملى ايه هنا
تردف سمر بوقاحه:-
_شكلك نسيتى يا روحى من الهباب اللى بتاخديه عموما انا جايه ازورك
لتتابع وهى تدور حول ملك بشماته رادفا:-
_والله ما صدقت انك اتحولتى كده قولت اجى اتأكد بنفسى و بالمره اسلم عليكى
لتغمض ملك عيونها بألم رادفا:-
_لو سمحتى يا سمر لو جايه تشمتى يبقى تتفضلى تطلعى برا
تردف سمر ببرود:-
_لسه بتتكبرى يا بنتى قوقى انتى مش عارفه انتى فين... على العموم انا هزورك كتير و بالمره هجبلك عيش بحلاوه ههههه
لتردف ملك بغضب:-
_على الاقل انا مظلومه و ربنا هيظهر الحق قريب اما انتى بقى نهايتك هتكون سودا ده انتى شغاله شغلانه زباله زيك
تردف سمر بخبث و برود:-
_تعرفى يا لوكا قلبى مين اللى مرتبط بيا فارس حبيبك و هنتجوز قريب بس انا بأجل الفرح عارفه ليه عشان تكونى خرجتى و تحضريه ولا انتى صحيح مش هتخرجى انتى واختك اللى هنقضى عليها انا و فارس سوا ان شاء الله
لتمسكها ملك من شعرها بإنفعال لتردف سمر بأستنجاد بشخص:-
_الحقونى
دخل يوسف فى هذا الوقت و معه الشاويش بخوف و اتجه بسرعه الى ملك و يبعدها عن سمر رادفا بأسف:-
_انتى غبيه معلش يا انسه سمر
اخذت سمر حقيبتها و غدرت المكان لتنظر ملك الى يوسف بلوم رادفا:-
_انا غبيه
ليشعر يوسف بالحزن لقوله هذا ليردف بأسف:-
_ملك انتى اللى عصبتينى
تردف ملك ببكاء:-
_انا عاوزه اخرج من هنا عاوزه اقتلهم كلهم هيأذوا مرام اختى
ليردف يوسف بغموض:-
_مين اللى تقتليهم و هيقتلوا مرام ازاى
تردف ملك بسرعه كببره:-
_يوسف الحق هيقتلوا مرام
يردف يوسف بأستغراب:-
_مين اللى هيقتلها
تردف ملك بتوتر:-
_سمر و فارس
يردف يوسف بأنفعال:-
_انتى مجنونه يا ملك
تردف ملك ببكاء:-
_واللهى سمر قالتلى انها هتقتل مرام هى و فارس
يردف يوسف بغضب وعصبيه:-
_لاء بقى انتى الظاهر الزفت اللى كنتى بتاخديه ده اثر على دماغك
تتقدم ملك منه و تمسك يديه رادفا:-
_واللهى مش بكدب ولا ده من تأثير البودره هى فعلا قالت كده انا بس عايزه اطلع من هنا عشان انقذها
يردف يوسف بغضب:-
_لاء انتى اكيد اتجننتى انا هخرج عشان انا مش ناقصك
يخرج يوسف و يترك ملك تبكى بحرقه على اختها نعم هى كانت فى الاول تكرها بعد الشئ بسبب اهتمام عائلتها بيها ولكن الان اصبحت تفهم انها كانت خطأ و ايقنت انها لم تكره اختها بل كانت تحبها و بشده
                      --------------------
على الجانب الاخر تعجبت مرام بشده واتسعت عيناها من ما ترى لتردف بتعجب و تعثلم:-
_فارس؟؟؟!!!
لتردف على المسدس الذى بيديه بخوف فيردف فارس بغضب وهو ينظر اليها:-
_خايفه عليه يا مرام
تردف مرام بخوف و هى تنظؤ الى كريم المدد على الارض و غارق فى دمائه و تنظر ثانيه الى فارس:-
_الحقنى مش وقته الكلام ده الحقه هيموت
لتستدير مرام فجأه على كريم الذى همس بأسمها ليضربها فارس على رأسها لتقع مغشيا عليها ليحملها و يدخلها السياره و يسرع بها الى طريق ما
                   -------------------------
فى مكان مظلم استيقظت مرام لتجده امامها يجلس ينتظرها و عيونه مليئه بالانتقام لتردف مرام بخفوت:-
_انا.... انا فين
يردف فارس بشر وهدوء:-
_فوقى يا روحى انا قولت مينفعش نتكلم فى الشارع فأستضيفتك هنا
تردف مرام بتعب:-
_انت... جبتنى هنا ليه وايه اللى انت عاوزه
فارس وهو يمسك المسدس بشر و يتجه اليها رادفا:-
_عاوزه تعرفى انتى هنا ليه.. ده انتى زمان كنتى بتيجى معايا اى مكان اقولك عليه كنتى بتمشى ورايا زى العميا
مرام بعصبيه رادفا بغضب:-
_انا عمرى مامشيت وراك وانا عميا انا طول عمرى محترمه
فارس وهو يبعد خصلات شعرها رادفا:-
_متغيرتيش يا روحى لسه مندفعه بس يا خساره كل ده هيبقى راح خلال ساعات هتروحى و هتروح معاكى ذكرياتك يا مرام
تردف مرام بخوف و لكنها تخفيه ببراعه:-
_انت عاوز ايه
يردف فارس بشر وهو يضحك:-
_ببساطه عايز اقتلك عشان اخد حقى و حق حبى اللى ضاع
تردف مرام بعصبيه:-
_انت فاكرنى هخاف منك يا فارس لاء انا مش هخاف انت ضعيف مش هتقتلنى فاهم يعنى ايه ضعيف يا مدمن ولا... بطلت
يردف فارس بعصبيه:-
_لاء مبطلتش لسه مدمن و انا مش ضعيف فاهمه
تردف مرام بعصبيه مماثله:-
_لاء ضعيف و جبان و كمان مش راجل عشان جبتنى هنا من ضهرى طب كنت واجهنى يا جبان
يردف فارس بعصبيه و غضب:-
_لاء انا مش ضعيف فاهمه و كمان اقولك حاجه عشان تثبتلك انى مش ضعيف و كمان راجل انا اللى قتلت اخت هدى و كمان هقتل هدى و هقتلك انتى كمان
تضحك مرام بشده رادفا:-
_لاء بجد عايزنى اصدقك انت و ياترا بقى قتلتها بإيه بالبودره ولا الحشيش يا مدمن
يردف فارس بشر و غضب:-
_لاء قتلتها بالسكينه و على حسب معلوماتى انك كنتى شوفتيها لما روحتى عشان تحققى فى القضيه اقولك كانت مطعونه كام طعنه 5طعنات و اقولك كمان انا البوص بتاع الشبكه المجمعه اللى انتى فيها يا رينا
ينظر اليه يراها منصدمه بشده ليسترسل حديثه رادفا:-
_ايه مكنتيش تعرفى صح اقولك انا عارف من اول يوم انك موجوده معلش بقى اصلى بكون فى الدور اللى فوق اللى انتى حاولتى تدخليه معرفتيش و كمان انا اللى خليت اختك تكون متهمه فى القضيه دى و اقولك كمان انا خلتها مدمنه زى بالظبط شوفتى بقى الضغيف و الجبان عمل ايه واه صحيح مبروك على جوازك بس متقلقيش كلها ساعات و تكونى ارمله
عند هذه الكلمه تردف مرام بكره و غضب:-
_متقربش منه فاهم يا فارس لو جيت جنبه انا اللى هقتلك فاهم
يردف فارس ببرود و استفزاز:-
_ايه يا قطه حبتيه ولا ايه
تردف مرام بصدق:-
_
              -----------------------
فى القسم تدخل فتاه منتقبه وهى تلتفت يمين و يسار و تسأل الشاويش على مكتب يوسف فتذهب تجاه المكتب و تدخل بعد استأذنها من يوسف تقف امامه و ترفع النقاب فيصدم يوسف بشده من  التى تقف امامه:-
_انتى؟؟؟؟؟
                   --------------------
بقلم جودى عماد

#Joody Emad

تحذير(ممنوع اخذ الروايه او اخذ اقتباس حتى لا تتسأل قانونيا الحقوق و النشر محفوظون للكاتبه فقط وفى حاله نسخ او مشاركه الروايه يرجى التواصل مع الكاتبه حتى لا تسأل قانونيا)