Unicode
အပိုင်း - ၁၁ : တားရော့ကိုင်လျှင်ညာ၍မရ။
ထိုသို့ဖြင့် ကွန်ပျူတာတက္ကသိုလ်ကျောင်းဝန်းထဲတွင် သတင်းတစ်ခုသည် တိုးတိုးတိတ်တိတ်ပျံ့နှံ့နေတော့သည်။ မိန်းကလေးများကသူ့ကိုမကြိုက်တော့မည်စိုးသဖြင့် မိန်းကလေးရည်းစားမထားသောလင်းယုဝေသည် ဒုတိယနှစ်ရှိမိန်းကလေးတစ်ဦးကိုလိုက်နေသည်ဟူ၍။
ကာယကံရှင် မိန်းကလေးမှာတော့...
"ချီးလိုပဲ! ဒီဘဲက ငါ့ကိုအာရုံလာနောက်နေတာပဲ!"
သွန်းနှင်းဆုတစ်ယောက် ဒေါခွီးနေရတော့သည်။
"ဒါကနင်သွားစတဲ့ဇာတ်ပဲလေ..."
ဒုတိယနှစ် နောက်ဆုံးစာမေးပွဲဖြေရတော့မည်မို့ မြူလင်းနှင့်နှင်းနွယ်ဦးကောင်းမှုကြောင့် နဒီဇော်နှင့်သွန်းနှင်းဆုသည် စာကောင်းကောင်းလုပ်၍ရသည်။ သူမတို့ ကန်တင်းတွင်စာစုလုပ်စားသောက်ပြီးငွေရှင်းမည့်အချိန်တွင် သွန်းနှင်းဆုအလွန်မုန်းသောဝတ္ထုဇာတ်ကွက်များထဲကအတိုင်း... 'အစ်မတို့ဝိုင်းအတွက် အစ်ကိုကြီးတစ်ယောက်ကရှင်းပေးသွားပါပြီ' ဟုစားပွဲထိုးကောင်လေးကပြောလာလေ၏။
ရှင်းသွားသူသည် လင်းယုဝေသာဖြစ်သည်။
"အစ်မကိုစာကောင်းကောင်းလုပ်လို့ မှာသွားသေးတယ်"
သွန်းနှင်းဆုဒေါသူပုန်ထနေသည်ကိုမသိသည့် စားပွဲထိုးကောင်လေးသည် အလိုက်ကန်းဆိုးမသိပြောလာ၏။ သွန်းနှင်းဆု၏ ဒေါသမျက်စောင်းမရောက်ခင် မြူလင်းသည် စားပွဲထိုးကောင်လေးကိုခပ်မြန်မြန်သွားရန် နှင်လွှတ်ရတော့သည်။
လင်းယုဝေကိုကျောင်းကန်တင်းရှိစားပွဲထိုးကလေးတိုင်းလိုလိုသိနေသည်မို့ ထိုစားပွဲထိုးကောင်လေးသည် သွန်းနှင်းဆုကိုစူးစမ်းသည့် အကြည့်များဖြင့်ကြသည်။
ကိုကြီးလင်းယုကဘယ်သူ့ကိုမှ အခုလိုမျိုးမလုပ်ပေးတတ်ဘူးမလား။ ဒါကကိုကြီးလင်းယုကောင်မလေးလား။
သို့သော် သူ့ကိုဝါးမြိုလောက်သည့် မီးတောက်နေသည်ဟုထင်ရသည့် မျက်လုံးများဖြင့် ကြည့်နေသည့် သွန်းနှင်းဆုကြောင့် စားပွဲထိုးကောင်လေးခမျာမစပ်စုရဲရှာ။
KAMU SEDANG MEMBACA
Fall in love with the type I hate most! [Own Creation]
RomansaShe is a girl who doesn't believe in "Happily ever after" Ending. She hates Prince like character. She likes to play around. She likes to flirt with the pretty boy seniors. But wait! Why that senior look at me with strange eyes! Ahh! I don't like y...
![Fall in love with the type I hate most! [Own Creation]](https://img.wattpad.com/cover/185276311-64-k492944.jpg)