Unicode
အပိုင်း - ၂ : သွန်းနှင်းဆုနှင့်လင်းယုဝေ
သူမအမည်ကသွန်းနှင်းဆု။ သူမသည် လွတ်လွတ်လပ်လပ်ပေါ့ပေါ့ပါးပါးနေရသည်ကိုနှစ်ခြိုက်သည့် သူတစ်ယောက်။ သူမကအပေါင်းအသင်းများပြီးလူဝင်ဆံ့သည်ဟုဆို၍ရသောချစ်စရာကောင်မလေးတစ်ယောက် ဖြစ်သော်လည်းသူမကိုအတွင်းကျကျသိသည့် နဒီဇော်ဆိုသည့် ဆိုက်ကိုမကသာလျှင် သူမသည် ထိုသို့မဟုတ်မှန်းသိသည့်သူတစ်ယောက်ဖြစ်သည်။
နဒီဇော်ကသူမ၏ အမြဲတမ်းပြုံးရွှင်ပြီးစိတ်မပါသော်လည်းချစ်စဖွယ်ပြောတတ်သည့် အကျင့်ကိုယခုလိုမေးခွန်းထုတ်တတ်၏။
"ငါ့လိုတည်တည်တံ့တံ့ စိတ်ထဲရှိတဲ့အတိုင်းနေတော့ နင်ဘာဖြစ်သွားမှာမလို့လဲ..."
သူမ၏ အဖြေကတစ်ခုတည်းသာ...
"ငါ ပျင်းပြီးသေသွားလိမ့်မယ်..." ဟူ၍။
သူမ၏ အမြဲတမ်းတစ်ခုမဟုတ်တစ်ခုလုပ်နေတတ်ခြင်းကိုထိုမိန်းမသည် အမြဲတမ်းပြောဆိုလေ့ရှိသေးသည်။
"ဘာလို့ နင် စိတ်မဝင်စားဘဲနဲ့ အဲ့ဒါတွေကိုလုပ်နေတာလဲ..."
"ငါပျင်းပြီးသေသွားမှာနင်မြင်ချင်လို့လား..."
"ငါ့ရှေ့လာမသေရင်ပြီးတာပဲ..."
သူမနှင့် နဒီဇော်၏ ဆက်ဆံရေးသည် ထိုသို့သောဆက်ဆံရေးမျိုး။
သူမဘဝတွင် အကြောက်ဆုံးသောနှင့် သည်းမခံနိုင်ဆုံးသောအရာတို့ကိုပြောပါဆိုလျှင် ငြီးငွေ့ခြင်းဟုပြောရလိမ့်မည်။ ပျင်းရိငြီးငွေ့ခြင်းကသူမကိုအားယုတ်စေသည့် အရာတစ်ခုဖြစ်သဖြင့် သူမသည် ကိုယ့်ကိုယ်ကိုအမြဲတမ်းတစ်ခုမဟုတ် တစ်ခုလုပ်နေခြင်းဖြင့် ထိုအရာကိုရှောင်ရှားလေ့ရှိသည်။ စိတ်မပါသည့်အရာတို့ကိုဖြစ်စေသူမစိတ်မဝင်စားသော်လည်းစိတ်နှစ်လျှင်တော့ ငြီးငွေ့ခြင်းဆိုသည့် အရာကြီးကိုသူမကျော်လွှားနိုင်မည်ဟုထင်သည်။
>>>>><<<<<
"ဒီမိန်းမဟာ..."
နဒီဇော် လက်ထဲမှဖုန်းကိုခဏပိတ်ပြီးအရှေ့ဘက်တွင် မျက်နှာသေလေးဖြင့် ဗေဒင်ဟောနေသည့် သွန်းနှင်းဆုကိုကြည့်သည်။
KAMU SEDANG MEMBACA
Fall in love with the type I hate most! [Own Creation]
RomansaShe is a girl who doesn't believe in "Happily ever after" Ending. She hates Prince like character. She likes to play around. She likes to flirt with the pretty boy seniors. But wait! Why that senior look at me with strange eyes! Ahh! I don't like y...
![Fall in love with the type I hate most! [Own Creation]](https://img.wattpad.com/cover/185276311-64-k492944.jpg)