ترف وشيخ الجنوب

البارت الثاني

رفعت برأسها للسماء وأخبرت الله
كل شيء كان قاتلاً لكنِ لم أمت 🖤

التفت رجال منهم بسرعه وجان عصبي عباله عليهم وكال بصوت عالي

الرجال:صوتج ما ينسمع وفوكاها هم الج عين وتتحسبين

الرجال الثاني:جاسم مو علينه على اهلها

درت وجهي وباوعت على محمد ومروة وابويه الغصه تارسه قلبي وصدري جسمي كله يرجف وكلت

_يجوز هل مره ابنج طلع من الموت بس تبقه ايده كلها دم ودم طفل وانتو كلكم لا محاللين ولا راح احاللكم والي وكفه وياكم كدام الله يوم القيامه اكله ضلموني كلهم بالدنيا واريدك انت الي تاخذ حقي منهم والله هو كفيلي حسببي الله ونعم الوكيل

طلعت وسمعت ابويه يبجي بس بعديش ما هزته دموعي ولا اهتم بيه وخلاني مثل الحيوان انهان بكل مكان وكدام الكل وهسه موديني للموت بأيده علمود واحد مو ابنه اصلا واني بعدني شابه ما اعرف وين رايحه ولمنو وشراح اسوي راح اعيش ويه شخص ما اعرف منو مذلوله طول عمري والأكثر من هذا راح اعيش ويه عائله اخويه كتل ابنهم وراح ابقه اتذكر وهم يتذكرون اخت مجرم وكتال ابنهم اخ قلبي وما حسيت غير جاسم يكول

جاسم:هاج خيتي مسحي الدم

خليت ايدي على خشمي واخذت الكلنس بسرعه ومسحت خشمي جاسم اسمراني طويل وضعيف وجسمه زين وشعره مرتب ولحيته طويله عيونه سود والي بصفه حسين ابن عمه لان كل شويه اسمع جاسم يكوله ابن عمي ابن عمي جان ابيض طويل لابس مناظر طبيه شعره جوزي وما حسيت على روحي من نمت

#عمران

جنت بغداد من اخذت ابني وياي ولح عليه حته اخذه يعشق بغداد وكل مره يكلي اكمل دراستي بغداد هواي يشبهني نفس شكلي وشخصيتي من توفت المرحومه زهرة جان هو كل الي باقيلي من ريحتها ما تزوجت ولا فكرت بعدها بالزواج كاعد بالفندق من عرفت بيه بالمستشفى نهد حيلي من سمعت الخبر كل دمي نشف لحد ما وصلت المستشفى جان الله ماخذ امانته قبل لا اوصل مات بنفس اللحظه الي نضرب بيها بطلقه براسه ما حجيت شي ولا سويت شي رحنه للمكان اخذت التسجيلات قبل لا توصل الشرطه الها وسمعت جاسم واحمد راحو دكو البيت لحكتهم وكلتلهم يوكفون وما يسسون شي اتصلت على كبار العشيره مالتنه كسر حسين الباب فتنه اجه رجال اسمه حيدر الأب جان كتلهم للولد يوكفون ما يسون شي اخذ الثار وثار ابني براحتي كعد بالكاع يبوس بأيدي ورجلي ويكول استر عليه عيني اجتي عيني على بنيه كاعده على الدرج سبحان الي خلقها بهل شكل وهل جمال انوب لابسه ثوب ازرك شعرها مثل سواد الليل طويل وسرح واكع بالكاع وهي كاعده رجلينها باينه واديها لونها مثل الكطن وجها احمر من البجي طك خشمها دم غمضت عيني ودرت وجهي لثواني نسيت الوجع الي بقلبي وكتله يحضر عمامه