ترف وشيخ الجنوب

البارت الخامس

كان الأمر يشبه أن تقف في منتصف غرفة لا يسمح
لك بالإستناد على شيء .

- فرانز كافكا

#حسين

من شفت عمران حجه هيج ويه ريما ما رضيت وصدك عصبت عليه كل حجيها صح ريم بنيه عاقله كلش ومثقفه وذكيه وبيها برائه تخبل تدرس قانون تعجبني هواي رزانتها وثكلها وجمالها يموت طويله وبيضه عيونها كبار شعرها عسلي جسمها متروس وطبعا عصبيتها نسخه من عمران راسا تفور من صيحت عليه وهي تحجي كل الي بقلبها جان جسمها يرجف وتبجي خفت يصير عليها شي والله من شفتها هيج رجف جسمي بالكوة سيطرت على نفسي ما اكوم واخليها بنص حضني طلعت من الغرفه بقينه كلنه واحد يباوع بوجه الثاني نفجرت كبالنا بس كل حجيها صح كل كلمه كالتها صحيحه ما سمعنه بس مواعين تكسرت كام عمران بسرعه واني وراه عمران روحه متعلقه بريما عنده ريم روحه من الدنيا هي اصغرهم بالبيت بس من يعصب ينسى نفسه صح محروك قلبه على وليده بس هذا أمر الله شفنه البنيه واكفه بالزاويه ترجف وريم مطشره كل الأكل والأغراض بالكاع وجهة اصفر شفتها ناشفه مشت هي الوحيده الي كل الايام الي راحت جانت بيه قويه ومسيطره على نفسها وتصبر الكل بس محد صبرها محد وكف وياها وحسسها بشي وكعت بحضني تخبل عمران لزم ايدها ويضرب على وجهة وكلت بسرعه

_مي وشكر بسرعه

محد انتبه الي صحت وما اشوف غير ترف انطتني كلاص مي شربتها شويه رفعت راسها وخرت الحجاب من وجها وركبتها مثل الكيمر عطرها يسحر شفايفها رموش عيونها والله بس تمر سنه اله اخذج ورضيتي لو ما رضيتي تصيرين الي واشوف البنات يبجن والحجيه تلطم وصحت بيهم بسرعه

_ما ماتت شبيكم سويتو فاتحه البنيه ضغطها نخفض هسه ترتاح شويه ما تعرفون سوالفها من تصير عصبيه

صفنت بوجها ولكيتها صافنه صارت حمره واستحت كعدتها على كيف وحضنها عمران بسرعه باس راسها وكلت الها

_اخذي نفس عيوني مايسوه هيج تعصبين وانت لا تعصبها وتراضيها بكلمتين قلبي لا تراضيه بسرعه

بس كلت الها قلبي باوعت عليه وبقت صافنه وكامت بسرعه وصعدت ما حجت شي ويه عمران جانت ضايجه وكلش مقهورة

#عمران

مر يومين وريم ما تحجي وياي زعلانه بس بعدها تصعد اكل لهذيج البنيه وهل البنيه صوتها ماينسمع تأخر الوقت وصعدت لجناحي ولكيت ريم هسه طالعه من الجناح وصينيه الأكل بيدها وكلت الها

_شنو هذا

ريم:متاكل صار الها يومين على هل حال