ترف وشيخ الجنوب

البارت الرابع عشر

🎵
اول مرة تلچمني
و اظل گاعد
اول مرة احس بروحي ميته بس بجسم عايش 💔💔

🍂

عمران:من كامل عقلج انا اخذ هل خفيفه حرمه الي

_بس انت جنت تكول هيج وتحجي كبالي

عمران:اغيضج

_على شنو تضوجني أصلا مضجت ولا اضوج اخذها شكو بيها تحتاج زوجه انت

كمت وشلت الأكل وجسمي يرجف فرحانه بس عصبيه شون استغلني صبيت جاي ورجعت خليت الأستكان واني بقيت اكل كريب وهو يباوع عليه وكال بصوت هادئ ومسترخي

عمران:يعني اخذها هيج برأيج؟

_أي اخذها اني شعليه

عمران:ماشي بس ارجع احجي ويه الحجيه ويصير خير بس اريد منج انتي تقومين بكل التحضيرات اذا راضيه اخذ حرمه ثانيه عليج

_أي راضيه اخذ تدلل شتريد اسويلك

عمران:ما اعرف تجهيزات العروسه عليج

_من عيوني انظف الغرفه والجناح كله الك اترسه ورد وابخره واخليلك جرجف ابيض مال عرس واطش الجكليت فوكاه تريد هم احضر الك سيت النوم مالتها اخليه فوك الجربايه يعجبك لون عليها لو اخلي لون ابيض

احجي وياه وكل جسمي يرجف وصوتي يرجف وبالكوة مسيطره على دموعي وكمت ما كدرت اسيطر على رجفه جسمي واعصابي وكال

عمران:مو مهم اللون بس يهمني طويل وبيه جاكه

_انت اول وتالي راح تنام وياها شيهمك الشكل

صحت بعصبيه ونزلت دموعي مشيت اريد بس امشي اطلع من المكان وما احسه بس ساحبني من ايدي وكعت بحضنه سحبني كعدت عدل ردت اكوم ما خلاني وحضني راسي صار على صدره شهكت والدموع تنزل من عيني بقه يلعب بشعري وكال

عمران :عندي هل كمر واخذ عليه وحده جنها محجاره حمام ابويه انتي فرح ما تخطر ابالي ولا راغب بيها وسديت موضوعها ويه ابوها واذا تردين الصدك انا احب اشوف ثوب نوم احمر على جسمج

فوتت راسي بنص صدره وبقيت لازمه بلوزه كل قوتي يابه لسانه فلت ما يستحي ينطيها بلوجه كلش استحيت منه باس راسي ما حسيت بروحي من نمت بحضنه طلع الصبح فتحت عيني واني وياه نايمين على الكرويته متغطين سويه راسي على صدره واديناته على خاصرتي والثانيه على ضهري بقيت اباوع على وجها لحيته بيها شيب مرتبه وعطره يجنن سحبت نفسي على كيف حته ما اكعد غطيته زين وفتت للحمام غسلت رتبت شعري ولبست منه بجامه وغسلت ملابسي ونشفتهم بلغساله وشريتهم بره همزين اكو شمس شويه فتت للمطبخ رفعت شعري وبلشت اسوي ريوك موجود اكل بالثلاجه خليت الأكل على الميز غسلت ايدي حته اكعد عمران وما اشوف غير حضني من وره وسحبني لصدره حضني بقوة وبقه لاف ايده عليه باس ركبتي كل جسمي رجف من حسيت بلحيته وملمسها على ركبتي وكال