ترف وشيخ الجنوب

البارت السادس

چلماتي توجع حيل من أحچي أأذيك
طولت خلگي وياك چي مستعز بيك 💔

#ترف

مرت ايام مثل النار على قلبي فرح مشوفتني المر كدامهم ملاك و وراهم سلايه كلشي اسوي عدل حته ما اشوف عمران و كلش قليل احجي ويه البنات حته ما اسوي مشاكل الهم وريم حبابه وفد مثقفه يعني تتخلى بنص القلب اخجل منها كل مره نسولف بيها احس اني السبب بموتت ابن عمران هلكد ما عائلة شريفه و أهل اصل وشوفتني صوره وشهاداته دائما الأول وذكي كلش يشبه عمران  جابولي ملابس حلفت الها تجيب الي ملابس سوده اول شي مقبلت بعدين حلفتها يله جابت الي ملابس سوده وهم بيها قطع الوان تكلي انتي عروسه بعدج متعرف اني هنا حالي حال الأثاث فتت سبحت بعد ما خلصت كل الشغل ومن طلعت لكيتها فرح كاعده على الجربايه مسوين عزيمه واني من الصبح لحد الليل ويه البنات خطيه اهلهم جايين كالو ما اطخ شي بالليل ينظفون المواعين بس اني خلصتهم وكلت لريم وصعدت ومن طلعت لكيت فرح على الجربايه كاعده لازمه صوره ماما الوحيده الي عندي..

_نعم محتاجه شي

فرح:نزلي سوي الي جاي لو اكلج كهوة مشتهية

_شوفي عندج ادين كومي انتي سوي لنفسج واطلعي من غرفتي اريد ارتاح

فرح:بنت الجلبه لاكول لعمران هل فصليه تحجي وياي بهل طريقه وتطردني اله اخليه يجنزج يلفصليه العار

كامت ووهي عصبيه عقجت الصوره وشمرتها بالكاع وشفت كلادتي بركبتها وطلعت طلعت وراها بسرعه وكلت الها

_اريد كلادتي بسرعه

عمران:صوتكم عالي

فرح:ما ابقه بهل بيت بعد ولا افوت المابيه ذره احترام

عمران:شنو صاير احجي

فرح:جنت اريد احجي وياها و تجازوت علي وطردتني وما احترمتني ولا احترمت اني ضيفه بهل بيت وتكلي ما تحترم وحده مثلي وانا ما سويت الها شي

كامت تبجي بقيت صافنه عليها وعمران باوع عليه ضحكت وكلت الها واني اصفك وصافنه عليها

_ماشاء الله ممثله بارعه هم انطيني كلادتي رجعيها هسه

عمران:جن لسانج طولان

_اريد كلادتي لو سمحتي رجعيها الي

عمران:يا كلاده

_كلادتي بركبتها كلادتي اريدها هسه

صوتي يرجف بالكوة مسيطره على نفسي خلت ايدها على الكلاده وسحبتها كل قوتها كطعتها وشمرتها بالكاع مشيت وشلتها من الكاع كلاده ذهب عاديه وزنجيل عادي بس جانت كل الي باقيلي من ماما بقيت اباوع على الكلاده المكطوعه رفعت راسي وباوعت عليها وكالت الي