ترف وشيخ الجنوب

البارت العاشر

وهذا گلبي منين ماصديتلة يرجف عليك .

#ترف

غمضت عيني وانطيته ضهري ما حسيت على نفسي من التعب رحت بعالم ثاني فزيت فتحت عيني اباوع وين اني بعدين استوعبت وين اني نوب نايمه بحضنه وايده على خاصرتي راسي يم راسه ملامحه وهو نايم تسحر حواجبه رموشه وخشمه لحيته كلشي بوجهة حلو عطره حضنه دافي وجهي قريب منه ما ردت اكوم هلكد ما جنت مرتاحه بين ايده بس سحبت نفسي على كيف منه حته لا يكعد وكمت فتت للحمام غسلت وجهي بمي بارد جسمي كله صاير ازرك اريد اغير لبسي ما اريد احد ينتبه على جسمي حته هو طلعت بعده نايم مغمض عينه مشيت للباب اريد اروح لغرفتي وكال

عمران:وين

_ل...لغرفتي

عمران:شنو الي ما فهمتيه البارحه من الحجي الكلته ؟

_اغير..ملابسي بس البس

منطيته ضهري ما درت وجهي عليه خليت ايدي على صدري وصعدت الدشداشه وشعري مفتوح وما احسه غير ورايه وكال وجان صوته قريب كلش مني

عمران:انا اجيب الج شترتدين

_جاكيتي على ..الجربايه

وخرني على جهة وفتح الباب راح وره شويه رجع جنت كاعده كبال الشباك مشه وانطاني الجاكيت اخذته منه ولبسته بسرعه بقه يباوع عليه درت وجهي منه بسرعه ما اعرف شبيه بس يباوع احس اكو شي عافني وفات للحمام استغربت منه هاي شبيه طلع من الحمام ينشف بشعره ومشه للبالكونه وفتح الباب اني جنت كاعده على الكرسي ما اسوي شي انتضره ما اعرف شسوي وكال

عمران:شوفي الأكل موجود على الميز البره كلت للبنات يخلونه هناك اذا موجود جيبيه هنا

طلعت من الغرفه بدون ما اجاوبه شلت الصينيه ومشيت كاعد يكلب بالملف خليت الأكل اله على الميز بالبالكونه بديت ارتب المواعين وخليت اله استكان الجاي كباله وكال

عمران:صبيلي جاي

صبيت اله وما احجي شي بس  ردت اروح منه وكال

عمران:وين

_اكعد جوه اسوي بعد شي تريد ؟

عمران:يعني مناويه تتريكين

_لا ..من تخلص اكل

عمران:كعدي يله وصبيلج جاي هسه يدفيج  ولا تخليني اعيد كلامي واعصب من الصبح

كعدت وصبيت الي استكان بده ياكل يله مديت ايدي هاي اول مره نكعد ناكل بنفس المكان يباوع الي بطرفه عينه هادئ كلش بطريقه ادخل الرعب لقلبي خلصت استكان الجاي بسرعه حته اكوم و ربع خبزه ما كملت وكلت الحمد لله