ترف وشيخ الجنوب

البارت السابع

مآ ظَل وجع ما جآس گَلبي 💔

ريم:قبل شهر تقريبا وره ما ضربتها واذيتها ومسحت الكاع بيها كبالنه يومها جانت كاعده بالكاع مال مطبخ بالليل فتت وكتها كمزت لزمت ايدي تريد تبوسها  ما قبلت وكالت الي ريم اريد سجاده صلاة و لبس نضيف اصلي بيه بس لا تكولين اخاف ما يقبل وميخليني اصلي صار كومه ما مصليه ابوس ايدج اريدها بس اصلي الي فاتت الي الأيام واخذيها جبت الها سجاده ولبس صلاتي كلت الها الفجر اجي اخذها منج وره الصلاه بقيت كاعده وره الباب هي عبالها رحت جانت تتحرك بالكوة صلت عمران شكد شايفه اشياء تكسر القلب بس مثلها وهي تحجي ويه رب العالمين عمري وحياتي ما شفت هيج وحده اني شكد تشوفني ما بيه اذيه هي انقى مني ما اعرف شكول الك خلت القران على صدرها بجت بجي بقيت الليل كله ابجي وياها وما كدرت اروح لو اكوم من مكاني ريحت قلبها بقت تصلي لحد ما طلع الفجر صلت صلاه الفجر و كعدت تدعي تعرف شكالت (ربي يبرد قلبه على ابنه) عمران فتت وكعت بحضنها بس ابجي وهي تريد تعرف شبيه ما حجيت شي بقت تحرك ايدها على راسي لحد ما هديت كسرتلي قلبي

_ريم كافي

ريم:عمران

_كافي كتلج هذا هو بعد ما اتقرب منها مايكون اله خاطرج طيب بعد غلاتي امريني

ريم:صدك تحجي؟يعني مراح تأذيها ؟؟ناكل سويه نسولف تطلع ويانه هيج يعني

_ ها... ها كتلج مراح ائذيها مو يعني اسويها مثلكم ارجع اذكرج تراها فصليه بس وعد احاول اصير زين وياها تدللين

ريم:ابويه وروحي من الدنيا انت ترف نايمه مو

_ما اعرف سمعتها تكح مريضه واريد بردات تتعلك بغرفتها اهتمي بهل شي انتي لان هوه بارد يفوت منها على الأقل سووها غرفه بشر الي تحتاجه سوه الها وخلي الها سجاده والي تريده تره مو ضالم لدرجه امنعها من عباده الله

ريم:ابوس قلبك وراسك تاج راسي حبيبي احبك

طارت من الفرح حضنتني وبقت تضحك وباست راسي وصعدت لغرفه ترف كعدت ادخن جكاره بقه كلام ريم براسي محد هزني ولا رجف قلبي تجي هل زعطوطه ترجف قلبي وافكر بيها بكل وكت صعدت للغرفه والباب جان مفتوح شويه سمعت ريم تكول

ريم:ميخالف قلبي مصخنه انتي تحملي هسه شويه وتصيرين احسن

ترف:ريمه

ريم:كولي بعد قلبي

ترف:اني زعلت حسين بكلامي وزعلتج اعذريني على هذا قلبي

ريم:اوف حسين ميزعل عنده قلب يسع الدنيا كلها هاي لتخافين ما يزعل منج

ترف:اعتذريلي منه امانه الله عليج