ترف وشيخ الجنوب

البارت التاسع

كنت أرفض دائماً الإنتماء
لأي قلب لأي مكان لأي أغنية
حتى أتيت أنتِ
ضارباً بخطوطي الحمراء عرض الحائط.. 💙

ترف:محمد.... محم.. د

بالكوه تحجي جسمها كله يرجف تقربت لزكتها بالحايط وجهي يم وجهة صار انحنيت الها وضغطت على ايدها الي وره ضهرها وكلت الها بالكوه مسيطر على صوتي واعصابي ..

_اعتدى عليج؟؟

ترف:ل..لا ..لا

_احجي الصدك

صحت بيها دفعتني بجسمها بصدرها ما كدرت تبعدني عنها وكالت بعصبيه وهي ترجف

ترف:كتلك لا..لا ما مصدك اخذني افحص شوفني بت بيت لو لا كتلك لا... واذا ما مصدك ورايد حجه عليه ابوس ايدك يله... يله... يله طبق سوالف العشاير واذبحني خلصني... خلصني كول مو شريفه خلصني من هل دنيه اخذ روحي بأيدك

عفتها رجعت ليورة بقيت واكف كبالها وهي لزمت بثوبها وصعدته على صدرها وكلت

_اخوج هيج سوه بيج يتحارش بيج هاي اول مره وسكتي ؟؟؟

وما اشوفها غير تبجي وتشهك بدت تضرب على قلبها كل قوتها مكدرت اعوفها هيج تسوي بنفسها نقبض قلبي عليها وهي ومنهاره هيج لزمت ايدها سحبتها رفعت راسها وكالت وهي تشهك بالكوة تاخذ نفس اني حرت بعيونها ضيعتني

ترف:لا مو اخويه... مو اخويه امي ماتت وعمري 16 سنه تزوج ابويه بمروة عدها ابن من رجال ثاني محمد هو.... محمد الي كتل ابنك وابويه مسمي باسمه قشمرت عليه مروه واني الي صرت الضحيه هنا بالموضوع ورضيت وسكتت ..لا محد اني يحبني لتخاف جنت خدامه هناك لو اكلك ميز احسن شون ما كلت ميز جنت ما ...مارضيت..ما رضيت اجي فصليه هنا...وبيومها فات للغرفه هو... محمد فات تحرش بيه جنت اشوف عليه مثل اخوي وما اطيق اباوع بوجهة سكير ابو مشاكل اجه سكران الي بيوم الي اجيت هنا اجه سكران ميقبل ازوج ..ميقبل لان عينه عليه ويطرد الكل لان رايد غايه مني النكس رايد شي وفتت للحمام قفلت الباب بس ..بس اليوم ماكو مفتاح البيت فارغ صيحت ..راد ..راد... اخذت الخشبه ضربته ضربته اكثر من مره لو بيدي اكتله خلاص اموته بيدي ما خفت عليه يموت ضربته جان يريد.. اني مكدرت ابقه س... ساكته...

وخرت منها كعدت على الجربايه رجلي ما حملتني من سمعت الي كالته بقيت صافن عليها كعدت بالكاع بقت تباوع على ايدها واني اباوع عليها رفعت راسها ابتسمت ابتسامه كسرت قلبي بيها وكالت

ترف:مو مدللة والله جانو يعاملوني اسواء منك اني ما اذيت ابنك بس انت واهلي اذيتوني ماعندي شي حلو بحياتي ولا ذكره حلوة بس ويه امي والكلاده جانت الشي الوحيد الي احبه بحياتي اني هسه يتيمه مالي سند ولا احد وراضيه ابقه ميز هنا بس لا ترجعني هناك مره ثانيه اكتلني هنا سوي الي تريده اذيني شكد متشوف هل شي يريحك بس لا ترجعني هناك وراضيه اصير خدامه لفرح حته كرامتي ما اريدها شسوون بيه سو بس لا ترجعني هناك ما اخلص من..من ايد محمد