ترف وشيخ الجنوب

البارت الواحد والعشرون والأخير

"سيأتي شخص يُحبك كما أنت، يُهديك الأمان الذي تفتقده، يعاملك كما يستحق قلبك تمامًا." 🖤

وهل مر شهر كامل ما شفته الليل كله حاضنه سترته ما أكدر انام اذا ريحته ماكو... بقيت اكتب كل الي صار الي من اول مره شفته وشصار بينه راح اعوفه الدفتر للي ابطني بحال الله ما كاتب الي عمر جديد بده البيبي يتحرك ما كشفت عليه بنيه لو ولد بس التزمت بالادويه والاكل الصحي الي يفيد جسمي والطفل اكل كلشي مهم حته اذا ما احبه اكله حته يجي بصحه وسلامه سمنانه و بطني كبرت وعمران ما اتصل بيه ابد ولا اني مرات البنات يسمعوني حجي هم حاجيات ويه عمران وهو بخير واطمئن عليه اشتاقيت اله الدكتورة وسن كالت اكو تحسن بصحتي الحمد لله وانطتني ابر وفيتامينات جديده ريم ابد ابد ما عافتني لا هي ولا حسين ونوال خلف الله عليها تصعد الي الفاكهة والأكل ورغد 24 ساعة بغرفتي تلهيني ما اعرف شون اجازيهم مرات انزل اخلي ماما نبعه تقره قرأن على بطني وتحصن الطفل اتبارك بيها احس صدري يخف همه من تسولف وياي وتحجي وياي تدعي الي من كل قلبها الي وكل هذا بس عمران ترك فراغ جبير بروحته عني.... صارت الدنيا ليل فزيت طاك قلبي على عمران اريد اشوفه اشم عطره اريد اشوفه الدموع تنزل من عيني ما أكدر اصبر نفسي اتصلت بريم جاوبت من اول دكه وكالت برعب

ريم :شكو اجيتج

_مابيه والله مابيه ريم تحلمت بعمران طك قلبي عليه اخذوني اشوفه بس اشوفه واشم عطره ريم أخاف اموت وتضل حسره بقلبي ما شفته فدوه

ريم:استغفر الله خرب روحك عمران حضري نفسج اخذي ادويتج وكلشي جايج اني وحسين راح ادز رساله لجاسم هو يكول لأمي والبنات راح ناخذج احنه

تشكرت منها ورزلتني هاي كل ما اتشكر منها ترزلني تكول مابينه شكر لميت اغراضي بجنطه سلمت عليهم ونزل حسين بسرعه واخذ الجنطه مني وخلها بالصندوك وفتح الباب صعدت ومخلين مخده وغطه ومرجع الكشن تمددت وكالت ريم

ريم:عادهاي الفكره احسن شي سويتيهة انتي تروحين اله وتكسرين خشمه

مسحت دموعي وشهكت جسمي كله يرجف بس اريد اشوفه وكلت الها

_واذا ما قبل

ريم.والكعبه افشخه بالطابوكه

حسين:لا عبالج تشوفيه جبل من بره تره عمران مثل الريشه بداخله يحبج ويموت عليج وسوه هذا لان ما يكدر يخسرج

_ولا اني اكدر اخسره حسين عمران انطاني كلشي احبه واريده واني طفل واحد ما كدرت افرحه بيه ما اكدر احرمه مرتين من ابنه