ترف وشيخ الجنوب

البارت السابع عشر

"أطلتُ النظَر إليك؛ فأدركت أنكِ لِلنظر دواء "

جاسم:ذهب شنو

_أي سمعت النسوان يكولون هل فصليه ملابسه ذهب انا ما اريدها بعد فصليه انا اريدها على سنه الله ورسوله اريدها حرمتي وما اريد اسمع احد يكول عنها فصليه وحته حلقه بيديها ماكو

حسين:انت بس أشر وتدلل راح اخذك لصايغ العايله ما يغش وابن حلال وامه ماشاء الله عليها بس عساك تخلي كلمه بحلكه وره خمس ثوانيها تلكاها بحلك كل نسوان الديره بالعباس

ضحكت وجاسم بقه يباوع علي جنه يعرف انا عاشكهة واخذني حسين وفتنه سلمت انصدم من شافني وكام يرجف عبالك فايت اله ملك الموت كام يتراجف وكال

حسين:شيخ ان شاء الله ناوي تشتري ذهب لمرتك ترف انا كتلك عليوي احسن صايغ ب الديره

وضحكت اعرف بيه يريد علي يوصل حجي ل امه وباوع علي وكال

علي:شيخ يعني بطلت تأخذ حرمه على مرتك

حسين:لا بطل ما يأخذ عاشك مرته بس جان براسه غايه ما يأخذ وحده على بنت الأصل ذيج ترف اقصد

اخذت الها ذهب ثكيل وذهب ناعم انا اعرف النسوان هنا يحبن الثكيل وهي تحب الأشياء الهادئه ورحت للبيت وره ما خلصت سبحت وغيرت لبسي ورجعت للمستشفى طلعت رغد وفتت اني ولكيتها كاعده وامي وام حسين يسولفن وريم كاعده يم ترف وترف كاعده على جربايتها تباوع من الشباك وكلت

_السلام عليكم

ندارت ترف وابتسمت بس شافتني واني هم ومشيت إلها ردو السلام وسحبت ريم وكفتها وكعدت بصف ترف وهي مستحيه دكو الباب الولد وهي ممخليه شي على راسها تحركت حته تأخذ الحجاب ثبتتها ولزمت الحجاب وخليته على راسها وسلمو عليها وتحمدو على سلامتها وهي تشكرت منهم بقو يسولوفن وانا هم وكال

جاسم:شنو شكلك ما ناوي تفتح شجايب الها من هسه رغد لا تكولين اجيب الج شي

وضحكنه وهي تباوع على خدودها دم صارن من الخجل وكلت الها

_ترف حقج على راسي من فوك والي سويته

ترف:مصار شي لا تذكر الي صار

امي:يمه شصار ؟

ترف:يوم قصده على زواجه

_وانا اريدج مرتي وحلالي لا فصليه ولا شي ومن هسه اذا كلتي أي تصيرين حلالي ومرتي كدام الله وكل الناس لا فصليه ولا هل سوالف واذا كلتي لا والله وقسم بالله العلي العظيم وين تردين ترحين واي مكان  بيه ترحين الج بيت وحدج ومصروف يجري الج كل شهر وما تحتاجين شي