ترف وشيخ الجنوب

البارت العشرون

أنا گلت مالي قسمه بـ كُلشي ،
چا هي ظلَت عليك ؟

_عمران انت شتحجي

عمران:بس اني ما اكدر اسامح نفسي على السويتهه بيج

_تريد تقهرني ونرجع لنفس الموضوع

عمران:ما اكدر

_انت خليتني اسعد انسانه بهل دنيا احبك لدرجه كل صلاه ادعي من الله يزيد عمرك واموت بين ايدك ولا يصير اسم الله عليك شي ادعي كل فجر الله ينطيك الصحه والعافيه وتبقه سندي وعمري بهل دنيا

عمران:يا بعد قلبي وعمري الله يرزقج بطول العمر نكبر ونشيب سوه

_امين يارب

بقينه كاعدين ونسولف بقه يفلس الي سمج ومياكل بس يوكلني ضحكت سوه الي لكمه لزمت ايده وبستها بقه يباوع عليه وكتله

_تره حنفجر كافي اكل شي انت خلي اني اسوي ألك اني

عمران:انتي شبعي واني اذا عليه سهلة بشوفه عيونج اشبع

لزم ايدي وباس ايدي خله ايده يم رقبتي وسحبني وتقرب مني باسني يم شفتي مرت أيام طويله رغد جابت ولد ايه من الحسن ابيض وعيونه كبار شون عيون عمران والحلك صغير الصلاه على النبي يخبل جاسم ما مصدك ولا هي جبت الها كلاده وسوارات ذهب ونوب جبنه اني و عمران ل علي الي هو ابن جاسم سموه علي سوارات ودنبوس ذهب ومحبس وهاي مرت ايام البيت هادئ كاعده بوحدي منتضره عمران راح للشغل اليوم عند قضيه والولد راحو وياه اشتاقيت اله جسمي يوجعني كله احس بوجع صار فتره ابطني بس متجاهلة الموضوع يعني وجع بسيط لويات بس بين فتره وفتره اليوم زاد الوجع نفتح الباب وجان عمران كمت اله اول ما شفته وجنت لابسه كلبيه بيضه نص ردان مشيت وحضنته ضحك ورفعت راسي بسته من ركبته وهو خله ايده على خاصرتي حظني كل قوته بأس ركبتي و خدي وكال

عمران:وين نطلع اليوم عاجبج نروح لبغداد

_لا خلينا هنا

عمران:شنو انتي متضوجين بس بالبيت

_وانت وياي ليش اضوج؟مثلا

خليت حنجي على صدره وجنت اباع عليه وهو هم بقه صافن بعيوني بأس عيوني وخشمي وكال

عمران:الحمدلله على اليوم الي شفتج بيه وصرتي الي وحلالي احبج خلي اسبح وانتي فكري نروح لبغداد لو شنو ابالج ما نبقه بالبيت

ضحكت وفات للحمام وانطيته ملابسه حظرت اله أغراضه وصاح الي

عمران:ما يعجبج نسبح سوه