دكتوره لو شيخه؟! ( مكتمله)

حب لو ثأر

ام فهد العلويه زينب :
يمه سويتن الغده
ريما :يمه فدوه مدشوفين اني ارتب هدومي وفوكاها نقلتوني من مدرستي وجبتونه للعراق وبهذلتونه
ام فهد :عشتوا عود صيري بالسادس وشدي حيلج بعدج كلج خامس
ريما :اي يمه خامس وعلمي وحلمي تعرفي انو اصير مهندسه
ميس :يلمهندسسسسه نصي صوتج كولي اكو حمار نايم
ريما :تهي بهي تنبل مال نوم
ريما ؛بداخلي اكول

مع الاسف هاي تؤمي والله يا الله اني شاطره واحب الدراسه وهاي تحب بس النوم
ريما :ها يمه شتكولين نروح لمطعم بما انو جاين جديدين ع المنطقه خل نستكشف المطاعم
ميس :اي يوم حبابه
ريما : ها عيوني شو كعدتي رجعي نامي مناخذذج ويانه 😒
ميس :اي مو هو بكيفج
ريما :اني كم مره اكلج احترميني انتي..ماكملت لان فهد قاطعه
فهد :اعصابج ست المهندسه علكيفج
ريما :هله بالشيخ
هله بالدكتور
هلااا والله
فهد :لتكولين شيخ تعرفيني ما احب هذا اللقب
ام فهد :يمه وليدي شيخ الشيوخ ودكتور جراح شريد بعد الله يحفظك كامل مكمل بس ناقصتك بت الحلال وافرح بيك
فهد :امشوا انروح للمطعم ويمه كلشي احجي لا موضوع الزواج اني ما احب النسوان واريد اعيش حر

ميس :يله كملت مابقه بس الشال
ريما :يا عزه شوكت بدلتي ولج
ميس اعجبج عيني😂
فهد :حجيه يله بدلي
ام فهد : ايي هسسه من وره خشمه

العلويه زينب : اني الك فهد والله ازوجك قبل لاتطب السنه الجديده علينه بسييطه
ريما
صعدنا بالسياره وامي كعدت بالصدر واني والتنبل ميس وام فاروق ليوره صح هي عامله بس امي جابته بعد ما توفه ابويه الشيخ ساهر واحنه نعتبره مثل امنه وربتنه وكبرتنه وخاصه من امي مرت بصدمه بعد وفاه ابويه وحتى اجت ويانه لدبي حتى اخويه الوحيد فهد يكمل دراسات ورجعلنه طبيب ورفع راسنه بهاي الفتره كله ام فاروق ما حسستنه بنقص ام حرمتنه من حنانه

ميس
اني كله تكول عليه تنبل مال نوم ولا شغل ولا عمل وحتى مو زينه كلش بالدراسه بس الي عرفته من جان عمري ١٥ يعني قبل سنتين صدمني صدمه عمري عرفت سر العائله المضموم  وضليت اكابر واتناساه واحاول ما افكر بي وما سئلت فلذلك كمت اهرب من الواقع بالنوم

فهد ،؟
هاا
حباب قريني انكلش هاي المدرسه
ريما مابيه حيل تدرين بعدني ممنقول واوضاعنه متخربطه وتغير المكان
ريما
لعد شكو جبتنه هنا
فهد
هاي كاعنه هنا وبيتنا وارضنا صح اني دكتور بس مو معناه انو ما ادير امور المشيخه اني سلمته لعمي بس اني هم عندي مسؤليات
ريما
بس انت حتى متقبل احد يكلك شيخ
فهد
صح لانو من بعد الشيخ ساهر ماكو شيخ
ام فهد نزلت دمعته فغمز لريما انو يسدون الموضوع لان يعرفون امهم اتحبه هواي
ام فاروق
الله يرحمه الشيخ برحمته الواسعه
شون جان زلمه وجانت اللمه والكرايب كله اتحبه بس الله لايوفقه الي قتله الله يحرمه شمه الهوه
فهد
كافي خاله هذا الحجي مو وكته
هذا هذا صاحت ميس
هذا المطعم خل ننزل بي
فهد ديله نزلن
ضربت بريك وطبكت السياره
نزلوا للمطعم وصوا ع اكل بس لان الكميه هواي كالوا الهم انتضروا شويه وقدمولهم المقبلات
ضلوا ياكلون ويضحكون
فهد
سمعت صوت رنه كعب فشلت عيني وشفت هذيج البنيه
غمضت وفتحت عيني وتأكدت هاي هي وباوعت بره لكيت نفس سيارته طابكه