دكتوره لو شيخه؟! ( مكتمله)

الكلمات لاتكفي لتشرح وجع قلبي

ابوج الله يرحمه وتبجي واني امسح بدموعه
اني ما كتلته متقصده الله ورسوله يشهد عليه صار سوء تفاهم و وخلت ايده ع راسه ودنكت
اني رجعت رفعت راسه بأيدي
يمه لدنكين راسج واحجيلي
تحجيلي وهي تشهك كلشويه وامسح دموعه

زين شلون مات واني كمت ابجي
فهد جان عمره ١٤ سنه
وانتي واختج توأم عمركم سنه
اي صح ابويه مات واني عمري سنه وحده وما لحكت اشوفه شفته بس بالصور
رحنه اني وابوج للمزرعه وصار سوء تفاهم وزادت البجي واني استمع اله
وابجي وياه
اي يمه كملي ...
وتعاركنه ودفعته جان وراه صبه و
شبكته ما كدرت تكمل
شبكته واني اربت على ظهره وابوس راسه
وهي حضنتني وتعيط كامت اريد اسكته ما اكدر استمرينه نحجي نص ساعه تقريبا والي افتهمته منه

اكو مشكله صارت وابويه مد ايده على امي وامي دفعته طاح على صبه ونشك راسه ومات بساعته
بس بعدني ممفتهمه شنو سبب المشكله

شنو السبب الي يخلي العلويه زينب تكتل الشيخ ساهر ؟!
هل السر وراء الموضوع هذا اذا نكشف شنو ممكن يصير

زين يمه
انتي حجيتيلي كلشي شنو السبب الرئيسي ،؟؟؟
اسمعيني يمه اني اريد احجيلج
بعد ما اكدر اكتم السر صارلي ٣٠ سنه ضامته تعبت روحي ونفسيتي
لزمت اديه وباوعت بعيوني
اني للحضه ماردته تحجي للصراحه حسيت الي راح تحجي ممكن يدمرنه واخاف اني مو كد مسؤليه هذا السر

هاي شنو شفت الكامرات
والتسجيلات واكفات الشاشه سوده هنا اني كلبي يمكن وكف بعد ما بي نبض
يعني هذني هنه راح يطلعن المجرم الي هجم علينه وهسه ميشتغلن
خليت فلاش وسحبتهن على الحاسبه مالتي واني خايفه انو ميشتغلن
كملت وصارن على الحاسبه فتت عليه واني ختمت القرأن انو يفتحن عندي
لان هذني الدليل الوحيد كبست على الماوس وفتحت الملف وتنهدت وكلت بسم الله
شفت كامره الاولى اشتغلت الي هي بالممر الي يربط الطابق الاول باب البيت الداخلي يمتد من الدرج لحد الباب شفت ابويه نزل من الدرج وهو يكف ردانه حتى يتوضى  واني فتحت ايدي و باوعت على سبحته وقربته اليه اشمه وحضنته وابجي ومر شريط الذكريات كدام عيني

فتحت الكامره الثانيه
الي هي بالحديقه شفته توضى وراد يدخل
بس اكو شي صار التفت و باوع ابويه ووكف شويه وبعدين رجع كمل طريقه وفتح الباب يريد يدخل بس هم وكف مره ثانيه وهل مره سد الباب وتوجه لمصدر الصوت
اني هنا خفت واجاني شعور غريب ركزت بالشاشه اكثر وتقربت ومسحت دموعي بسرعه
وفتحت الكامره الثالثه
شفت ٣اشخاص واحد مسلح شايل مسدس وواحد شايل رشاشه
والثالث بس يمشي وياهم
بلعت ريكي وخليت ايدي على صدري وتنفست بعمق اشكالهم مبينه ملثمين
ابويه صاح عليهم اثنين بقوا وتقدم ابو المسدس بس مرفعه على ابويه
الي خلاني استغرب ليش ما شردوا من شافوا ابويه ما اعرف شنو حجه وياهم بس دار وجه وراح
وماسووله شي بس ابويه ضل واكف ويحجي وياهم وهمه راحوا
لحكهم ابويه وهمه كاموا يركضون
بس الي حيرني شنو حجوا ويه ابويه وابويه يعرفهم ؟ والف سؤال اجه بالي
رجعت عدت الفديو
وصورته بجهازي كعدت ادقق بالفديو جانت الدنيه بعده يعني ليل حتى وجه ابويه مبين وشفت شي ابيض بأيد ابويه رجعت عدت الفديو وكبرته اكثر
الي تقدم لابويه وحجه وياه ابويه جر اللثام مالته جان ملثم بشي ابيض
وهو رأسا دفع ابويه وشرد وابويه كام يركض وراهم
وخلص الفديو
بقت الكامره الخامسه وهي اخر كامره
اني مردت اشوف شلون ابويه انضرب بس جبرت نفسي وفتحت الكامره الخامسه
اندار عليه ورفع المسدس بوجه ابويه بس ابويه تقدم عليه ورفع اصبعه بوجه وما اعرف شنو حجه وياه ودار وجه وراح
اهنا الكلب النذل اخذ ابويه غدر بي  نطاه ظهره ظربه طلقه اي شهكت وعطت ودمعتي طاحت من طاح ابويه وهمه شردوا وضلوا يرمون طلق على البيت هيج بالهوى بس بعدين واحد رجع لابويه واخذ اللثام الي بأيده لأبويه وكلب ابويه على بطنه وخله اللثام على الطلقه بس علي اجه يركض هو عنده سلاح طلعه من خصره وراح وره الاشجار اجه علي وصارت مواجه بس هو ما رمه على علي ابد لان هو قريب عليه يبين موقعه اذا رمه او حتى تحرك بس وراه علي خلص الطلق يمكن
بهاي الاثناء اني اجيت والبندقية بأيدي مال ابويه هذا الحجي كله وهو وره الاشجار كبالنه بس اني مشفت وجه بالكامره
لان منطي ظهره للكامره